優點:
Nikon嘅機向來好就手,容易拿握。連續拍攝每秒5格,Crop Mode去到每秒8格(我絶對唔建議用,用每秒5格D相先靚,每秒8格面積及公仔變小),去海洋公園影海豚足夠有如。D電好鬼耐用,可以影幾千幅都冇問題。依家網上嘅三手機都900美金以下,價錢都叫合理。
缺點:
ISO只能去到400,再上D相完全唔可以用,粒子重粗過儍瓜機影,慘!略略響暗D嘅室內或者海洋公園睇金魚個展廳,乜金魚都影到一Pat嘢,不要講水母萬花筒或魫魚館。WB永遠唔准,要自己set色溫,通常永遠是4000-4500K,其他自己永遠用唔到。重有D色彩永遠係鮮橙、偏啡色。人的皮膚變到好橙啡,我張被(橙色)又好鬼強調橙色!連家中紙箱都由淺啡變到好鬼橙色!我見過這裡某師兄放出D3同D4的相片比較,都有強調橙色、淺啡的情況。我問那位師兄,他覆我是WB的取向。但我認為是廠方的Pre-set,改不了的。
評價:
先小人,本人只是廢人用家一名,這只是個人意見。D2Xs屬於早期DX機最後系列,跟著出D3就是FX Format將它淘汰。呢部機性能都幾ok, end users自用的話都滿足到,不過最好係有陽光天晴地方影,而不是密雲晚上,否則我會好失望。呢部機帶著響身,加個17-55mm DX鏡王就可以週圍影,最頂隆買多支105mm DX Macro鏡就足夠。其他,我買過的24-70mm, 70-200mm, 70-300mm(2 枝)及80-400mm都用不著。我全部將佢地響網上賣清光,只剩底80-400mm無人肯愛,依家重放響新買的防潮箱入面。