1.電非常夠用
2.設定容易上手而且影相模式夠多
3.ISO1600 之下完全交足功課, 就算同而家新出, 60D,70D,80D中階機比較, 一 D 都唔輸
4.一秒七張快門一樣夠用 , 60D , 70D 甚至 7D 就祗係快得個一兩張都唔夠, 但係要俾多三千幾 , 不是用來搵食 ,不用買到咁盡啦!
5.(C模式)用戶設定有三個, 竟然仲多過後繼機 50D,60D,70D,80D

個mon d色唔得,對比起60d,7d,700d的確係差d
awb唔算好準

小弟之前6至7年係玩開 700D 的; 不過因為財力同埋影相祗係一種閒時嗜好嘅關係, 所以唔想投資得太多; 所以當決定 upgrade 中階機 +
Canon EF 17-40mm f/4L USM , 之後就一心諗住搵部 50D, 60D 定係貴貴地入部 70D 好呢? (當然, 7D 同 5D, 5D2 經已 out of budget 啦) 終於, 問過晒 D 影友嘅意見之後, (因為 Canon 唔想 60D 個設計同 7D overlap, 所以放棄咗沿用 40D 同 50D 嘅鎂合金機身, 變相降格); 50D 同 40D 二手價差 $2000+ 但係影出嚟嘅嘢其實所差無幾 (老實講, 兩部機雖然 chips 唔同, 但係一過 ISO1600 之後都係慘不忍睹, 像數大咗少少但係對於家用嘅影師又有咩分別? 除咗勁 chop 相同埋晒到老年咁大張海報有唔同之外...) 終於, 小弟最後都喺年頭入手咗一部 40D 連原廠直倒

* ISO1600 之下完全交足功課, 就算同而家新出, 成八九千蚊嘅 model 嘅中階機比較, 一 D 都唔輸
* 一秒七張快門一樣夠用, 50D, 60D 甚至 7D 就祗係快得個一兩張都唔夠, 但係要俾多 N 咁多錢, 唔係搵食機唔駛買到咁盡啦
* 用戶設定有三個, 竟然仲多過後繼機 50D, 方便鍾意同一場合玩唔同 setting 嘅用家
* 二手價平, 新手買嚟學影相固之然抵玩; 老手買嚟做士啤機都有餘應付到各種情況需要

* 1000 萬多 D 嘅像素, 數字上好似輸咗好多, 不過實用程度其實一樣; 除非你係 Professional 到 D 相下下影出來要晒海報
* ISO3200 係假嘅, 你當生少個仔算啦; ISO1600 以下絕對冇問題
* 得 9 點對焦, 又冇水平對焦好似 out 咗少少, 不過, 識得基本單反操作應用的話都會明白呢兩樣嘢其實都係 fancy 嘢, 實戰時有幾何用到?
* 個 color mon 就真係唔抵幫, 顯示像數真係幾差, 好多時都會俾佢呃咗, 所以睇完之後唔好即場 delete 相
* 其實 CP 值相比之下, 以上所有所謂嘅缺點經已唔係缺點

雖然到今時今日先至幫部 07 年出產嘅 40D 寫用家心得, 可能真係有 D out; 但係始終用過一輪, 對於呢部機真係有少少分享同埋感覺, 所以照樣寫低, 希望可以對於尋找平靚正二手機人仕有 D幫助同埋啟發　（笑）

小弟之前兩三年係玩開 450D 嘅; 不過因為財力同埋影相祗係一種閒時嗜好嘅關係, 所以唔想投資得太多; 所以當決定 upgrade 中階機之後就一心諗住搵部二手嘅, 40D, 50D 定係貴貴地入部 60D 好呢? (當然, 7D 同 5D, 5D2 經已 out of budget 啦)(苦笑) 終於, 問過晒 D 影友嘅意見之後, 結論係: 60D 太膠 (因為 Canon 唔想 60D 個設計同 7D overlap, 所以放棄咗沿用 40D 同 50D 嘅鎂合金機身, 變相降格); 50D 同 40D 二手價差 $2000+ 但係影出嚟嘅嘢其實所差無幾 (老實講, 兩部機雖然 chips 唔同, 但係一過 ISO1600 之後都係慘不忍睹, 像數大咗少少但係對於家用嘅影師又有咩分別? 除咗勁 chop 相同埋晒到老年咁大張海報有唔同之外...) 終於, 小弟最後都喺年頭經過 DCfever 入手咗一部二手 40D 連原廠直倒, 索價 $3500

三千幾蚊一部二手中階機 (40D), 同一部新入手四千幾蚊嘅一手初階機 (450D) 嘅分別, 經已係兩個完全唔同世界嘅事; 而且後者其實仲要係早推出過前者半年嘅, 所以部 40D 一入手之後, 第一個感覺就係 "當年買錯機" - 不過又老實講, 40D 新機價錢同 450D 根本就係唔可以比較, 但係而家大家都係買二手, 價錢所差無幾的話, 我可以肯定話俾各位想入二手機嘅新手聽, 一定要買中階機, 淨係對焦速度同埋連拍速度呢兩項, 就經已值回票價.

