優點:
1. 外形突出。(當年好少相機玩復古 Look。)
2. Size對比其他 Prosumer較細少,對比G10至G12都係細 D。
3. 配合皮套使用感覺好安心,好方便帶佢出街。
3. IS 好有用。
4. 個轉盤好方便,按鈕排位都易上手。
5. 相片質素可靠,iso 400可用。
6. 光學觀景器好有用,有人話係多餘,雖然望到既同影到既有誤差,但佢既設計係同以前既 Canon菲林機傻瓜機一樣,係要省電同曬到睇唔到 mon既時候好幫到手,所以佢依個觀景器同提示燈設計都算是一個傳統。
缺點:
1. 無電量顯示!
2. 鏡勁勁勁勁易入塵!無法避免或清除,只能力接受...
3. iso 1600、人面對焦是廢的,不過有感覺上規格勁一點...感覺上...
4. 比句所謂「支援 3:2 相片」句野呃左,所謂「支援」只係係個 mon顯示上下有行黑間比人參考,影出黎都係 4:3 比例,無得直出 3:2 比例...原來 Canon 既 DC一直都係無得直出 3:2 比例既相,好似直到 G12 先有得揀,但以當年標準,好多牌子都得啦,所以我會認為係缺點。
5. D配件(唔計外閃同皮套)好廢又好貴! D原廠外接鏡頭好貴又大件!尤其個廣角鏡大到呢...最廢係個接環,成舊水竟然係膠造!副廠的雖然係合金,不過要搵到個裝上唔會搖的 Fit的,真係要好好運先得...
6. 拍片無得光學變焦。(估唔到依樣野去到 G12都係唔得...)
7. 皮套下的腳架接位裝上腳架(一體0個D)之後好難拆,無位比手指攝入去扭返出黎...
8. 好唔鍾意 Canon DC 快門聲係係曝光完之後先響,即如快門10秒,要按快門10秒之後先響,即我會覺得無左一下聲響去話我知原來佢已經開始曝緊光,有少少不便...又或者只係我個人習慣問題吧... =_=
評價:
這是我第二部數碼相機,已經用了四年了。係時候寫下心得(雖然好似無咩用,都講下啦)。當年我用緊「長炮DC」,後感其質量不足而且在Size上唔能夠好似卡片機咁容易帶出街,就決定要揀一部 Size細一點既 Prosumer升級。咁0岩 Canon 就發表了 G7,而且重要玩復古 Look,睇睇個規格真係好吸引,就買了 G7。
到目前為止 G7出勤率依然係最高,儘管我已經上了入門單反,我還是喜歡帶佢出街,有時係日日跟身,因為真係好易拎好方便。雖然我數左佢好多缺點,但我最接受唔到的其實只係一樣野就係無電量顯示,其他無 24mm、iso 唔夠、無反mon等……我唔覺係問題。可能我用慣左定焦鏡,而家用返G7 有得zoom覺得好方便,Canon當年既目標定位都好明顯,一係想搵副機的單反用家,二係想輕鬆走天涯的用家,其實 35至210mm係好好既平衡點,人加景至遠攝都 OK,對比G10至G12的焦距廣了一點,但唔夠遠會覺得唔夠用,反而無天涯能力,有時想淺景深一點,鏡頭焦距就係唔夠遠,所以覺得 G7還是好用一點。至於無得 3:2 直出,我唯有用Photoshop cut,反正我認為後製也算是攝影的一部份嘛。
我諗我最滿足的是可以用 G7+220ex 玩飛閃,我從來無想過原來飛閃可以咁「輕」鬆,亦因為有得飛閃,我唔擔心iso表現同夜拍問題,因此也不需要考慮升上G10至G12(我覺得G10至G12除了運算力同iso進步了,一般沒有大突破) 除非 G12的後繼機有好大大大改進,不然我還是會好好運用我的 G7 吧~ ^_^