超越中高階機DC的細節度，可比RX100 @ISO80-100
24mm廣角，橫街窄巷新視野
細機來講，動態範圍幾闊，暗位細節多。
手感及攜帶性，無堪可擊，兩轉盤一隻手都玩晒
街拍，微距都有超水準表現。
防震效能高1/8s快門仍不矇。

ISO200以上好多雜訊
對焦緩慢
自動白平衡有時唔準，但預設的K值倒是很準確
難用，唔識相機既人唔會做得好

當時買左部二手返黎玩都只係抱住玩玩下既心態，點知一用就越發現佢有好多人過人既特點。真係唔好睇少呢部10年前既機仔，原來影出黎既相細節度有RX100質素。影徵距，好好善用光暗對比，可以影到物件層次細節盡出。

GX100既防震能力之強非一般機仔可比。其防震能力讓攝影師可於1/8s快門下仍拍出放大他仍清晰的照片。而其動態矇矓效果亦比多數新sensor機明顯，可以營造不同的藝術效果。

風景相，建築物相，影車，街拍及自拍無得彈
1cm微距，影花影Product無得彈
低ISO配合三腳架，夜景其實表現唔差
部機既重量與形狀或經精密計算，有手感得黎唔算重，又岩岩放得落褲袋度。
3A電推得郁，就算第時Ricoh唔出鋰電部機照樣用得
仿定焦的Step-zoom，方便影唔同主題既相片
功能多多，但操作界面易用（對攝影原理有認知的人來講）

只得三倍24mm-72mm光學變焦，不能打雀及影高焦人像
對焦時間在低光及微距異常緩慢
自動白平衡出色不準（但手動非常準）
對於初哥來說呢部機極為難用

九年之前，依稀記得8老匯的飾櫃內放著一部唔多起眼的黑色盒狀相機，叫價4XXX。旁邊寫住，1/1.7寸大感光器，焦距24-72mm，像素1000萬。我心想，唔係嘛，zoom 3倍既相機周街都大把啦，邊有人會咁傻用4千幾銀買呢部外觀怪誕sensor唔大，zoom又zoom唔遠既相機黎玩呢？

九年之後，攝影發燒的我再遇呢部過左咁耐都仲有追捧的中古相機。今次再遇GX100與9年前唔同既係，我的攝影技術長進良多，唔會再下下都用iAuto影相，並懂得按合適情形使用P,A,S,M，AF與MF等設定並知道不同既相片題材都會在特定焦距下表現得特別好。因此GX100的智能模式就算是不怎麼樣，我都可以用一隻手把玩機身上面幾個轉盤並輕易調校幾個常用的選項，如曝光、ISO、 AF/MF、白平衡等，十分便捷。

如果熟習左GX100的操作，並多透過人手調控白平衡，曝光及手動對焦（因對焦速度有時唔夠快同準），你會發現GX100其實係一部街拍利器。部機重量只有220g，相機黎講真係算好輕，但輕得黎又有手感，仲要放得落褲袋度。

因為咁，在過往一個月間，我都成日都袋住部GX100向褲袋或背包周圍走，見野就影。GX100的24mm遠端是街拍相機的一項重要功能，它使得我們平時那熟悉又充滿壓迫感的石屎森林轉眼化成富有空間感又視野廣闊的景致。其實會出現咁既觀感係因為人眼的焦距是相等於135鏡的35mm，這使得攝影師能由24mm的焦距重新演譯新的觀點與角度。

整體來講，GX100成像極之銳利，顏色唔算好出但勝在自然。雖然正如之前用家心得所講，部機高ISO表現欠佳，且低光對焦時間長而不準確，但這並不代表GX100是一部只能在光天白日下使用的日光機。轉左用Snapshot對焦模式或MF，配以腳架及低ISO，GX100在低光相片仍有極高的品質，在低ISO下長時間曝光依然不覺起粒或出現「油畫化」的情況。這相比起同是用CCD的日光相機，Olympus XZ-1，Ricoh GX100的CCD不論日光夜景都同樣表現出眾。我甚至用以影星空，輸出仍算不賴。

