第一次分享文章,如果有咩寫得唔好,請大家多多包涵!
由中學年代的我,己經沉迷攝影,到出來社會工作,曾經有一段時間對攝影的熱誠減退。我相信有不少前輩可能在因放下了攝影,至少我身邊有不少例子。由過往學生年代,每天拿著相機,在香港的大街小巷,群山峻嶺(其實香港有很多美麗的郊野景色),到現在一年去數次旅行時,才出動相機,相距太大。相機待在防潮箱的時間比握在手上的多,這是一種無奈,但卻又是事實吧?
所以,這篇文章,因為可以分享小弟一點建議,讓大家可以對攝影的熱誠如此網站“FEVER”去形容。
1.手中無機,心中有機
師兄,楊過小龍女咩?其實,呢個建議,就係大家經常提到既,訓練攝影眼。留意邊個角度同地方影係最好,最後可以付之實行。以我自己為例,我每日放工都會經過呢個碼頭。其實呢個碼頭己經無船泊,所以我就諗應該點先可以令佢重返以往既繁華。
2. 手中無機,其實有機
無錯,相機係一種病毒,買左DSLR你唔會返返去玩DC 仔。但係,千奇唔好以為只有靚相機先可以影到靚相。如果,你係有技術,我相信,你用電話影既相都可以比千千萬萬個人影得靚。所以,手中無機,但其實你仲有你部手機。唔好猶豫每次影相既機會,無相機,用你既手機!
以下既相就係用手機影既一張相,質素唔高,但我好鐘意張相既感覺。咁岩後面既板上四隻字:珍貴時刻。
3.善用星期六、日時間
踏足社會後,大部份人會利用星期六日係屋企休息。但係,我地唔可以。唔好成日以為香港無野影,香港其實有好多地方可以影相。而且,影相最重要既係你觸覺,當你可以將你每日都見慣既野影得不平凡,就代表你又上一層樓。唔好淨係諗邊到影相靚,更可以考慮訓綀邊項技術。
以下相就係我訓綀黑卡技術既相。
4.在家千日好,影相無難度
其實屋企可以有好多野影。其中一樣我自己做緊既係,through the window。顧名思義,就係影你屋企窗外既景色。可能你會問,有咩影啊?其實主題好多,雨天,陰天,晴天;行雷閃電,日出日落,家燕回巢。呢到幾個,你影過幾多?
下面張閃電就係係我自己屋企影。
希望上述既建議可以令大家保留住對攝影既熱誠!