我是長期放在防潮箱中，有一天發現LCD 完全冇畫面，但其他功能操作正常，隔一兩天後又正常回來， 到最近情況又出現於是嘗試用風筒把機身吹熱他又回復正常它有回復正常，其實我在淘寶上看到這部份的配件有很多出售，可能這部份的零件是經常壞的。

非常方便 價錢又平

本來都同其他用家意見一樣 對焦真係一般。但update左之後對焦反應好似成部機完全唔同晒。之前暗位對極對唔到焦而家快左好多同準左。

以前用其他機我一直都唔用鏡頭蓋。呢部冇得加filter所以只能次次帶埋個蓋。另外富士個app用WiFi 過相係廢㗎。非常之麻煩好難用我試過蘋果三星。都係用唔到

呢部機更新左之後非常抵玩。而家賣2k幾真係超值

平,平,平富士喎,

二三千蚊買富士,如果你投訴,不智.當試過算數,即放成套唔會蝕好多.

富士想連低下檔價錢市場都掃埋,不過大家三千頭,c記m10真係抵好多,色亦唔會好差,mij,乜都有,想試吓富士乜咁巴閉呢,唔該比多少少.二三千想平靚正,請考慮其它牌子,

1。$2450購入，送32g卡，多一粒電，抵玩之極。
2。輕，易用，snap shot 首選。
3。相片質素不俗，apsc比1寸，4/3大。

對焦有時拉風箱。

用了一個月，感覺很好，28mm和手機一樣。質素比手機好好多。咁嘅價錢，魚翅粉絲價。

Mf快過af 拍4k又得15p完全是搞笑用
可算是優點

對焦廢到冇人有

評分我想俾負嘅可惜冇
入手一日便賣

黑色低調
機身輕巧
畫質很好
機價便宜
鏡頭高質
有快拍模式

對焦實在太慢
快拍模式雞肋

作為一部ps機就是差一點點
對焦實在是太慢！要知在街上抓拍速度最為關鍵
無奈它的對焦作為一支28mm定焦是慢得過分，比菲林傻瓜機還要慢！
本來佢有免對焦的街拍模式離保缺點，可惜光圈只有f8,這樣變成快門速度又不能太高，在光源不足情況下基本上都是under
本來佢絕對是GR剎手，可惜就敗在對焦速度上，甚為可惜！如果唔係佢應該可成為名留清史的經典ps機

以機仔嚟講，影像算好唔錯，定焦鏡+APSC sensor 能帶出應有色彩、反差及寬容度。而且造工又好好，三千蚊有晒交代。
機仔AF部部都唔快得去邊，但ｘf10算係唔錯，一般生活照夠用。選單項目都幾多選擇同實用。黑機外型都幾型仔，著機後鏡頭唔算太凸出，不易碰撞。

以今時今日APSC sensor 來說，noise reduction 造得一般，有d重手，高iso 時把細節都磨走，可用iso 勉強可以3200。
闪燈有d弱，係咁意補下光，唔好有期望。

比手機高質係一定嘅，方便係大賣点，如想用來代替大機，放下相上網，hea 影下，夠用有凸。但如我用開N記DSLR，影像都相差好多下，不單是noise ，而是整體影像效果。不過比起同係定焦 GR3甚至 Leica q，xf10實在太抵玩，影像亦相差唔多。

機細，輕身，畫質一流，去旅行唔想帶大機真的首選，日常生活可以長期放袋中，去到邊影到邊

估唔到夠光情況下同我Xh1 拍出來質素差不多
好滿意，可以用尿袋直接差電，正
卡片機這部真的性價比，平靚正

對焦比較慢，如果一般影生活係夠
暗環境下有機會迷焦，鏡頭蓋條繩跟本唔知放邊到
用得手繩，蓋繩可以放棄
連續對焦模式，有=冇，完全拉風箱
Lcd螢幕質素一般，喺入邊睇相同係電話睇兩件事
如果個mon再靚d就好了
電量一般，如果影一日，帶多兩個電穩陣
機身好膠

總結：
機動性10分
畫質8分
外形8.5分
對焦6分
電量7分
係一部好機，如果細微的地方再細心d
用料再好d，我會覺得會值d
3600行貨，唔值
如果lcd顯示屏再用高級一些，機身物料再好d
會高分D

- 輕便細部。
- 日間環境對焦算快。
- ISO 1600可用。
- 可外置充電， 基本舊電足夠用一日。
- 無線過相算快。
- 有觸控螢幕。

- 不可反mon。
- 室內低光環境下出現迷焦情況。
- 沒有ACROS模式。
- 防震一般(預左)。

純個人用後感: 利申，用開xt2， 因為平時 出街 不太方便 本來諗住等XF70後繼機， 但就好似冇聲冇影咁之後見到呢部XF10， 雖然已經知道 係XF70嘅簡單版， 但因為價錢算叫做平價同加上喺喜愛富仕色嘅情況之下，膽粗粗入手。
優點: 用咗1個月 老實講非常方便 P模式 方便好用，日間環境之下反應算快，加上因為可用後備充電 所以不需要擔心電量問題 可以話隨時影，可以隨心所欲 攞角度街拍做記錄一流。
缺點: 不能反mon， 對攞角度做成一定的問題，由其街拍會有一定影響， 室內抵光環境下出現迷焦，沒有ACROS模式， 電子防震一般。
總結: 呢個價位， 市面上的選擇其實唔少，但如獨愛富士顏色，輕便快捷又可以袋得入褲袋 暫時只此一部。

利伸，沒有用過，但從review睇相片唔太差

沒有用xtran cmos

出左唔算好耐，在大鋪已做緊信用卡特價。證明賣唔到。XF10比X70平少少，有些硬件如光圈環已沒有了，但最重要竟然不用xtran cmos。唔夠膽講部機唔得，但我用開XE1 及XT20，對於無xtran cmos已經唔夠膽買。從銷情看我的相法都沒有錯。

老實講，GR既pricing有好多人受落，重點不在平，要夠細，顏色出色及操控一流。
打3千幾這個市埸最不智，那個價位既買家應該情願用手機。