- 所謂嘅菲林味 (?) 我自己有玩過陣CMOS機, 對比下唔識講係咪菲林味, 不過M8既相的確係偏暖, 我自己個人冇乜感覺, 因為我多數影黑白
- 黑白真係好靚, 呢個唔講得少, 佢對比度同灰階都做得好足, 尤其係大陽光既時候, 實物同建築物都有好好嘅效果, 不過黑白得JPG冇DNG的確有D人會唔鐘意

- x1.33 (呢個兩睇, 枝50真係難用咗好多, 35冇乜問題, 135反而有好處)
- 可接受ISO低, 真係當菲林機用係正確因為都係日光機, 當然你有腳架影既話某D night shots都可以幾靚
- Loading超慢 (其實我覺得都可以係一種玩法嚟, 逼你慢影細心影)
- 個芒真係有D垃圾, 唔係解像度, 係個材質, 感覺真係好硬膠, 仲要我嗰個有兩點好似水珠咁既野喺裡面
- SD card接受範圍窄, 32GB以上會讀唔到, 快load卡都唔得, 好似D女人/乸型港男咁, 問佢想食乜, 你講曬比佢聽佢都話唔食, 原來佢自己心目中淨係想食日本野

小弟係攝影新手嚟, 本身係玩菲林先, 第一部玩既135菲林相機係Leica iiif.
玩咗一排都係決定轉去玩數碼
都係想玩翻Leica因為有三枝佢既老鏡, 但又唔捨得洗太多錢, 所以揀咗呢部M系最平既M8 (唔係8.2)

本身其實儲夠錢可以沖M9或者M240
但真係想玩CCD多D, M9個CCD我真係睇d人話換完有機會要再換, 真係有d驚
同埋我對佢個黑白有興趣, 所以都係揀咗佢
最緊要係咩呀, 真係平一節喎, 真正嘅窮L玩Leica

買之前都知㗎啦
又x1.33 CF, 又話要UV/IR cut, 龜速Loading, 一堆麻煩嘢
但自己因為由iiif玩起, 覺得應該可以handle到呢堆問題

呢一年, 證明自己真係handle到既, 我多數都影開50mm, 咁咪主用枝35mm囉
龜速loading冇問題, 我玩開菲林都慣咗唔睇芒
UV/IR? 其實我買唔到, 所以我都係主影黑白, 但其實我個人都幾鐘意用冇filter既情況下影花花草草

結果係咩, 真係玩得好開心
D黑白效果真係好滿意, 我自己玩到愛不惜手, 直頭日日去邊都要陀住部機
見到D陽光啱個景正就唔理3721開蓋影

呢部野同主流相機嘅性能同範用性比一定係冇得比
但佢有佢自己既一套美感同用武之地
佢係一把古時打造既劍, 根本落唔到而家以熱兵器為主流嘅戰場, 但佢仲有屬於佢, 俾佢展示到使用者實力嘅地方

如果你係想買呢部嘢滿足用奶嘅虛榮心, 你可以唔洗買
如果你係想用佢嚟入數碼奶坑, 你要有心理準備佢唔會俾到方便您, 反而係你要就佢
但我寫包單只要肯就佢發揮得到佢嘅話, 佢真係一部好M機, 一部好相機

呢部相機伴隨我好耐，去到差唔多2019年都係愛不惜手！
雖說隨年月逝去，機身如本人一樣白髮蒼蒼。
但係呢部機成像真的別具一格，我只可以話數碼M機入面的巔峰之作，雖然怪脾氣好多，但係當你駕馭呢匹野馬後，俾到你的係返回菲林的感覺！
係呢個數碼年代，比相素，比先進，呢d m8通通俾唔到你，但係呢部機係一碗沒有味精的雞湯，數碼相機入面我一定揀呢部機，比M9可能更高，因爲呢部機d黑白真係好靚，除非你願意用多餘錢再去買多部Monochrom。
如果有用過呢部機的朋友就知我講乜，點解呢部機支支鏡要加個IR filter?
唔明的可以再補補課。
雖然話呢部機在現代像數大戰當中一定大敗，但係本人在澳洲偶然辦的影展中大部分的作品都係此機所攝。
有時不要過分追求相素，作品的好壞不在相素！