用開 450D 影人像, 一轉 40D 之後, 好大鄉里咁講句: 樣樣都係驚喜 (下底優點度經已每一樣講晒) 然後再喺其他攝影活動裡面刻意拎師兄弟們嘅 50D 同 60D 感受一下, 老實講, 真係分別唔大 (60D 太膠感同埋太細部, 呢樣嘢就真係自己接受唔到) 既然係咁, 我會建議各位用家如果真係要買二手機的話, 可以考慮 40D, 再喺差價度加少少錢 (可能唔駛) 配支好鏡, 影出來嘅嘢一定唔會失禮過 50D 或者 60D - 至少唔會後悔.

高速連拍好快,6.5張,唔計ff機,40d真係第2快
對焦好快(小弟用第1代sigma 17-70)
唔會好食電 我影左500張都仲有電影
liveview對焦好快(唔會好似500d個d慢慢黎)
手感一流(有時真係好唔明,點係60d會變埋做膠身)
2手價合理 $3100-3600
iso去到1600-3200(h),noise都唔會好多,接受到

個mon d色唔得,對比起50d,7d,600d的確係差d
awb唔算好準
高速連拍之下awb嚴重有問題,由其係室內
對於女生門40d的確係重左少少,不過買得中階機就預左架啦
iso得3200

40d真係一部好機
我之前係用d70同300d,嘩,認真一句,真係冇得比
問頭諗住買支靚鏡就唔換機既,但係新年有錢多,又手痕就買左40d番黎
認真一句,40d真係夠我用幾年
如果係550d同40d要我揀我都仲係揀40d,40d真係好抵玩

小弟第2次做評論,可能講得唔係咁好,希望各位師兄見諒

6.5 張的連拍,
實淨,
操控容易

mon 像素唔夠,
紅色表現差勁
再輕一點會更好

作為CANON 雙位數D 系列的相機, 連拍依然係最快的一步, 可喜可賀
由60D 開始, 機身用料改用膠, 果種扎實感只可以係40D,50D(較新) 搵到...

堅固耐用的鎂合金機身，具有一定防塵防水滴能力

14位元 JPEG 及 RAW 影像類型

每秒最多 6.5張連續拍攝速度 (7D 每秒 8張)

可以將最常用的三個拍攝設定組合儲存在模式轉盤的 C1、C2 及 C3 中，方便快速取用 (反而 50D 只有 C1 及 C2 兩個)

對焦系統只有 9點 \
無雙軸電子水平儀 / 但簡單就是美，可以有更多發揮空間

無內置整合式閃光燈信號發射器 (但一般外置式閃光燈信號發射及接收器 1K 以內都有)

無鏡頭周邊亮度自動修正功能，未能有效修正拍攝時常見的「暗角」光學現象 (但唔覺得有很大影響，詳見下文)

2008年 5月購入，用左將近 3年，都係時候發表用家心得。

最喜歡係其 3" 液晶螢幕，雖然液晶螢幕只有 230,000點，但相片效果不論係相機液晶螢幕定普通電腦螢光幕睇落都很接近 (或許係因為 550D 液晶螢幕有 1,040,000點，覺得應該要用較高價錢及質素之電腦螢光幕同顯示卡才能睇到相約相片效果)。

其次係拍攝設定組合儲存模式轉盤，共有 3個，比其後繼機 50D 反而仲要多，會較方便。

買機後首次就用左 Sigma 18-200mm F/3.5-6.3 OS 試拍，出來效果或許未必像原廠鏡頭 (尤其係 L 級鏡頭) 那樣可以完全發揮到此機性能，但出來效果都唔錯，至少無明顯「暗角」問題。

以下係當日拍攝相片樣本，全部係 JPEG 直接出相 (而非由 RAW 轉 JPEG)，當中有以下列顏色為主之相片可供參考。

白色
http://www.fotop.net/edmundchung/BMW_R_RT_P_Pl_Wt

黑色
http://www.fotop.net/edmundchung/Yamaha_YZF_R_Cl_Bk

藍色
http://www.fotop.net/edmundchung/Suzuki_Se

青綠色
http://www.fotop.net/edmundchung/Kwki_Ninja_Pc_Gn

粉紅色
http://www.fotop.net/edmundchung/SS_SS_Pn

紫色
http://www.fotop.net/edmundchung/SS_SS_Ll

銀色
http://www.fotop.net/edmundchung/Sl_Fantasy


之後當然係正式拍攝，歡迎參考下列相片連結：

人像
http://www.fotop.net/edmundchung/Mon_Choi_CBPT

夜景
http://www.fotop.net/edmundchung/Back_to_1881_TL

總括而言，相片拍攝出來之色澤及現場氣氛效果自己都頗滿意，此機絕對係物有所值。

手感真係好正..重量岩岩好
而家2手價大約3千蚊左右..平靚正
成像好正..夠用

呢個價錢呢個時期買入..我覺得無缺點

呢部係我第一部單反..一直想買單反好耐..自己大部份朋友都係用canon既關係..決定左買canon..係550d..60d..50d..40d呢幾部諗左好耐..平時成日借同事部550d黎玩..出黎d相好正..可惜總係覺得手感差少少..60d body8千幾..2手50d..5千幾..2手40d就3千幾..係網上討論區睇左好多師兄既用後感..最後買左40d..平靚正..40d個mon成日比彈差..我覺得如果你用過550d..60d..呢d靚mon機再用40d..你會接受唔到..因為用而家既科技同幾年前既出品比一定無得比..但我覺得其實真係ok..夠用..推介40d比想玩單反既朋友

