Sony A7 III

評測報告

實拍照片

眼部對焦
電池大升級，足夠用一日
693對焦點，快準
白平衡室內準確
Iso雜訊控制良好，iso2000我也能接受
畢竟是第三代了，各方面細節也成熟了

鏡頭偏貴，二手流通量少，想入手 70-200GM 都諗好耐，人地 C/N 大量二手平貨
鏡頭選擇沒 C/N 兩家咁多, 幸好有Zeiss/Sigma/Samyang 等支援
Menu 不友善<----可能我用開RX1, 對我冇問題，而且最右頁可以自訂menu 了
冇反mon自拍，Canon EOS R 已經有了
PlayMemories 遙控Apps 很弱雞, 連touch focus 都冇

寫這comment 時，Canon 和 Nikon 已公布了 EOS R 和 Z6 Z7 了, 無後悔入手了A7iii, 純比較規格A7iii 是較優異, 只是GM鏡頭又貴又沒有二手貨

我影人多，所以主要讚下眼控真係好屈機，
影家中皇后同1歲太子無難度。
如果主子（貓）都用到眼控就好喇！

其餘咩電量iso對焦搖杆色水嘅進化唔講喇。

價錢對平民用家來講唔算平，
但用完真係無買貴無買錯，
但都有幾個缺點如下，

1，用電話app自拍時無得揀對焦點，呢點好重要，
因我經常要和家人自拍，明明上一代可以。
2，對比a7m2係好揸手，但又重左。
3，觸屏反應唔太靈敏。

如果改善埋以上缺點我真係覺得無敵。

仲有sony可唔可以出返啲輕便少少嘅鏡，
gm係有質素但唔係個個咁高要求，
你見龍仔支2875賣到斷晒貨就知啦！
依家係就算有錢買，都要考慮重量問題呀。

拍照的優缺點不多說, 前人已明言.

但作為一名錄影師, 入手這部相機的最大驚喜是,
它設有不同的Picture Profile, Slog 2,3, 高動態記錄.
每種PP亦可再自行深入調較.
另一點是,這部無反竟然會有 TC/UB 供設置, 輸出.
這些應該只在專業錄影機上才會有的素質, 但在A7iii上都能發現.
而多數專業拍攝用的格式亦都齊全.電量亦可接受.
五軸防震不錯, 但專業的還是建議配搭Gimbal或Cage.

要說錄影上的缺點可能就是:
沒有422 10bit 錄影
無反有限制錄影的時間,
長時間拍4K或有過熱 (可設為"高"溫才自動關機)
對焦與光圈的過渡流暢度

1. 對焦快 (693點對焦喎，邊個角落都對到啦)
2. 電量長 (廠商話比舊款電長兩倍，我感覺三倍有多)
3. 雙插卡 (快卡慢卡都支援)
4. 防震佳 (其實一向都做得唔錯)
5. 價錢平 (比起A7RIII真係平好多呢)

1. 轉盤位冇LOCK (係咪缺點見人見智啦)
2. 比上一代重 (其實又唔係重好多)
3. 冇得用APP (尤其好多人鍾意影timelapse)
4. touch mon只for對焦 (仲要你要開出來先有)
5. 個MENU...比較蹝時間 (幸好有自設功能鍵同頁面)

一揸上手，其實分別唔大，比較欣賞佢個錄影制終於唔再係側邊丁咁細粒，同埋當反少少個mon出嚟就唔怕自動同view finder之間自動切換，另外個mount位緊緻咗，感覺實淨。

眼球對焦同人像登錄真係好有用，set埋個低光下人臉對焦優先就更佳，我在低光下測試過，十中八九啦，都要睇你支鏡質素。不過拎起就可以拍，加埋防手震，亂槍掃射都唔覺走焦嚴重。我拍片為主，ISO6400係完全可以用，就算過萬也不是不可接受，真係估唔到，不過對比A7SII就點都差啲，唔係noise問題，係光暗分佈唔夠勻循。但4K的在日光下拍攝比A7SII則有過之而無不及，話哂人哋由6K再壓縮4K。

因為自己以拍片為主，本身都打算等A7SIII出先買，但一睇個定價，再睇睇A7RIII個定價，嘩咗一聲出嚟，之後再睇埋啲評測同規格對比，喂！唔講得笑喎，而且今次A7III仲多咗個PP10。講真，A7SIII如果真係如傳聞中有4K50fps又或者422格式啦，定價一定貴到無倫，呢個moment，唔係忍下話？

基本上產品有咩優點網上都比人講過晒，最大的就是eye AF，其次是機身防震，加左接環接無IS既鏡會變成有IS，咁機身比貴左，鐘頭可以便宜些。因為有防震，手持可以低至1/15秒，代價也不太大，高ISO 6400或12800若不放到最大也屬可接受，當然要求高的3200應該都無問題，有番咁上下要求既人必定不用1.2也1.4的大光圈，當然不是Sony或CZ，貴到窮三世。 AFC對於有連拍或拍片需要應該也是優點，但我很少拍連拍也很少拍片，那手動放大及合焦自定顏色會比較實用，尤其是用接環大於135mm時很多時被迫改為手動對焦。 自定按鈕算是優點嗎？ 若沒有低能的菜單，應該算是。反而自定轉盤1,2,M1-M4才是真優點，可預先設定好人像及風景的喜好設定，到拍時轉一轉選1,2即可快速提取預設，少修改即可拍。

