Pentax K20D

$5800有部這麼勁的機..超值啦
色彩一流 ,紅色夠鮮,綠色好青翠,藍色夠實在..正
對焦不算慢 對我來說已經好OK (無其他人說得這麼慢 ..買K20D前都有擔心過慢這問題,但現在用上手都唔係呀,因為在試其他C , N , O 機的對焦.其實差不多..可能有"D"人要超光速對焦..才說慢啦..
SR好好用,
暫時未諗到..用多一排再提供

重.....
暫時未有,, 用多一排再提供

暫時在摸索此機的功能中,可能初玩所以還未試得好深入,基本上比我的感覺是好正..好好玩,等我再玩多一段時間才知道還有何感覺..

1)用手動舊鏡，加了M42 --> Pentax mount (無PCB)，竟然合焦有聲有顯示。另外，可手動較SR的焦距，兩者合起來，應該是用舊鏡的最強Body。
2)用K20D + 16-45，影像PQ竟然比40D + A 16好。
3)SR好effective。
4)mon顯示的光暗十分準，可以看機身mon決定是否需加/減EV。
5)Auto WB，以2008年出的機，非常準確，比40D準得多。

1) 曝光在有些少逆光下已經十分唔準。
不過個機身mon好準，可以即時補影，
若回家用PhotoShop，只要輕微較recovery, fill light 及 black，較果十分好。
但由此可見，機身在曝光上的software寫得唔好。

2) 對焦，一係好易對到，一係就對唔到(一對唔到，對住個object按幾多次都唔會對到)，只要反差稍為小小唔夠，就已有對唔到的風險。
不過，如果對一對其他野，再對番又有機會對到。

整體上，一部很有心的機，
如果攝影已入門，能很快自己較設定，會影到好多很驚喜的相片，唔係C記或N記比到你。
不過，新手 及 要影得快而且唔可以miss的，如婚禮，就唔建議，因為同C記及N記在對焦及測光上有明顯的距離。

手感好
很多用家設定可做，1)如在M mode / A Mode時前後轉盤可作什麼設定，2)走焦時機身有得調較。
SR很有效率，用Tamron 70-200 F2.8，1/30秒，200mm，都十分清楚。而且仲可以用平鏡，如Tamron 70-300，2手不足1000可交易。而且SR若用在機身不認得的鏡，可自行設定焦距，變相玩手動鏡一流。
機身有RAW掣，一按可立即由RAW同JPEG互換
Noise控制一流，RAW的noise比K-7/ N D300 / C 50D好，(根據網上的review，要看可pm我，但JPEG宜出就400以上及不上其他品牌。

對焦慢，特別用上重身的鏡，如Tamron 70-200 F2.8
不過，用上輕的鏡，如FA 77，大約可等於Canon用Tamron的對焦speed，仍算快。
所以玩Pentax機，要玩3公主，輕身，成像好，或玩手動鏡。不過鏡比較貴，2手不太流通。

一流，一部很用心設計的機

色彩自然、真實，所見即所得
層次豐富，仲未試過爆光
反差適中
反應超快

暗位對焦極慢，有時焦對唔到 (呢個問題，在k-m上好像解決了)

顏色簡直一流，尤其是綠色的還原度是最高的，紅色就要稍為加強，整體而言是可以用所見即所得來形容。而且反差亦足夠，比以前的d40好好多。另外，高光位位的層次感非常好，到現時為止都未試過有爆光的情況出現。以前要調暗一些來影先得，現在都不用了。

對焦方面冇外界對pentax的評價那麼差，我覺得完全可以接受，一下即到，不用再重覆對。不過似乎用長鏡時的表現稍差，但整體而言仍然可以接受，反而快門時滯好像很短，差不多一按就已經影了，增加了影到靚相的機會。

機內的相片編輯功能好好用，好方便。雖則別人一定會話photoshop都得，但我覺得機內的設計方便很多，而且有時還引導你向唔同的方向影相，令你知道可以用唔同的方法影相，令你進步