連拍好快（不過我冇快卡同埋支鏡個hsm唔快），相質我自覺好好，有內閃(哈哈)

ISO最高得3200囉，23萬3吋芒係唯一我由5D2轉40D感到迷惑嘅地方，但用耐左就識得睇有冇OutFocus，另外就係白平衡有少少唔準，同埋上面個Mon嘅燈掣喺最入面，唔太就手

之前用5D2，配2470，影出嚟真係好好好靚，但係最後都係轉左二手40D配Sigma新1750，點解呢？因為40D無論像素同相質我已經好滿意，我唔係好聞相，二嚟就係我用佢嘅時候唔駛好似5D2咁錫，買咩機除左睇佢可唔可以滿足你要求外，都要睇埋佢唔見左或者爛左花左你受唔受到打擊或者唔開心。(小小意見，不喜勿插)

鎂合金機身，比一般入門機有質感，保護性都算強，雖然無防塵防水滴設計，一般情況都夠用有突

雙轉盤既好處係選項勁快，選對焦點、曝光補償、m mode改光圏改快門值一定快過入門機種

價錢平，50D/40D對比同門7D(新系統無野好比)，N門的D90/D300系，比入門級500D果類算好值啦

每秒6.5張連拍，對焦系統為九點十字形，快過好多入門機，已經夠我影賽車

1000萬像素，足夠輸出A3 SIZE ，甚至更大，因為之前參加攝影比賽得優異獎用EPSON PRINT OUT有成張幾A3。又唔會大到要搵位放相，JPG3-5MB，RAW都係10MB一張，足夠聞相。手上部舊機腦剛好應付到，唔洗UPGRADE

重，加埋直度同支小小白影賽車影一日都真係謝晒，不過食得鹹魚抵得喝，要影相就無計，有時係想輕便啲

個MON，解像度極低，唔洗諗住影完相即場放大佢睇下啲DETAIL，會比佢誤導

LIVE VIEW屬第一代系統，好用程度.........不過夠用就算，都好少會用到既

用左佢快兩年啦，喺就過保養前同佢做個總結

講真好在選左40D無買450D，如果唔係一定換機。因為買果時450D剛出，40D已經算舊款，訂左450D又無貨，急去旅行所以買左40D，用到依家我絶可以話無買錯。

XXD末代機皇，50D同佢分別唔大，只係多左個走焦微調，40D的確係平靚正之選

就算上FF都唔會賣(賣得都唔多啦)

快門快到60,000，黎緊台灣單車旅行，希望唔會係佢生命既最後一次出國啦

手感好
入門機既價錢 (宜家得返2 手), 中階機既操控用表現
唔用NR 既情況下noise control 比50D 好, 可保留更多細節

中階機通病, 反光鏡震動大 (canon 一直唔肯下放1仔既反光鏡減震, until 萬3蚊既7d...)

以宜家二手既價錢去評40d ,我覺得係超值 !
一千萬像素好balance好適中
一般 4r - 8 r 都輕鬆應付
重點係比起其他為左出新機而boost上去既機... 50d / 7d (15 mp/ 18mp)

像點密度低, noise control 即使係digic 3 都好低
1600 可用.... 800 - 1000 樓下都無大問題
對鏡頭解像力既要求亦細一d !

唯一挑剔係個mon 真係有d 追唔上宜家部部都 92 萬 / 550d 既 104萬
不過我覺得影響唔太大, 因為係機睇相都係要睇中唔中焦同光暗如何
呢兩個要求都做到... 返屋企睇相仲有d 驚喜
其實都唔係真係咁差

咁既價錢... 80分以上既影像質素, 可以擁有中階機既操控 !
唔係好鍾意拍片... 就完全唔使考慮 500d / 550d 啦 !

此機在宜家科技來說已沒甚優點，因已是2007年出廠相機

Mon解像度太差

本人由450D轉用2手40D，相比兩機分別，40D比450D整體手感好D，對焦及反應都快好多，快門聲爽好多。此機在測光及WB也有不錯表現。用17-55mm f2.8好Fit，冇頭重尾輕。此機ISO1600還可接受，但3200就唔係好掂。另外最重要係個Mon解像真係好差，如影完相係Mon睇相，你會好想換機，因影得D相實在太差，但在電腦Mon睇就好靚，所以唔好信相機個Mon。以家重量還可接受，遲D佩直度怕會好重。如有師兄想upgrade既話，多Budget就50D，少就2手40D都唔錯。