OM SYSTEM OM-1

評測報告

實拍照片

1. 特別第一點要提，個 C-AF 係咬到畫面最前主體實一實，一改過去追焦無能既印象，無論你有幾多對焦點，咬得實先重要， OM1 做到了；
2. 防震比 mk3 又再改進，尤其配合手持高解，可以「屈」出曝光更長但同時更穩的影像；
3. 高 ISO 幾個評測數據話同前代一樣，我想說用過先…… noise 量可能差不多，但 noise pattern 比前代更容易做 denoise ， iso25600 都未見偏色，基本上呢兩點已經令到部機高 iso 可以好過前一代，再加上江湖傳聞機内用 10bit 空間做處理，整體畫質係的確有所提升，用緊前代既可以放心升級；
4. OM 強調 computational photography ，但主角肯定係手持高解，今代更新算法，比上一代處理得更快（5 秒内完成），而且更高畫質，信我， ISO25600 室内低光 jpeg 直出做到 noise free ……呢一代機 default 錄影按鍵係高解合成，可想而知 om 信心有幾大；
5. Menu 整合全部 computational photography 功能，呢點貼心；
6. 轉接老 4/3 鏡既對焦表現絕對會令老用家感動落淚；
7. Pro Cap 又勁左；
8. 隻 EVF 的確又係靚；
9. 手機 apps 常連藍芽攞 geotag data ，自動過相又快又有 raw ，同電話配合方面已經無乜投訴，幾時有埋 real time 傳相就 perfect ；
10. 可以 set 半按優先人臉， af-on 優先 AI 物體檢測，又一貼心；
11. 跟機免費執 raw software ，仲有自家 ai denoise ，敢話唔抵玩？？

1. 追焦的確係咬得實，前題係唔會有其他野走去前面，一旦比野遮住，對焦會迅速地追左去遮住果件野……如果話過去機型對焦係背景先決，呢一代係前景必決……當然有好有唔好亦好易解決；
2. 問題係 S-AF 有時會唔知對左去邊，我指既係，全個畫面都係失焦……經研究，焦點係走左去前面……呢一代用 quad bayer 技術，理論上每一點 pixel 都可以做對焦檢測，咁細個對焦點，唔通對到塵？對到空氣粒子？
3. 另一樣唔滿意係， mk3 粒 joystick 可以 toggle 當前對焦點同對焦點原位，呢代唔得。有返呢個某程度就可以輕易解決前景必決問題，一旦有野走入前景，即刻轉單點，就可以快速處理；
4. 雖然我認同大部份時間對住 EVF ，但比埋隻肩式 LCD 唔會更好？
5. 呢一代個 color science 無左 olympus 味……好似 sony ……但同時 raw 係易執好多；
6. 最唔感冒係 KOL 讚佢換 menu ，話舊 menu 難用，講真個新 menu 同舊 sony menu 有咩分別？舊 sony 比人插到飛天，到 om 用反而讚？最神奇係，新個 sony menu 咪就係舊 olympus menu ，又讚到上天…… KOL 真係唔好睇咁多；
7. OM 講過會加強拍片功能，但機内錄真係中規中距，唔係話一定要好勁，但起碼做到拍片行家見到係會覺得好用……個 om log 真心唔知有咩特別，留光位叫合格，做 color grading 就算罷……
8. 既然 10bit 處理，點解唔比埋個 HEIF ？

身邊好多人都係片幅主義者，但佢地都話今代 OM1 係堅勁，即係你點睇唔起細片幅都好，呢部機勁係不得不承認。

即係當年 135ff 未普及又何嘗唔係比中幅、 LF 笑呢。

片幅主義沿於畫質要求，用得 m4/3 物理上就一定輸畫質，但真心講句呢幾年 om 確實用好多方法拉近個差距，除非你係 400% 聞相黨，否則真係無咩問題，手機係堅但只限無 noise ，你搵隻 32 寸 4K mon 睇仍然會睇到個差別。

呢幾年除左 C ，基本上主流幾個牌子都用過，你話係情意結又好，實際係好用又好， om 機出相率始終係個人首位。

你話賣盤？成部機撤頭撤尾骨子裡都係 olympus 傳統， OM 由當年唔做 AFSLR 到 4/3 再到 M4/3 已經無數次比人話死得，結果死左三十幾四十年都仲有 om 相機用……