GX100另一極之好用的功能是Step-zooming。該功能讓用家能有系統地選擇想要的常用焦距。比如，你可用24mm黎影風景相、用24,28,35,50mm街拍及用35, 50, 72mm黎影人像相。這對比起定焦鏡的GR有更多的彈性及演譯方法，而且成像在一般情況下都同樣銳利且變形情況算是同類鏡頭下控制得最好。

總括來說，呢部機真係經典之最，集功能品質便攜於一身。同時GX100也是我用過咁多部相機入面最需要手動調控，最難上手，但成功駕馭後最有滿足感的一部相機。它讓我重拾攝影的樂趣。

與GX100相處了一個多月，現在我的問題不再是點解呢部相機當年賣得咁q貴，而係點解Ricoh咁多年來都無打算出GX300?? 對比起更難使用，限制性更高的GR，發行新GX系列將為一眾不願受焦距所限的攝影愛好者傳來佳音。

1.低iso時（指iso100以下），相比其他標榜自己為旗艦dc來说，畫質真的非常優秀。即使以現今2012年的標準來說，仍然是不會失禮於人。
2.鏡頭造功了得，由相片邊沿至中央位置都保持實淨，銳利。
3.外型沉實穩重得來又有型格，2012年的dc要多多學習了。

1.iso一去到200就真係失礼，雜訊多到唔見得人，相對那GXR S10模組的優異雜訊控制來說，簡直是幾何級數的差別。
2.閃光燈易過曝。

在日間用佢影相是享受，但並不是話影夜晚相就不行，我用佢影夜晚街景都只是用iso100，手持的話，只要將佢的光圈校至4.0或3.5，相片都会有唔錯的表現，只因鏡頭造功了得，而且因為機仔細，可以配置更細小的八爪魚腳架，方便攜帶。不需要沉重的背囊，只要一個大少少的腰包就ok了。（不要過份倚重高iso來影相，若閣下是着重高iso的表現嘅話，又要價錢洽宜的話，就試搵搵二手市场的GXR S10,或p10的模組吧。

1. 好型,好懷舊,好似菲林機　　
2. D色好出(只限日光下)
3. 控制雖然冇CANON咁USER-FRIENDLY,但都已經係一絕　
4. 光圈大,有成F2.5
5. 夠WIDE,配埋DW-6.成19mm,影乜都得
6. Prosumer機黎講係好輕身
7. 微距做得好!!!　

1.夜晚影相唔好搵佢,如果唔係多NOISE到你想賣左佢
2.個VF除左用O係低抄外冇乜實際用途
3.LOAD相慢到..影完要LOAD,出相又要LOAD
4.ISO幾高都冇用,可用範圍係 5.支鏡鬆泡泡,掂一掂都分分鐘飛出黎　

呢部機買黎係FOR SNAP SHOT,始終唔想日日出街都拎住部單反,要知道拎住部FULL GEAR出街真係重到舉鐡咁,所以把心一橫買部Prosumer返黎做後備機,本身都好鍾意RICOH呢個牌子,D機又靚,GX100同GX200變動又不大既情況下入左GX100,部機D色水真係好靚,支鏡又夠WIDE,尤其影山水同植物,呢部機簡直力迫單反,唯一要彈真係夜晚唔駛帶佢出街,咩相都唔駛影,D NOISE出到呢, 我用電話影好過, 不過如果拎黎去行山, O係街SNAP SHOT, RICOH系列機種始終係不二之選, 各位CHING如果好似小弟咁都想買部後備機旁下身,RICOH機真係諗得過(NOT打手,我是CANON用家,但我都唔支持G系同S系,因為CANON既DC真係越做越冇心)

篇野打到論文咁,但都希望可以俾到參考各位CHING,多謝多謝.