對於用開Canon，連最平價的apsc機都有返mon，且LV一按即拍，比咁貴換部FF，個mon唔反得，touch只能選對焦點，且反應遲鈍，只能用低能去形容，若不是eye AF，去陳列室玩過一定唔買，尤其唔能夠睇住個反mon自拍超級唔方便，不過可以用手機playmemories連接控制，是煩了點，還可以將就用來自拍。 其餘起動慢，按了要等，沒Canon的爽。

其實若不是eye AF，我不認為值得轉會，但有eye AF，若你手上有兩三枝靚FF鏡卻在Canon機上有準焦煩惱，轉會，唔轉A73也轉A7R3，不過平心而論，若果Canon或Sigma鏡在Canon機準焦的話，我不認為畫質會比插在Sony差，尤其是膚色。

Sony原生鏡的確對焦更快及更多功能如放大對焦，AFA，DMF，EFS等等，但付出的價錢卻每每是天價，我用接環有eye AF已夠用，除非有一枝不太貴且畫質數一數二的Sony鏡出現，短期還是考慮Canon或Sigma，性價比會較高。

1. 手感較佳, 個手握位深左
2. 終於支援雙卡
3. 終於有用得倒 UHS-II的寫入速度
4. 終於有 USB3.0
5. 造工感覺較佳, 感覺比較硬淨
6. 多左function key
7. Mount 位緊左, 冇之前上鏡頭時有啲鬆弛的感覺
8. 對焦選項增加
9. 對焦準確度輕微增加 (整體而言)
10. 追焦能力超班!!!!
11. 電池續航力大大大大大增
12. I/O 口保護蓋設計大有改良, 冇咁脆弱
13. 終於有 Joystick
14. 終於有touch screen
15. 白平衡準確度有改善

1. 感覺厚左重左
2. 個Mon 同EVF的顔色比較差
3. 個電子選單依然反人類
4. 個touch screen功能同反應強差人意
5. 機身防震能力感覺不足宣佈的數字
6. 防氣候保護性成疑
7. eye cap 質料未見改善, 好易癡塵
8. 未有全角度反Mon

由接觸換鏡相機開始已經係用無反, 用過1"ProZoomer, M43, APSC到現在的FF, 起碼換過10部機, 不同的機種各有各的優點缺點, 因應不同人不同的要求和承受能力自然會得出不同的選擇, 而我最終選擇了由A7RII 升(降) 級去 A7III。

暫時來說市場上都只有 Sony 有出FF無反, 加上個人非EVF不可, 所以只能在Sony 中選擇一部, 最初入手的係A7S, 12800 iso都比倒你"乾淨"的相片, 但最終因為對焦能力太差, 而且像素太低而升級去 A7RII

A7RII 在高光性況下真係比倒你聞相的快感, 但問題在於像素太高而對焦速度追唔上, 所以光線稍差的時候, out focus, 手震, 迷焦時有發生。特別係個人較常及較喜歡手持長焦打飛鳥...所以A9一出係有心動過的, 但最終因價錢問題放棄...反而入手100-400GM 連1.4X。而A7III一出發佈會就己經知道呢部會係理想的選擇。

首先A7III 在定價上十分進取, 以佢有A9 8成功力的情況下平左足足一半, 相信呢個係大部份人入手的最大原因。當中所指的8成功力主要係指佢的追焦運算能力以及對焦點數目。誠然A9的對焦係更加強, 強到有點"變態", 但考慮到性價比, A7III明顯跑出...

A7III 像素"只有"2400萬, 對比A7RII 及 D850少左成半, 到底有冇影響? 呢個問題我買前買後都試左查左好多, 最終結論係各有各好...在高光情況下放大80% 左右時用2K Mon基本睇唔倒分別, 放大100% 就會有感覺高象素會sharp啲, 但差別大約10%左右。低光情況下A7III反而受惠於低象素, noise較少, 25600 iso都可用, 但不可聞。反而高象素機色斑在8000 iso 已經十分嚴重。

電池方面: FW50 @ A7RIII 次次都要3粒跟身影大約4個鐘 (長開待機), FZ1000 @ A7III 一樣條件下40%用約4個鐘

對焦/追焦: A7III跑出9條街, 配SEL100400GM+1.4X, 追焦係完全可以追倒打倒約5米外飛行中的蜻蜓....呢個能力真係嚇親我...如果係打白鷺之類, 唔洗理咁多, 只要係EVF見倒就打倒, 95%清...呢方面我保證大機用家冇可能依靠相機性能而非個人技術做到同樣效果。

Sony 最大的敗筆始終都係超級煩的設定選單, 當初Sony Store有 Demo機的時候都試, 見倒佢個White balance set 錯左, 作為一個用過2代Sony FF機的我花左3分鐘先揾倒個setting....真心可唔可以炒左個designer....

其他不太重要的就唔詳講啦, 如果有問題可以PM我, 盡力解答 :)