極致輕巧的專業級相機,一機三鏡去旅遊不再是負擔
輕巧得來係旗艦級硬件與造功和效能
我鏡頭平同細,PRO鏡街價只係五六千
在實際使用上比到你非常可靠的感覺

好耐好耐無寫心得,但OM1今次真係好想讚下佢之餘,同時亦好想大家可以宏觀一點去看待唔同系統,M43除左有佢本身嘅市場需求同生存空間以外,更加有好多先天的優勢優點,我很由衷的講一句 玩左接近二十年相機 擁有過無數機王鏡王,但都沒有現在用OM1那種滿足感及實際使用上的快樂 可以真真正正的享受攝影
時常被人詬病佢sensor細,我以過來人的身份去分享下十幾二十年後的真實使用體驗,我08年至10年嗰段期間已經用緊D3s 5DII,相信我都有少少的發言權吧？不是那些人云亦云的說：FF才是王道！買得梗係買全片幅啦！邊有人用M43㗎！諸如此類的說話
曾幾何時我也是那種非全片幅不買和不用,APSC那些根本連眼尾都不會望一眼 更何況甚麼M43,sensor越大越好 越大越威水,輸人不輸陣,求其揸支普通1.8已經可以影到個背景朦到飛起,就以為自己攝影技術很到位,誰不喜歡呢？是不是似曾相識？而且雜訊控制霸道（這點對我來講才是最重要）,當年莫講M43,就算連APSC開到800 1600已經花到不堪入目,當年的意思即是大概就是D300 40D 50D EP1 GF1年代,同年代的D700 5DII的高ISO可以用驚豔來形容....時移世易 眨下眼就十幾年了,全片幅本來的優勢慢慢越來越少 而家邊部APS或M43的3200是不可用呢？的而且確FF是比較容易影到淺景深 但反問一下自己 你是否無時無刻都需要超淺景深呢？影風景？影合照？影snapshot？紀實照？同理地 M43天生影長焦同Macro都有先天優勢,而佢又有Pro級超廣角,咁請問你到底仲需要影d咩題材呢？？然後又話像素少 你屋企個mon大極咪32吋,你唔會同我講你用緊65吋芒或120吋投射去玩電腦同執相呱？你一般非職業用途只在家後製下 post下FB,2000萬聞相都無問題,2000萬係問題的話咁D5 D6 1DX3全部係垃圾？？A7S3 1200萬 A9 R3 2400萬,哩d現役機王又係垃圾？？你真係需要到6100萬？咁其實你仲可以有兩個更佳的選擇,1：買S23ultra $9988有2億像素 機身連鏡頭13mm到231mm仲包通話功能仲可以成部放入褲袋,咁你點解仲要花幾萬銀買相機？仲要每次擔泥咁揹住幾公斤器材出去？反正因為你只係求像素而不是攝影,2：買GFX100系列 因為你覺得底大就係威水 買完揸住就可以笑d R3 Z9 A1佢地底細得36x24mm咁鬼細根本唔入流同“只”得2400,4500,5000萬像 而景深又比全片幅更淺了 景深越淺就越威水 個感光元件誰大誰惡誰正確
年紀開始大了,當年揸住D3s插住小黑6同SB900成3kg有多 未計另外陀住支24-70替換,都可以喺世博會影足兩日兩夜,而家真係搞唔掂,由單反年代進化到無反年代,抽起左個稜鏡同反光鏡,係矮少少薄少少,但依然都係大同重 你睇部Z8 根本就是一部專業級的單反size,加埋直倒佢仲高過Z9,假如插支70-200你夠膽用個細字同輕字去形容嗎？這樣的重量和大小 你揸住去旅行真的可以很舒適的享受到攝影樂趣嗎？無反的定義在哪裡了？
現在OM1已經將最專業的性能放在一個這麼迷你的機身上,這麼的骰的機身上給予你最旗艦級的對焦 連拍 高感光的效能,它的防塵防水 機身防震效能是公認的業界最好,有誠意的背照加堆叠式現役最高科技的新型sensor,畫質與速度兼備,坊間基本上只有R3 Z9哩d級數先比到你同級享受 但人地賣緊40000而且又大又重,另外由於物理的關係 FF的大光圈自動對焦鏡頭基本上係造唔到特別細同輕,哪怕你個body再細 鏡頭也不會細,莫講個專業級的body一d都唔細,你睇佢z mount支50.2夠膽死成支24-70咁長咁粗？！？另外現在RF年代的50.2 85.2有比佢EF年代的50.2 85.2細同輕嗎？我兩代都有 我可以答你一點都沒有輕到同細到,再者當年2018 EOS R系統誕生,我第一時間買埋支28-70 2.0,係好大光圈係宇宙最強全片恆定2.0 但佢個size同重量真係好難可以讓你好輕鬆咁出外享受攝影,佢入面d鏡片同個鏡筒本身已經重到你去擰個變焦環去zoom時都有少少吃力 你用過你就會明我講緊d咩,M43的80-300 2.8只係16cm 760g賣7500蚊 RF100-300 2.8 2.6kg 賣80000...size更加唔需要講,我唔明白仲有人話M43 d鏡貴？以佢地d價值觀同邏輯 因為感光元件細d 所以佢d頂級鏡只可以賣1000蚊？
另外佢有576眼仔,你要記住 你影每一張相你都係要望住個viewfinder,尤其在低光環境,一個高質的evf係相當重要,當你知道Z8Z9 2023年新出的頂級機王仲係比368的眼你時,你就可以感受到甚麼是誠意 甚麼才是真旗艦享受,你能接受三四萬的機王比隻entry level嘅evf你？淨係追高像素 淨係知道sensor要大 其他野完全唔使理？
PS：啱啱2023年13/7公佈旗艦APS A6700用240萬眼...？
千萬不要誤會 我不是說FF有甚麼不好,你有財力和體力買完揸住影一日或去旅行陀住成程而唔覺得係負擔咁就一d問題都無,但人是會老的,可以常用 可以多用 可以在任何時候帶著也毫無負擔的系統 我先會樂意帶佢出門 我先會可以經常使用它 我先會多機會影到靚相,今天的我只是好想可以純粹的好好享受攝影 而不是一味追求極致感光極致銳度極致景深下 但係却影一大堆垃圾作品出來
講咁多我只係想還M43一個公道,或許十幾年前哩套系統係未成熟 效能同影像質素係好一般,但你如果近期無親身用過OM1 請你唔好用有色眼鏡去歧視M43,或者仲講緊甚麼難影淺景深只會突顯到你的攝影修為很膚淺,如果今時今日連1吋甚至1/1.33的手機都可以影到咁多令人嘩嘩聲嘅高DR高ISO靚相嘅時候 而你却仲去質疑M43的存在價值或拘泥於淺景深哩個議題上 或說甚麼底細是原罪的話,證明你唔係影緊相 只係被器材玩緊你,好簡單問自己一個問題 手機影出來嘅相幾乎零景深可言 亦無甚麼1.2 1.0 0.95大光圈,係咪代表你部手機裡面 一張你認為滿意或值得收藏的照片都無呢？定抑或是你對相片這麼有要求了 所以從來唔會用部手提電話去影相？花少少時間 去反思下自己影相到底係為左d乜野,係咪無全片幅就唔識影相 係咪唔用全片幅機就會自卑？嘗試比次機會自己 去重新認識下唔同事物
其實大家應該好好珍惜而家仲有得比你選擇 仲有得因應自己嘅需要有唔同嘅系統去比你使用,你唔用唔緊要 你唔好去踩人地 唔好去睇唔起人地,更加唔好搞到好似Contax咁 ,到人地真係喺相機市場上消失了,大家先去後悔 先去覺得可惜 先去覺得人地品牌係好野,無意思的