太多啦，野馬隨便可以俾你訓服？
呢部機其實可以再戰好長時間，當然商攝就唔OK啦～
但係如過係紀實攝影都夠用有餘！

好耐好長時間啦，部機變到黃銅色，但係成像一流！
真正的攝影大師並不需要像素而是你本身的能力，如果作品沒有敘事性，一切如同浮雲～

買了M10後總是覺得成像沒有ccd的M機好，於是回日本時便買了一台二手M8，這已經是我第二台M8，第一台在上海遊玩時給人偷走了。
這台機器用了大約港幣一萬左右在秋葉原某店家購入，運作良好，有入塵，有露銅，自己清潔了ccd後，便完美復活！
拍攝出來的成像自然通透，韻味十足！
曾有一位在日本大學時的友人問我：這麼過時的機器為什麼要用呢？現在的人都用M10了，反而你擁有M10卻越用越舊？
我回答她：可能自己覺得新不如舊吧？我用Leica就是要他獨有的味道。
其實我現在還在用M3與M6菲林機。攝影沒有說器材過不過時，只有你的作品行不行。
看看MAGNUM的頂級新聞攝影師作品便知。

缺點可以克服：
低iso，晚上拍攝可用大光圈鏡頭補救，再黑頂多就不拍了。
回看熒屏很差，那就不看。
記憶卡很多不認，那就用認的。
缺點其他我想不出來，因為我以前一開始用他真的很討厭！
但是習慣了後卻是神兵利器，M8的黑白與彩色是一個境界，這是M10給不了你的，味道啊⋯⋯

真正用Leica的朋友是對完美成像的追求
虛榮用Leica的朋友是對自己身份的認可

Leica m8係我m系五部相機之一，我擁有m3、m6、m8、m9同m10。點解就係要評論呢部機呢？因為佢太有性格啦⋯⋯
首先呢部老爺機係三低一新：低像素，低iso，低連拍，但他是leica m系第一部數碼相機！
呢部機只會在懂得佢嘅人發揮下才變成神兵利器！好多紙上談兵的所謂leica死忠只會成日討論“奶味”和追求新機，新鏡。請不要忘記，好像布列松 何藩等大師所用的器材都是比較普通的，器材不能救技術，請切記。
好啦！先講優點，好簡單！還原真實，成像品質一流，無任何味精，用開日本機嘅朋友可能一開始用會有D唔慣，但係過一段時間後就會發現他的優點。
而且m8的b&w係最接近菲林味道的，m9黑白都無佢好，但是彩色m9就較好。
朋友如果你喜歡黑白寫實風格嘅話，呢部機可以俾你一百分，前提係你要了解佢嘅脾氣。請看產品缺點。

缺點多～～～～～一部陪伴我差不多十年的相機，就像老伴一樣要經常吵吓先現得感情好噶。
呢部機太有性格，影完一張相要loading好耐先有得睇，m9亦如此⋯⋯我就索性當菲林機用，咁樣會開心好多，因為你睇個mon仲嘔血，相信我～不看爲妙！不過放心，當過落電腦再睇D相係另外一個世界！
Iso低，呢個係ccd先天的大弱點，我自己用盡係640，黑白可以高d，太黑我就會吾影。
唔係全篇幅，鏡頭受限，乘以1.3，當然有經驗的朋友可以好快習慣。
像素低？我自己用覺得夠。我係加拿大開d小型影展有唔少作品都係用m8拍攝，當然如果你係商業攝影就不太適合啦。
連拍功能⋯⋯算吧，leica m機都係適合慢拍。
測光經常會高發展，曝光補償要調低些少，夜晚更加要再低一點。
快門聲在m系入面唔係太好聽⋯⋯
食電較強，一日落黎要預三粒電。

leica m系無弱兵，名劍配英雄～如果你當leica相機係一樣潮物或當係一件土豪用品，咁佢并不适合你。
leica係用來實戰的！

- CCD sensor，真係有菲林味。
- 彩色相嘅「真」，影咁多年數碼機未見過，日系相機吾會俾到你。
- 黑白相靚，由其配返佢幾支中古鏡，非常有味道。
- 其他嘅好多ching已談及，不重覆

