Pentax K20D

好
1.色彩靚絕,即使在[自然]模式下(預設色彩是鮮明模式)都比其他機色彩鲜艷
2.千4萬像好有用..cut相之後仲大把位剩
3.電池超耐用,得返個紅色框框都影極仲有(可惜電量顯示依然不準)
4.比其他廠牌多左SV,TAV呢兩個拍攝模式..但亦有缺點(詳見缺點3)
5.有LiveView, 雖然吾方便(要兩重工夫),但對於有時惡劣環境(要舉高放飛機)真係有勝過冇LV果D機.
6.影RAW save 相算快,一張約2秒...同埋要讚下一按鈕即拍 RAW,確實方便,
但只限拍一張, 如想再拍, 要再按鈕.或入 MENU 轉拍RAW模式.
7.在MENU裏個人設定有好多function可比你揀...簡直開心大發現.
8.K20D 改善左 Pentax機易入塵既缺點,用左兩個月都吾見有乜塵(我部K100D用3次己有塵)
9.竟然有 D-range(即 D-lighting),當初冇期望過有..
10.又竟然有將測光點同自選對焦點掛勾呢個功能..又一開心大發現.
11.濾色鏡效果十分好玩.又可以在機內張相片加光亮度而不影響到質素.

壞
1.前後轉輪敏感度較低..想校光圈快門有時要來回轉動才郁......
2.Pentax 機普遍拍出來的影像都較其他廠 under 约 0.2EV 左右.
3.TAV 呢個拍攝模式方便就方便...但係 ISO 轉換只係徘徊響 100-400 之間..彈性不足. 倒不如索性用SV拍攝模式好過..
4.可能自己一向用開入門機..有時轉盤上冇左 [人像,風景,微距,運動] 呢4個拍攝模式的確吾係咁方便.
5. LCD MON 顯示點都校出電腦 MON 為暗..吾係咁容易判斷相相冇冇 under...
6.對焦始终比C,N 較弱,對倒焦就好快對倒焦. 對吾倒焦就...好耐都對吾倒~(可能我冇用 SDM 鏡喇)
7.快門(反光鏡)聲浪大..有時會好鑑介..
8.快門(反光鏡)反震力大..令SR防手震發揮吾倒太大功用(官方話4級,我測試只有 2-3級)
9.對焦點始終都吾顯示在機頂 LCD..K100D係咁..到K20D都仲係咁...
10.在 LiveView 下,冇得連拍.

感想:
K20D 已經係第二部賓得DSLR了..正式成為 Canon 的叛徒.
當然賓得將 K20D 減到 $6990.- 亦是誘因..
我係好色之人...買賓得當然是貪她色彩鮮豔奪目..
果然..K20D 沒有令我失望.

K20D 是我相機之中目前最高檔的一部..
亦是功能最多的一部...(詳見優點 9,10,11)
各種色彩模式(鮮明,風雅,紅外線,單色....)及Tav,Sv模式..
令你在任何場景/環境下..都有合適的模式可以調校應付..
就好像咸蛋/懞面超人會化成不同形態對敵(一笑)

K20D 是一部...如果你吾接觸佢你係吾會知佢好處的相機..
K20D 是一部...如果你接觸佢越多你係越會喜歡佢的相機..
兩個多月來..我每次都係用著 K20D..暫時還捨不得轉返用舊機住...

期望下一部高檔機係FF(全片幅),兼可以用番哂所有鏡頭..
仲有加入 [人臉識別]

以下有些係小弟用 K20D 拍的劣作,希望對各位有參考價值:
http://www.fotogb.com/ctiy2005

色彩自然、真實，所見即所得
層次豐富，仲未試過爆光
反差適中
反應超快

暗位對焦極慢，有時焦對唔到 (呢個問題，在k-m上好像解決了)

顏色簡直一流，尤其是綠色的還原度是最高的，紅色就要稍為加強，整體而言是可以用所見即所得來形容。而且反差亦足夠，比以前的d40好好多。另外，高光位位的層次感非常好，到現時為止都未試過有爆光的情況出現。以前要調暗一些來影先得，現在都不用了。

對焦方面冇外界對pentax的評價那麼差，我覺得完全可以接受，一下即到，不用再重覆對。不過似乎用長鏡時的表現稍差，但整體而言仍然可以接受，反而快門時滯好像很短，差不多一按就已經影了，增加了影到靚相的機會。

機內的相片編輯功能好好用，好方便。雖則別人一定會話photoshop都得，但我覺得機內的設計方便很多，而且有時還引導你向唔同的方向影相，令你知道可以用唔同的方法影相，令你進步

希望你們都可以試一試pentax的機，對焦速度並不是相機的一切。因為有時即使對到，都未必影到(長焦距時會手震，黑的時候，曝光時間長一樣會手震)，影到顏色都未必準確，之前d相的綠色成日都好似溝左白色似的，明明影的時候唔係咁。

1 賓得色彩，鮮豔而有人味，只要配上普通的 DA / FA 鏡效果已經好好。
2 對焦比 K10D 快很多，機身馬達雖然未到 USM 級數，但扭力大，配大口徑鏡仍不覺吃力，速度已經很接近副廠鏡的超音鏡級(我覺得)。
3 AWB 比 K10D 準確。
4 ISO 800 雜訊很少，可常用。ISO1600 亦合格，3200-6400 當然差少少，但比K10D 好好多了。
5 機身按鈕方便，Fn 功能表很少用。
6 機身扎實，Viewfinder 夠大。
7 睇相模式功能多，可原相及放大同時間顯示比較。
8 連拍不錯，也有超高速連拍，雖然只有 1.6M，但一秒都有十幾張，有乜急事要影超快連環shot 有好過冇。
9 機身有無線外閃功能，配千幾蚊既原裝閃已可以無線閃燈。
10 有除塵功能，同塵點顯示，有好過冇喇。
11 有機身防手震，配 m42古董鏡都有，雖然效果約只有兩級(話有四級)，但都好好喇。
12 相片成品基本上不需任何後製，只需要 resize。
13 三防，有好過冇。

1 暗位對焦比兩家大廠差少少
2 對焦可以再快 D 更好


除左呢兩點我都諗唔到有乜缺點。

以八千幾蚊買到賓得最高級數碼技術，其實唔貴。
而且成像完全比得上兩家大廠，影完既相唔需要執已經見得人(本身影得差就冇計)。
用呢部機影既相，事後 photoshop 既工作就只係 resize，加 watermark，
甚麼 Auto colour,Auto contrast 都不需要使用，就算用，都唔會有分別，甚至會差左。
如果唔係用黎搵食鬥快，呢部機絕對滿足到任何攝影者。

使用user friendly，價錢合理。

機身較重，鏡頭及配件選擇不多 (微距近攝環根本沒有)。

色彩豐富，成像一流。

Have a lot of different kinds to play.手感 good. You can see the high light or the dark light clearly. 影像質素 high 14.6.

拍攝速度 little slow. I think the K20D is heavy.1/4000 至 30 秒 not so more. I think it can to 8000/1 to 30.It can more useful!

拍攝速度 all right.功能 like the EOS40D ,40D more useful.But it can make the photos more dark or more light in the camera it is more useful than another. It can also make the photo bigger than the wall paper. 用電量 ok.防水濺、防震 good!1/4000 至 30 秒 not so more. I think it can to 8000/1 to 30.It can more useful!