Fever 達人文章分類

【廢墟攝影】荒廢17年嘅電氣化火車

大家平時搭火車經過火炭站嘅時候,有冇留意到有一列第一代嘅黃頭電氣化火車停喺車廠入面呢?自從我幾年前知道佢嘅存在之,我每次搭火車經過火炭都會留意下佢仲健唔健在,一直都好想入去一探呢架碩果僅存嘅黃頭火車。早排終於的起心肝用自己方式入去車廠為佢留影。

dcf-travel-img-23582

dcf-travel-img-23575

dcf-travel-img-23573

黃色頭係唔係好親切呢?其實車頭鬆黃色係一個警戒色,因為電氣化列車相對柴油列車行車速度高且寧靜,而且當時鐵路沿線仍有好多地方係開放嘅,隨時可能有人誤闖路軌,所以九鐵便跟隨英國做法,將電氣化火車車頭髹上黃色警戒色。

至於點解呢一列黃頭可以逃過翻新而幸存落蒞。其實係因為1984年一列黃頭(E45)喺上水出軌,導致兩個普通等車卡234,235號(舊編號)報廢,剩餘一卡頭等233(舊編號)號未有損毀。數年後列車(E58)於廠內發生意外,撞毀一個頭等車卡458號。於是九鐵利用多出嘅頭等卡233號頂替458號位置。

估計可能因為兩次意外總共損失3卡車箱,之後亦未有訂購新列車填補空缺,導致最後九鐵為黃頭進行中期翻新工程時多出3卡列車,無法併成一組12卡列車而未被翻新,所以呢一組E44號列車可以逃過翻新幸存落蒞。

dcf-travel-img-23555

路線圖停留喺未有落馬洲支線,九龍塘站寫住轉乘地下鐵路嘅年代,同埋車門上九鐵系嘅警告,全部都代表一個逝去嘅年代

dcf-travel-img-23561

dcf-travel-img-23560

經典嘅橙色硬膠櫈,仲有啲波波扶手

dcf-travel-img-23563

 

dcf-travel-img-23562

以前嘅坐位係對對住咁住坐,方便傾計之餘又好有外國feel

dcf-travel-img-23564

貿意下左右兩邊嘅路線圖,兩邊方向係唔同嘅,當你面向幅圖嘅時候係跟住個行車方向,下一個站就會喺車頭方向嗰邊

dcf-travel-img-23569

仲係地下鐵路!

dcf-travel-img-23564

3 + 2 座位排列唔係得巴士先有,以前黃頭上面都有

dcf-travel-img-23566

3人座位坐入面嗰個要出蒞都幾麻煩

dcf-travel-img-23578

以前地鐵同火車未翻新之前,車門前嘅地板都刻住車廠名,唔知大家仲記唔記得呢?火車呢個仲寫住ENGLAND架!

dcf-travel-img-23567

dcf-travel-img-23568

細個唔多機會搭火車,嗰時火車唔係好迫,就算搭,父母都唔會坐頭等,所以從來都冇坐過黃頭嘅。同行朋友同我一樣都冇坐過,而家終於有機會坐返當年冇搭過嘅頭等

dcf-travel-img-23570

其實最初嘅頭等啲櫈係橙紅色嘅同埋窗邊係有張几仔,張几仔喺80年代中九鐵改裝車廂嘅時候拆左,至於張櫈幾時變左色就真係唔知

dcf-travel-img-23572

頭等前面就係行李倉,乘客如需使用行李倉需為購買行李票,朋友以前試過坐行李倉,據講以前如果太多人係會放人入去行李倉。唔知大家又有冇試過上行李倉呢?

dcf-travel-img-23581

準備進入駕駛室,可以見車頭嘅到緊急逃生門

dcf-travel-img-23556

dcf-travel-img-23579

終於有機會入到火車駕駛室參觀,我覺得成個駕駛室嘅精髓係車頂嗰盞燈,盞燈睇落好鬼old fashioned 好有味道

dcf-travel-img-23580

dcf-travel-img-23558

駕駛室內嘅控制面板,有啲電車GO嘅feel

dcf-travel-img-23583

17年前嘅今日就係第一代黃頭電氣化火車最後一日載客,唔經唔覺17年過去,翻新左嘅佢好快亦都會退下火線。希望呢一列因意外而幸存嘅黃頭有朝一日可以被人修復重見天日,唔會被當成廢鐵消失於無形啦。

P.S 感謝K.H Ng 提供第一代電氣化火車榮休之旅相片

 

© 2016 - 無人之境 ∣ Abandoned HK

無人之境Facebook: https://www.facebook.com/abandonedhkre

無人之境 | Abandoned HK 的其它文章
首頁推介 編輯推薦
【廢墟攝影】荒廢17年嘅電氣化火車 無人之境 | Abandoned HK 大家平時搭火車經過火炭站嘅時候,有冇留意到有一列第一代嘅黃頭電氣化火車停喺車廠入面呢?自從我幾年前知道佢嘅存在之,我每次搭火車經過火炭都會留意下佢仲健唔健在,一直都好想入去一探呢架碩果僅存嘅黃頭火車... (繼續閱讀)
請搶救香港僅存的 Dennis 消防泵車 無人之境 | Abandoned HK 幾年前到訪某片場,在內發現一架80年代舊消防細搶救車及救護車。最近消防處在新落成的百勝角消防訓練學院內設立「消防及救護教育中心暨博物館」,館內除消防安全教育外,還展出不同消防文物介紹消防處歷史。片場內... (繼續閱讀)
【廢墟攝影】十萬火急 無人之境 | Abandoned HK 早前新落成嘅百勝角消防及救護學院開放予公眾參觀,反應熱烈。新嘅始終冇舊嘅咁有歷史,不如等我帶大家去參觀一下舊嘅消防訓練學校,了解下以前嘅消防員受訓過程同環境。 香港擁有世界級嘅消防服務,全年每日24小... (繼續閱讀)
編輯推薦
【廢攝攝影】埋藏廢墟中的寶藏 無人之境 | Abandoned HK 一般人對廢墟的印象大概就是裡面只有頹垣敗瓦、垃圾、灰塵與蚊蟲。而對我來說,廢墟就如一個時間錦囊,將時空靜止在人類撤退之時。當中遺下的物件令人置身其中時感覺就如跌入了蟲洞,回到了過去。當中最常見的就是... (繼續閱讀)
編輯推薦
【廢墟攝影】走入無人之境從另一角度認識我城 無人之境 | Abandoned HK 建築是我們生活的一部份,人在當中或多或少會留下痕跡。一些建築物變成廢墟後,裏面的時間就如靜止一樣,置身其中有如穿梭時空回到過去。從建築物的風格和設計可以了解到當時社會的大環境,而廢墟中的小物件則反映... (繼續閱讀)