- 貴, bugs, LCD mon, 拍DNG save相慢等等老問題
- 其他嘅好多ching已談及，不重覆

2012年買來的M8，三年來是我出外最常用的相機，這三年，我已把自己用了多年的N牌相機系統全放了。

坊間好多ching話M8脾氣古怪...好多電子故障，綜合常見嘅問題，我見證呢三年嘅體驗：
SD card問題：呢個真係...M8幾揀card下，插落去有時話full，有時又話SD card lock，要搞一大輪。
Shutter jam問題：呢個我用三年冇試過喎。
Save相問題：有人話影完返到去吾見哂d相，我未試過。

雖然好多問題，但係M8獨特嘅發色，真正的無添加冇味精，用慣左你返吾到轉頭，好難揀返日系機。我睇過大M cmos d相，冇左CCD獨有的菲林味，有d可惜。(不過大M電子性能大躍進，好穩定，又有高ISO又有LV，呢d M8俾吾到你)

M8二手價我覺得好抵玩，rangefinder相機最低入門型號。（另一部再平d係Epson R-d1，不過呢部機停產多時，聽聞有壞代理都吾整。）

用得Leica，最好用返原廠鏡。原廠中古有好多好鏡亦吾太貴，豐儉由人。因為我試過貪平買左支吾係Leica嘅鏡頭(不開名)，貪其大光圈，但一上手拍左幾張就好後悔，拿拿聲放返出去。

用了三年，依然非常滿意，對於那些看厭日系味精機的ching，我推薦他們試玩。

首先者次是我第二次接觸M8，買了個二手的，機身雖殘舊一點，卻讓他更有味道，男友也用的愛不停手。第一台是小女子在大學時父親送給我的禮物，只可惜在2012年旅遊時給人偷走了。因為最近父親的離別，令我再買一台紀念父親。
優點很簡單，Leica是很有個性的，他的宗旨就是照相。所以他沒有超多麻煩的選單，整個選單只有十幾項，一目瞭然，沒有麻煩的情景選項，就是彩色和黑白照，加上又沒有的拍影片，可能有不少人不喜歡，但是好戲在後頭⋯⋯
首先攝影是什麼？攝影和攝像是不同的，真正的攝影師只會拍攝照片，因為這才是攝影的真正目的。其二，功能越多有時會讓人手忙腳亂，不知所措，此時此刻Leica就能讓你專心一致的創作。
機身非常硬朗，操控簡潔，用Leica或蔡司鏡頭都表現很棒的真實感和立體感，顏色獨特自然，散景與主體之間的分別更是一絕，絕對不會出現散景搶主題的情況。拍黑白照片帶有八成菲林時候的味道，讚！
Leica獨特的味道，如果你喜歡在照片上添油加醋的話，那就不適合你了，他崇尚的是自然。現代攝影太多美化或本來相片中沒有的，用後期強加效果，雖然出來效果不錯，但你違背了攝影的定義，攝影就是眼睛看到的和照片一致。
全天候手動對焦，麻煩吧？不麻煩，多點時間思考主題，構圖，不是更好嗎？

