Fujifilm X100V

評測報告

實拍照片

成皮嘢無防震十個優點都補唔返一個無防震

無防震 今時今日仲焦防震 無翻MON唔介意甚少用 無防震每次影完都要睇睇 一唔係影六七八張 所以話 唔好聽大師吹 講乜色水靚 又乜又物 懷疑佢有少少主觀

無防震無防震無防震無防震

1) 都係貪型靚正，又Iike rangefinder, 造工細緻。
2) 我用了3代X100，今次最大升級係鏡頭銳利度大幅提升，F2全開都好利下，可常用F2出更淺景深。
3)影像質素在APSC來說算是一線，顏色吸睛，jpg 機直出還不俗。noise 去到iso 6400都可用，細節都不致命於磨走太多。
4)有閃燈，補光方便。
5)AF準確，一般生活照，近攝花草，都好少走焦。
6)難得made in Japan, 越來越少。

同意之前其他師兄所述，其實都幾多下…
1)就算 update 咗最新 firmware, 部機揸手電池位照舊發熱。就算只用OVF，都係熱。不過我試過大熱天時用1小時，都運作正常，所以只係心理上麻麻地。
2)可能我用錯...點解只選用OVF時，按menu 制，仍然要係EVF內睇menu?! 而不是LCD; 除非你選用 eye detect 自動轉换OVF/LCD, 但當你放下相機時，又長著LCD浪費電量。依個只係其中一個例子，我想話: X100V 好似好貼心，好多custom setting, 但唔好用，有d煩，多餘，就像設計者本身唔係影友，為設計而設計。
3)希望將來原廠 filter ring adapter and lens hood 會平d。而且個hood 扭入 adapter 後，無位click 實，有時會鬆出嚟。而且用咗 hood 後，又用唔返原本個 lens cap, 難道每次落 lens front cap 都要扭走 hood 同 adapter ? 即時叫你自己另買坊間 49mm /55mm lens cap，可見設計粗疏唔 user friendly 。
4) 顏色雖靚，但唔忠實，尤其紅色，例如你去影法拉利紅就會明，總之休閒機唔好太認真。
5)Auto iso 偏向用高iso (就算大好陽光)。

其實用 fuji official software silkypix 轉RAW去 jpg 質素會好過用機出jpg，貪方便用家要留意。
如果你對 rangefinder 無情義結，绝對唔值1皮野。而且影像質素不及Z50 和M6Il。
如果旅行便攝，28mm會常用過35mm，XF10或GR3會實用d，至多影少d淺景深。
所以X100V係好個人喜好嘅 fun fun cam，要實用就揀其他。
另外，我真金白銀去大舖買行貨，為什麼不即埸送電? 又要上網登記搞一輪，之後去另一個地方先收到電池，簡直擾民。

街拍真係好好好好用

Mobile app 僅次垃圾

整體表現出眾，輕巧實用，使用方便，成像夠用。配上TB JJC嘅手把後，整個手握感提升200%。至於很多人會裝配嘅熱腳指抦，使用後覺得裝了手把後其實不太需要。

本身係鍾意佢個實體轉盤夠懷舊所以想課，點知用落後，為求方便會轉去C／T模式（使用前後轉盤）比較方便，特別係街攝時。

第一次使用fuji嘅UI，相比起Sony，fuji人性化很多。相較Canon/Nikon，個人認為係習慣為主。但Sony嘅UI係認真地比機械人用嘅（哈哈）。

除了成像同機身質感冇投訴外，其實我個人最鐘意係佢好直覺性嘅功能鍵。我甚至認為，設計呢部機嘅功能鍵數量／擺位／切換嘅團隊係神班底。就算唔自訂功能，初設嘅功能喺不同模式下嘅擺位都好貼心，唔會覺得wtf。