希望你們都可以試一試pentax的機，對焦速度並不是相機的一切。因為有時即使對到，都未必影到(長焦距時會手震，黑的時候，曝光時間長一樣會手震)，影到顏色都未必準確，之前d相的綠色成日都好似溝左白色似的，明明影的時候唔係咁。

使用user friendly，價錢合理。

機身較重，鏡頭及配件選擇不多 (微距近攝環根本沒有)。

色彩豐富，成像一流。

好
1.色彩靚絕,即使在[自然]模式下(預設色彩是鮮明模式)都比其他機色彩鲜艷
2.千4萬像好有用..cut相之後仲大把位剩
3.電池超耐用,得返個紅色框框都影極仲有(可惜電量顯示依然不準)
4.比其他廠牌多左SV,TAV呢兩個拍攝模式..但亦有缺點(詳見缺點3)
5.有LiveView, 雖然吾方便(要兩重工夫),但對於有時惡劣環境(要舉高放飛機)真係有勝過冇LV果D機.
6.影RAW save 相算快,一張約2秒...同埋要讚下一按鈕即拍 RAW,確實方便,
但只限拍一張, 如想再拍, 要再按鈕.或入 MENU 轉拍RAW模式.
7.在MENU裏個人設定有好多function可比你揀...簡直開心大發現.
8.K20D 改善左 Pentax機易入塵既缺點,用左兩個月都吾見有乜塵(我部K100D用3次己有塵)
9.竟然有 D-range(即 D-lighting),當初冇期望過有..
10.又竟然有將測光點同自選對焦點掛勾呢個功能..又一開心大發現.
11.濾色鏡效果十分好玩.又可以在機內張相片加光亮度而不影響到質素.

壞
1.前後轉輪敏感度較低..想校光圈快門有時要來回轉動才郁......
2.Pentax 機普遍拍出來的影像都較其他廠 under 约 0.2EV 左右.
3.TAV 呢個拍攝模式方便就方便...但係 ISO 轉換只係徘徊響 100-400 之間..彈性不足. 倒不如索性用SV拍攝模式好過..
4.可能自己一向用開入門機..有時轉盤上冇左 [人像,風景,微距,運動] 呢4個拍攝模式的確吾係咁方便.
5. LCD MON 顯示點都校出電腦 MON 為暗..吾係咁容易判斷相相冇冇 under...
6.對焦始终比C,N 較弱,對倒焦就好快對倒焦. 對吾倒焦就...好耐都對吾倒~(可能我冇用 SDM 鏡喇)
7.快門(反光鏡)聲浪大..有時會好鑑介..
8.快門(反光鏡)反震力大..令SR防手震發揮吾倒太大功用(官方話4級,我測試只有 2-3級)
9.對焦點始終都吾顯示在機頂 LCD..K100D係咁..到K20D都仲係咁...
10.在 LiveView 下,冇得連拍.

感想:
K20D 已經係第二部賓得DSLR了..正式成為 Canon 的叛徒.
當然賓得將 K20D 減到 $6990.- 亦是誘因..
我係好色之人...買賓得當然是貪她色彩鮮豔奪目..
果然..K20D 沒有令我失望.

K20D 是我相機之中目前最高檔的一部..
亦是功能最多的一部...(詳見優點 9,10,11)
各種色彩模式(鮮明,風雅,紅外線,單色....)及Tav,Sv模式..
令你在任何場景/環境下..都有合適的模式可以調校應付..
就好像咸蛋/懞面超人會化成不同形態對敵(一笑)

K20D 是一部...如果你吾接觸佢你係吾會知佢好處的相機..
K20D 是一部...如果你接觸佢越多你係越會喜歡佢的相機..
兩個多月來..我每次都係用著 K20D..暫時還捨不得轉返用舊機住...

期望下一部高檔機係FF(全片幅),兼可以用番哂所有鏡頭..
仲有加入 [人臉識別]

以下有些係小弟用 K20D 拍的劣作,希望對各位有參考價值:
http://www.fotogb.com/ctiy2005