F2.8是做到淺景深,只供白天室外
WB 是正常的
色水 是正常的
24mm 夠wide

只得數字是無用的e.g. f2.8 24mm
測光-一定吾合格,1
對焦慢-吾合格
閃光燈-負分
雜訊-睇dcfever report 都知-吾合格800已不可用
鏡頭搖下搖下好似就散(吾知係吾係防振來呢)

Ricoh 還可生存是奇跡,
Canon A480 (1080 new price) 還好過佢,
總知好怪~~~

買之前吾信,點知就~~~~

這機只能用於白天及夠光的位置,
moving Object 一定吾得
閃燈有等於無

吾好忘記我用的是最新之1.51firmware.

~~~~放都放吾切~~~~

只好介紹給影景的朋友.(影景是ok 的)

日間相片豔麗奪目
focus快
輕便易用

夜間相片noise多.開閃光開auto亦然.
lc1面罩有三條隙.
就咁放台鏡頭面會入塵.

友人之助,行機連袋連卡電套貼2800再有hsbc信用卡回贈10%即2520攪掂.dc機黎講粗用真係一個字---抵
用左2日, 基本上所有功能都好好. 日間成像質素佳, 較暗環境就好唔掂.加埋閃光都係noise較多.處理黑間環境比起我的舊機canon g2仲差.
另外 intrface唔夠user friendly, 可能用問canon已發現唔到比canon更uf既機.
不過整體function及質素都好滿意.

24mm鏡頭
180秒曝光時間
1:1拍攝模式
影出來顏色幾好
微距好

防震無panasonic甘好
個鏡頭蓋要自己整有時會有礙snapshot

之前想買部prosumer學下影相，揀左呢部，自問無揀錯佢
第一次用ricoh機，雖然唔係GR Lens, 但係佢既表現都令我滿意
1:1既模式好好用，之前有試過玩菲林120, 都幾中意正方形構圖，依家用ricoh就可以直接用數碼相機影
整體來講都令我滿意，不過估唔到我買左3個月就出GX200喇.

因為我係新手一名，有咩優點我就真係唔識講，不過就覺得佢d色質好過d DC仔。24mm 的確影風景係好好多既。
同埋我買黎係諗住學下影相，都幾易上手。

之前都係用dc仔，所以唔覺得佢有咩大缺點，係個noise大。

最大問題係佢既售後服務，我四月頭買，上星期就壞左，個lens收唔番，講真成個月我用黎影相都唔夠5次，個質素點解會咁無保證?
壞唔緊要，最多拎去整，但係維修部d人寸到離譜，一開口就問我無保用證要俾錢，又話零件可能另外計，又問我係唔係粗用部機，大佬啊一個月仔機粗用得去邊，又唔見佢解釋下部機壞咩。
好啦問佢幾時可以拎番，佢又話話唔埋架，你預2至3個星期啦，我唔知一部機係唔係真係要整咁耐，但最抵死係我問佢如果可以早d整完可唔可以打電話通知我，佢話驚打電話無人接，所以要就我自己打電話黎追單，有冇搞錯，呢d咁既服務態度都有。

我對ricoh真係失晒信心，而家已經諗住換部G9算。

輕。
美觀。
原裝皮袋很靚，不過設計有待改善，無位放後備電池和 SD卡，無穿皮帶位，要用行山扣，用落反而覺得方便。
加 HA-2 hood & adapter 可當保護鏡頭用。遮光罩是較膠，不怕碰撞。
有轉輪和 adj按鈕，用 M mode 時操作光圈快門，很有單鏡機 feel，比 G9更好。
閃光燈要按制彈出，不用怕按錯制誤閃。
按快門時的聲音很像單鏡機。

鏡頭結構有似好兒戲，會郁有虛位，用 lenspen 清潔時更覺。
iso 過 200時 noise 超勁。
個 adapter diameter得 43 mm，較細，加 filter 後不能用 len cap，不方便。
加上 adapter後不能放進原裝皮袋。
無對焦點，有時要碰手神。
無原廠閃光燈。

因公幹到法國，買機前比較了 Canon G9，雖然是 Canon fans，最後都決定買 GX100，
同事就買了 G9 (本身用350D )。
日間影風景、建築物，真係天下無雙，靚絕。
晚間影燈飾用慢快門+三腳架無問題，如果用閃光燈，最好先試一二張，有點難捉摸，加外閃另加頭痕。

超wide, 比一般28mm更廣角
手感好有握手位, 可單手snapshot, 唔似一般細機要用雙手
preview顏色準確, 唔會係相機睇時就超靚, 落到電腦就暗晒要再turn

iso 過200時noise好勁, auto white blance唔太準,有時要手動, 對焦唔夠快, 要手動拆鏡頭蓋有d唔方便

功能齊全, 輕便, 夠wide, 手感好