不少ching都提及過熱，因主要拍硬照為主，除了「正常運作」溫度會右手心感受到微溫外，其實室外行山長開（DVF only）模式下冇咩運作影響。

如果要講可進步空間的話：
－首先係個穩定／成熟程度衰過啲TB車cam app嘅劣app。先唔講個wifi過相同live view係「靠運氣」先勉強work，個依靠長駁BT嘅遙控快門都可以死app真係吹脹。出奇地，點解機配DUI有咁嘅質素，但mobile app會差咁多？
－其次，真係覺得有得usb-c叉著影會開心好好好多；唔通同以防過熱有關？
－最後，snap咗8xx張，試過2－3次會開機／拍攝－重播模式轉換時short咗，即時重開回復正常。懷疑係切換時個OVF/DVF/Display指令有bug loop瓜咗。

再推介TB嘅JJC手把座，真心最值得入手配件！！

-APSC中畫質超班
-銀機外型加多一分 (但我買黑機因為我係黑紅控, 喜歡黑色撞紅色),
-反應快, 快門超靜, 防濺水, OVF實用,
-對焦好過我部GR3少少,
-ISO表現好過GR3少少, 極少
-新鏡變型控制佳, F2全開都very good,
-Setting多嘢玩過X100F,
-終於有4K 200MB
-新 Neg. C Film 好正, 暗少少有mood 啲嘅環境發輝更佳
-有反mon, 雖然已經唔喺新鮮事
-電池有330張, 對用GR3用家嚟講簡直喺神物 (GR3 70-90張)

-收細光圈畫質反而覺得差左, 好奇怪
-無咗個十字掣好唔方便, 就算touch screen可代替但有時都會按錯同埋無咁直覺
-用開GR會覺得佢又大又重而且不能單手操作
-呢個價竟然無防震...扣分
-呢個價錢只送粒電....有點貴,
-要加個Ring先做到防水, 我覺得你送埋會合理啲囉
-無叉座, 唔知算唔算缺點
-無手柄唔多好揸手
-電池330張其實也是弱弱的
-人面對焦經常失效

X100系列我全都用過, 今次的確喺最滿意一部; 行貨水貨價太大差距結果小弟獻出咗第一次...買水貨.

對同時擁有GR3用家嚟講真喺好難比較邊部好, GR3單手操作 有3級防抖 畫質比較剛烈又能放入褲袋; X100V 有4K拍片, OVF好實用, 影人膚色亦較佳...以後唯有左右手各揸一部出街啦

P.S 舊版126電池其實用到的, 不過開機會有Warning, 唔like就唔好用喇

-色水一向富士水準, 吸精, 靚!
-OVF MF對焦輔助好好用 ! (+10分)
-外型靚仔 (影女仔都笑得甜D) (+100分)
-無線過相幾快
-膠片模擬好正, 相都唔使執直出就掉得出街
-ISO 3200 內都OK, 3200影夜景放大 100%會睇到noise但不明顯 (我未開過3200 以上)
-F2 全開無問題
-內置ND, 日頭幾有用
-有4K 拍片 (不過唔知邊部新機無)
-個電子Zoom 可用
-Setting 幾多野玩, 機仔黎講操作算係一流!
-個Mon 真心靚同大

-個 touch screen 反應有時真係無語
-左手有時唔知應該渣邊個位 (有少少難拿得定部機)
-無防震 !! 呢點同上一點有密切關係
-價錢好貴! (對機仔黎講)
-遮光罩一舊膠only, 賣到上萬蚊都唔送俾你, 黑人問號?
-無充電座
-富士的software 本人真係唔係好識用 (同S或C記比真係... 最後抄相我情願直抄)
-無線連接後,就算已經斷線, 熄相機後間中都會hang 住, 要直接拔電
-人面對焦就算同X-T3 比都差一皮 (室內這問題比較嚴重, 正常室內日頭光線對焦簡中拉風箱)
-部機玩一陣 (五分鐘內) 就熱, 呢D天氣已經FEEL到, 夏天唔知點算
-自拍困難 (做得反 mon 反得咁少...)
-個光圈環影緊相時有點難操作