缺點在某些人眼裡是優點，優點在某些人眼裡是缺點。

很不錯，在2015年重新用回2006的產物，卻沒有感到落後，因為他拍攝出來的成像比起現時大部份的日系相機更好更有味道，只是看你自己捨不捨得投資在M 系身上了。

發色獨特
外型殺晒

低ISO相機
個人設定低能
影黑色布料變又啡又紫

我已係第二次入部二手M8，其實夠錢入M9，但唔想太集中資源買一機而買M8+X2！
銀色或黑色都好型，入Leica有兩面睇，一係好儍仔入部電子功能好落後及已好被人玩到好殘又責嘅數碼機。
入嘅原因已對日味無興趣，先用過canon，再Nikon,Sony,富士，三款cmos都叫見識過(其實味道大同小異)，唔多唔少仇日，主要真係想搵部畫質好嘅相機，M8係入門級數碼機，以前用過所以知佢嘅斤兩！
今次我好快已上手，加上以前用nex都係用leica多！
此機無乜特別功能玩，係for想玩返過手痕&尋回攝影樂趣，追求顏色還原章顯個人品味嘅人兄，影靜態正，影動態我就真係吃力(慢快門)，主要焦點距離要度&要等主體入中焦方框內，時間通常係一間！
WB準確
ISO頂盡1250(要用慢快門配合)，其實可用只到640！
顏色好獨特，發色晶瑩，要見人見智喜歡，透視感做得自然，意思係主體唔會似貼實(背影或散景)或起框！唔係日系機講果種立體感比條線框住！
散景做得又係好自然，唔似日本機一嚿嚿，其實日本菲林機早期嘅鏡，散景都好自然，但由製造鏡片改用倒模後改變了！
景黑白叫好過單反，要好睇支鏡！
用MF真係要用時間構思怎樣留低拍攝者嘅回憶！
我回來用返M8，對我就自覺好合適，我真係追求畫質&樂趣，佢可以令人更加學識攝影技巧，不過真係好貴！

• 工藝超卓：部相機好靚，我齋望都會笑，一部令人愛不釋手的數碼相機
• 疊焦操作：要習慣上手唔難，多年來被AF寵壞，現在回歸原點，發覺你操控相機多於被AF操控，不再有甚麼失焦對唔對焦的問題，因為對唔到焦，係自已問題。
• 簡單Menu：以前用慣N記的數碼相機，初用M8發覺Menu好簡單，再用返N記就覺得駛唔駛咁多野搞呀，夠咪得囉！
• 部機重量：啱啱好，shutter可以用到好低都唔驚。
• Leica鏡：任何一支都交到貨，用過兩支，兩支都好滿意好鐘意。

• LCD我諗最多人不滿，低解象度令人心傷...
• 快門聲大左D
• ISO可用640，再高D最好影黑白
• 配件貴，不過預左啦
• 鏡頭貴，又係果句，預左啦

• 上個月去台灣，同行除M8外，有DP1M，X1，X100。比較下：
• DP1M：超sharp勁多detail，有立體感，但只限低ISO，環境昏暗D，用到ISO400或以上時，佢出D色有D怪...總括黎講，DP1M用落又愛又恨。同M8一比，黑位detail冇咁好，色水有DD味精。
• X1：好有性格，發色幾好，有少少德味，不過有時D曝光好難控制，部機太輕易手震。X1整體不俗，雖然對焦有點慢，尤其唔夠光嘅環境...同M8比，色水爭DD，不過同DP1M和X100比，它的色水還是較接近自然，真實，少味精。
• X100：樣樣都很平均，高ISO可用，幾滿意，唔夠DP1M sharp。色水方面，冇比較唔覺，但一拍埋X1和M8度，你會覺得佢畫面味精略重口味左D。
• M8：好享受用呢部機的感覺，同上述三部機比較，果三部機好傻瓜機feel，用M8有重執影相嘅歡樂，部機出D相好自然，唔會sharp到爆但細節豐富，曝光準確，試過同一環境影相，M8 A mode 出得好靚曝光好準，但其他相機嘅P mode就俾現場複雜光源搞到呢咁hea。講返M8，D相好有立體感，果種立體感同DP1M唔同，好難講個感覺，但你AB比較，就會覺得M8自然D。一部2006年出嘅相機，仍然有不俗的成像，好滿意！

外觀超型,輕便,相片質素有保證,徠卡工藝超正.

價錢貴.

我之前用5D Mark ll,自從用在 Leica M8 以后,我發覺完全不一樣,真係日日可以帶出街唔覺重加上相片品質一樣不分上下,所以而家我只會用M8.我真係好滿意M8 既快門寧靜可靠,絕對一流無得頂.

型,加上德國血統,品質有保證,方便.正正正!!!

對我黎講沒有.

自己用過不少牌子的相機,尼康、佳能、賓得、索尼等數碼相機、也用過菲林機現在還保留住徠卡M6,以及 DP2 & 5D II .但當我用過M8之后我發覺既輕鬆又有品質既保證.所以而家很少用其他機,徐了M6.