旗艦相機 但價錢比較平
部機除左感光元件較細之其餘機能都係頂級
用自家頂級鏡頭配合 對焦快速顏色討好
機身小巧紮實 直到設計同機身完全吻合觀感似一體化機身 唔會好似大部份牌子外置直到大舊過機身
影風景微距因為影深M43都有D好處
自家鏡頭系列pro鏡價錢比其他版子平 而且外型靚仔 手感極好
機身防震比em1x 更加好 防震技術真係勁
防水防塵超強 我落大雨都照影
一粒電可以一日
我要影既題材都能做到 特別長距離同風景攝影都合乎我要求

如果用嚟影淺景深人象你會有D失望
係對焦實力上比較S同 C廠有差距
ISO6400已經係我既極限

頭幾個月使用感覺中規中矩 對焦色彩使用體驗平凡 直至買左一支出左好耐既pro鏡 12-100 用過真係太好用恆定光圈 鏡身防震 咩題材都可以玩下 顏色對焦都超好 同部OM1非常夾 一機一鏡對我非常夠用好玩 只係唔好同全幅比較極致畫質就可以 例如長距離鏡頭全幅就貴好多 所以攝影豐儉由人 自己玩得開心間中有一兩張好相就夠啦 而且一部機要玩得順手都要一段時間先可以了解更多 以前我未玩得熟就又換機 現在年紀大左 要深思熟慮 用好手上器材 夠用就可以了而呢部機絕對係一部唔錯既相機 價錢再跌多D有興趣既朋友就可以試下

旗艦機級數EVF ，手感，雙卡，齊port位，多button，高customisability
AI AF功能，鳥攝之皇
無人能敵嘅50fps, 120pfs
快速image processing
配高質素 Pro lens
IP53
全新易用menu
手機app OI Share 易用，過相，save setting 方便
免費 OM Workspace

拍片功能始終差啲
可以輕小小就好
第3方 accessories 少
市面gimbal 沒有支援OM-1

$13XXX買到旗艦享受
比起E-M1 iii 係另一個generation
比起FF, APSC，IQ唔會有明顯分別

對比起我嘅A74，OM-1嘅computational function (Live ND, HHHR, Focus stacking 等等) 令到外出影相，真係方便舒服好多。加上m43 鏡輕細好多，唔駛帶ND filter 同三腳架，變得輕鬆。就算帶三腳架，gimbal都可以買細啲。更享受影相。

粒stack bsi 真心勁，脫胎換骨
對焦準繩度極高，完全拋離上幾代
小朋友跑幾乎入到鏡 就會全中，以前2/3代只有6/8成左右
Evf, mon 都係有感升級
Video af 咬得好實，十分可靠
防震一如3代好可靠，手持8-10秒非不可能。手持2-4秒夜景幾本無問題
對整個om系統重拾番希望

機身質感輕輕差過3 代
旗艦還未用cfexpress 等高速咭，限制連拍張數
價錢有啲貴，但有人家四萬元ff旗艦既享受，早買早享受

由Em1-2-3 到呢一代
M43 優勢慢慢都比FF 機追到，機細價平

到3代一直諗仲玩唔玩下去，雖然一手都係鏡
升左OM-1 後感受到真旗艦享受。

貴
膠感重

$10000比較合理