APSC 應該同返APSC 比, 自己用 S 記 A6600 加支23 1.8 (同X100同焦段)比下
自從有X100V 少左拎 A6600出街。 X100V外型已經殺晒。
但可能自己真係俾S記寵壞左, S記set好光圈快門, 拿起相機就影, S記對焦好似知你想影乜咁。 但 X100V 可能自己手振, 十張我諗都係中得七八張, 然後就係個曝光就算同一個位影相差兩秒都可以一張正常一張暗, 自己用 A6600 完全無呢D問題。 影左幾日只可以講X100V 絕對唔係一部你可以一舉機就影既傻瓜機, 好似講左咁多唔好。 點解個題目又會講呢部機係愛不惜手呢? X100V 有電子影相俾你既方便之餘, 又不失機械操作既一部好好玩既相機, 只要你俾少少耐性同愛! 無錯! 係愛!! 佢影出黎既成像, 部機俾到你既使用體驗係其他數碼相機俾唔到你既 (本人無錢玩Leica) 俾女仔睇相時果種笑容, 好難用文字可以表逹得全面! X100V 唔完美, 但絕對會令你好有日日想拎佢出街的衝動 (可惜近排無乜得出街) 部機唔夠光對焦要比D耐性, 同無防手震係可惜少少, 但外型已經蓋過晒呢D問題

(1) 外觀靚仔，機仔細細，日後帶去旅行一流；
(2) 對比起寫上代X100F，枝鏡突飛猛進，開盡F/2都好Sharp；
(3) 對焦速度快同準，快門都夠靜（Leaf Shutter嘅功勞）；
(4) 富士色水真係好靚，內置菲林模擬係其他機/後製所比擬唔到，都唔滿意嘅網上有好多recipe可以自己跟住set；
(5) OVF/EVF互換，互補長短；
(6) Made in Japan，呢個唔需要多講我諗；
(7) 可以Type C叉電（真心唔明點解去到2022年，咁多廠都仲未肯加入自己嘅機度；
(8) 呢點純粹私心，可以直接連落富士Instax Printer Print相；
(9) 內置ND，慳返筆錢！
(10) 有weather sealing（終於，雖然要加配件...）

(1) 如同其他師兄所講，自動ISO偏高，一個好光嘅室內都用緊ISO 1600；
(2) 富士個App真係好垃圾，零操作邏輯可言；
(3) 冇防手震（皮幾嘢買部機返嚟，真係唔明點解可以咁基本嘅都冇）；
(4) 無位裝Filter，要另購個Ring，仲要唔平（都喺個句，唔明點解冇）；
(5) 內置ND唔可以拍片用；
(6) 因爲冇防手震，基本上唔可以用嚟拍片，即使佢有4K；
(7) 容易發熱，尤其電池位（其實唔影響操作，係用落好不爽）；
(8) 細電池，即使開OVF都喺400張左右；
(9) 貴！

本身一直都喺Full-frame用家（Canon 5D4爲主），但用嚟去旅行／出街影相真係太重，本身覺得無所謂，直至疫情前同X100F朋友去咗轉歐洲，真係體驗到個分別。 除咗輕便同靚仔，佢個價錢真係對得住佢影出嚟嘅質素。

有好多人可能唔明白X100系列究竟個魅力係咩，1萬蚊買部APSC，又冇得換鏡嘅snapshot機，咁同電話影有咩分別？但自體驗過帶住佢去旅行，35mm呢個焦段，風景又得，人像又得，街拍又得，食物亦得，基本上係萬能鏡。同埋好多嘢電話係比唔到咁嘅質素你。

但小弟認爲相機應該要係帶出街影相先有佢嘅價值，無錯其他Full-frame機真係靚好多，但咁重你又想唔想帶佢出去呢？而正如前面有師兄講過，呢部機的確唔完美，但佢就喺有令你想日日帶出街，去到邊影到邊嘅魅力。