入手SONY 無反短短2個月, 已入手7支鏡頭。對於購買鏡頭的意慾有增無減, 看來我是中毒已深。雖然購入7支鏡頭, 但其實開支並無想像中之大; 而且玩膩後再賣出去, 亦不會輸錢, 因為舊鏡的Product Life Cycle 已經到達最尾階段, 再沒有太大的貶值空間。
廢話講完, 入正題。係玩舊鏡既2個月中, 發覺肥花沒有太多關於舊鏡既資料。而自己每次賣出手上的鏡, 都有一種不捨既心情。所以決定為自己所擁有過的鏡都寫一篇REVIEW, 一來可以讓自己留念, 二來可以給大家參考。數字上, 技術上的分析, 在這裡幾乎絕跡。因為我深信, 一支鏡好唔好, 絕對係主觀。所以, 係老人院系列當中, 都只會有我自己主觀既感覺。廢話講完, 今次真係入正題。
Minolta MD 50 1.4 係我人生中第一支舊鏡, 入手原因好簡單: 平! 當時以$600 入手, 就有1.4 光圈。老實講, 影像沒有太大驚喜, 反而係手感上, 以600蚊既價錢, 絕對超班。加上泛黃金的鍍膜, 更令人著迷。
影像色彩個人覺得偏淡。雖然如此, 反而有一種淡雅既感覺。
攝於大嶼山, 淡淡的色彩帶點孤寂的感覺。
全開光圈影像不太利, 亦可能係因為我對焦唔準(第一支手動鏡, 未習慣)
攝於荔景山。
如果你係第一次接觸到老鏡, 又唔知自己鐘唔鐘意, 呢支鏡絕對值得一試!
**如果大家都係攝影友, 歡迎光臨本人,家交流一下
flickr:https://www.flickr.com/photos/frankhungphotos/**