呢部係三年前生日朋友送嘅禮物,直至最近先至完成晒36張。
仲記得收到嘅時候,係懷住好期待嘅心情去試呢部機,因為2017年的時候這部機剛剛推出,
係富士同柯達即棄相機以外嘅一個新選擇,所以唔知究竟影到啲咩效果。
但係換個角度諗收到呢類禮物亦都會覺得好似有啲交行貨咁,就好似遇到識影相嘅人就會送呢類野俾佢。
慶幸,唔係嗰啲相機形狀鎖匙扣,同埋鏡頭杯。哈哈哈。。。。。。
不過,最近沖左出嚟睇到之後,我即刻對佢改觀。
改觀並唔係因為佢有啲咩特別驚人嘅效果,雖然我都好滿意。
而係發現,即棄相機嘅局限,每每就係激發起創意攝影嘅源頭。當出嚟見到係咁局限嘅工具上面,都留低到一啲回憶,最後睇到實在係幾開心。
喺拍攝主題上面嘅影響係,以往用菲林黎影相,因為好似覺得好貴,所以淨係捨得用嚟影人或者影下合照。而當唔使錢,或者自己用錢買都係百零蚊就有一部菲林相機連買菲林喺手嘅時候,我就會一啲前設都冇,眼睛就會好自然去發掘一啲平時唔會留意嘅嘢去影低佢。
而喺拍攝頻密程度上嘅影響係,當你知道手上就係得36張菲林,自自然然會花時間去慢慢觀察究竟有啲咩值得留低,甚至乎會慢慢左度右度究竟可以點去影好嗰張相先捨得咁㩒落去。
而係操作上面嘅影響係,通常呢類相機嘅光圈同快門速度都係固定嘅,換言之可以改變嘅就係利用光線。所以好多時候會揀見到一啲好靚嘅光先去影。又或者開咗盞閃光燈。
正午陽光↑
下午陽光↑
上午陽光多雲↑
上午陽光↑
上午多雲↑
上午陽光↑
中午陽光↑
晚上閃燈↑
晚上閃燈↑
下午微光↑
室內閃燈↑
呢36張相總共影咗三年半了~唔能夠唔提嘅係,就算用得幾小心,都有好多張係燒左喺唔小心禁唔到個快門。。。。。。
以前有人講落,用菲林影相未必要即刻沖出嚟,有時擺佢一段長嘅時間先至拎去沖,就算影嘅時候係幾普通嘅日常,過後睇返可能都會有另外一種感受!
慢曝人生 - Billy Szeto