優點:
1) 第六代super CCD, 雜訊表現o係dc, prosumer界中最好(除左R1, 唔肯定)。iso 100 ~ 400 感覺很乾淨, iso 800 表現良好, 可以使用。
2) 電池容量1800mah(3.7v), cipa測試580張, 亦係dc 界中最好(專用電計)。
3) 卡片機來講, 有光圈、快門先決算係咁。
4) 可以自定義白平衝。
5) 有3:2, 而且出足六百萬像(不過應該係用插值技術)。
6) 變焦速度比同級快, 開機速度亦唔錯。
7) 金屬機身。
8) 靚芒, 2.5吋23萬像。
9) 卡片機來講手感不俗。
10) 雖然只有5cm微距, 但多數能夠對焦(之前部W5 6cm, 但經常對焦唔到)
11) LCD取景去到60 fps
缺點:
主要既欠點包括:
1) 用xd卡, 貴, 容量低(max 2G), 慢, 通用性低, 想搵個細size 既card reader亦唔容易。
2) 無手動對焦係一個幾麻煩既問題(for me), 再加上無得選擇無限遠對焦, 有d 時候, 例如隔住窗框 / 玻璃窗影風景, 結果影左窗框 / 玻璃窗 (而且機會都唔低), 用af lamp 就更加死, 「快速拍攝」亦改善唔到問題(但個窗框明明係1米之內的...), 另外無mf 亦好難玩pan 鏡。真係好希望富士可以加返無限遠對焦 / 手動對焦........
3) 無全手動模式, 快門先決最慢得3秒, 唔夠用, 雖然夜景模式可以去到15秒, 但又唔可以選擇對焦方式, 白平衡, 測光等....更重要係連曝光補償 / 光圈值是但一項都無得揀........
4) p mode, a mode(光圈先決) 最慢快門得1/4s, 好唔方便, 如果最慢有1秒會方便好多(例如室內開燈而有平面擺放相機既地方, 1/4s 經常曝光不足, 除非set 高iso / 開flash)
5) 一流ccd, 三流富士龍鏡頭(可惜), 紫邊情況, 尤其大光圈時問題非常嚴重(例如夜景既白街燈可以出現幾嚴重既紫邊)。
6) 無後廉閃光, 要影夜景人像難上加難(還好有慢速同步頂一頂)。
7) 個人認為機內既夜景判斷偏暗(但用相機個mon 睇無問題, lcd光暗度+-0), 通常要加返1/3 ~ 2/3ev, 不過可能只係個人喜好。
其他問題 / 缺點包括:
1) movie 大食, 亦唔可以zoom(digital zoom都無), vga 30fps 計1G 影得15mins(不過比上不足, 比下有餘, canon 8mins, sony mepg vx 12mins, mpeg 4 35mins)。
2) 3:2 相片質素無得選擇fine, 只有normal, 雖然實際分別可能唔係太大, 但心理上總覺得差d...不過好處係file size細一半, 一張相只約1.5mb(我長用3:2的)。
3) 相片偏soft, 雖然呢個唔係問題, 只係風格, 但如果有得較sharpness 會較好。
4) 無得較saturation, 正片模式感覺有點失真, 紅藍等色過份誇大(不過亦有用家喜歡效果), 如果可以去到標準同正片之間會更好(當然顏色效果純粹個人喜好)。而色彩選擇亦比較少, 只有標準, 正片, 黑白3種.....
5) 無實時histogram, 連事後既都無....
6) 無date-stamp, 例如有d 人會專登買呢部機來影bb(避免用flash), 記錄成長, 加返date-stamp 可以照顧不同用家需要。
7) auto / 自然光模式經常不需要地推高iso......
8) 鏡頭唔夠wide, 得36mm, 3:2時 37mm, tele end f/5太細....
9) mon 係靚, 不過可視角唔夠高, 側面睇會睇唔到, 陽光猛烈時表現亦都唔好。
10) 雖然金屬機身, 但腳架位用膠做(唔明點解唔用金屬), 容易出現磨蝕, 另外位置偏左, 試過用桌面短腳架, 結果失平衡用唔到 (但用o係重350g既a610都可以)。
11) 充電要連機身, 而且要成4 hrs.......
12) 睇相支鏡會申出來, 約10s 左右先縮返入去, 如果有個playback 鍵可以o係power off 時選擇會更好, 例如加o係仲有空位淨低既轉盤。
13) 無防手震(不過如果有, 呢部機就惡晒啦)....
仲有其他小缺點 / 問題:
1) 半手動機無得加外鏡(坊間diy另計), 玩少好多野。
2) delete 相好煩, 既花巧又浪費時間。
3) 閃光燈位於最右上角, 有時(只係有時)會唔小心比手指遮到, 放偏中間會好d。
4) 無流行既16:9模式(雖然個人唔需要)。
5) 每次set 完一樣野都會出返去, 再set 第樣野又要入過去, 其實都幾唔方便。另外浪費左個 "f" 鍵, 測光, 對焦模式, 白平衡等主要setting 放埋上去會比較方便(不過整體來說算係簡單易用易上手)。
6) 原裝硬皮機袋...個設計真係好唔得(但或者會好過F11掛?)
7) 手帶位設計奇差....
8) made in china, 始終對內地產品質素同QC 無咁大信心(相對於日本製造).....
9) 跟機無繁中說明書, 上網都搵唔到, 希望富士可以照顧返香港同台灣用家既需要。
ps. 雖然寫得比較多, 但以上好多所謂「缺點」不過係好minor 既問題, 有感於自己買機前已經做左好多資料搜集, 但所得資料仍然不夠全面, 寫出來只係為左比想買呢部機既人作為參考用途。