你人生買過最毒嘅玩具-沖晒店用嘅沖晒機同掃描器

銷聲匿跡左三個月,又冇寫文章,究竟做咗啲咩野?

dcf-travel-img-43241

↑ Fujifilm Simple ACE 400+室內有光+開閃光燈

話說以前機緣巧合,曾經入咗去到一間沖晒店做兼職。當時見到佢哋請人,

我就諗可以多份工又可以免費沖菲林好似幾好,所以都做咗一段時間。

喺菲林店工作同埋環境氣氛嘅推動之下,令到我比以往影得更多菲林相,越嚟越享受呢種慢慢影好一筒菲林,

再自己親手沖洗返自己個卷菲林嘅呢種過程。

dcf-travel-img-43339

 相信可能大家拎菲林去沖晒店沖洗嘅時候感覺應該都會係懷着滿心期待嘅心情去等睇相。

所以每次開工嘅時候,我都好打醒十二分精神,對沖晒機器做好檢查。

每當一收到佢哋手上嘅菲林,就唔敢分心做第二啲嘢,直至嗰卷菲林送咗入沖晒機止。

因為用得菲林去影相,證明要保留嘅嘢都係珍貴,裏面嘅嘢都係我哋嘅心血,每一張都係用時間去累積。

dcf-travel-img-43243

↑ Canon F-1+ Kodak ColorPlus 200+室內昏暗+冇閃光燈

菲林喺可以放入掃描器之前,存在實在太多因素有機會令到喪失寶貴回憶。

以C41彩色沖曬為例,收到客人菲林之後,除咗貼上號碼貼紙以作識別之外,

就係會將菲林放上粘片枱,用專用嘅黃色膠帶貼喺導卡上。

導卡嘅作用就係令到菲林有一個軌跡咁喺沖晒機入面遊走唔同嘅藥水工作缸。

如果黃色膠帶貼得唔好嘅話,有機會會令到成條飛啦甩咗喺沖晒機入面。

dcf-travel-img-43335

喺粘片枱上面嘅操作都有陷阱,就係佢有一個鐵夾去幫你暫時固定菲林,

等你方便粘貼黃色膠帶,但係萬一操作菲林嗰個人用完呢個鐵夾唔記得打返開,

就直接拎起導卡諗住行埋去沖晒機處理,咁樣就出事了!就係菲林筒入面嘅菲林成條扯左出嚟!

所以喺正常流程裏面,操作菲林嘅人應該用雙手處理,左手捉摸導卡,右手捉緊菲林筒,先好將呢set野拎開粘片枱。

同埋拎起嘅時候無論係單手定用雙手,都應該係確保有一隻手同事抓住菲林筒同埋導卡。

因為某啲菲林筒嘅設計冇咁大張力,如果淨係拎住張導卡,菲林有機會成條跌咗出嚟。

dcf-travel-img-43336

下一個步驟就係將呢一個粘貼左喺導卡嘅菲林送入沖晒機。

要確保佢順利喺最尾吹風機成功出返嚟,仲要係最佳品質嘅影像。

呢個就係事前必須要花功夫做好保養同檢查。

dcf-travel-img-43337

包括就係定期要放晒相機裏面嘅零件進行清潔,確保工作缸乾淨,定期更換已經用到冇咗力嘅藥水,

同埋最緊要嘅係藥水配製嘅比例,配製嘅過程,同埋機器運作嘅溫度都唔可以有太大嘅錯誤,

如果唔係呢啲都可以從底片嘅表現反映出嚟。

以我呢部沖晒機為例,打開逐個零件洗,總共洗咗兩個幾星期

dcf-travel-img-43248

黎到正題了!自從冇再喺晒相店做嘢之後,就諗究竟可以去邊度晒相。

dcf-travel-img-43249

↑ Fujifilm Tiara+Kodak Ultramax 400+室內有光+開閃光燈

同一時間有少少懷緬可以自己親手處理返自己菲林嘅嗰種感覺。

所以就順理成章,搞左個自肥企劃,不如買返沖晒店嗰個級數嘅沖晒機同Scanner返嚟自肥啦!

dcf-travel-img-43340

一切都來得太突然,又真係俾我搵到呢啲機器返嚟,一齊都有影菲林嘅朋友就話,既然你咁有要求,

不如索性再一次順理成章開間店出嚟服務大家啦。最後,我竟然真係做咗!

dcf-travel-img-43338

今次呢度就分享一輯,你人生買過最毒嘅玩具沖晒機同掃描器嘅「開箱」實錄!

呢度就會回帶返去兩個幾三個月前

dcf-travel-img-43250

↑ Fujifilm Tiara+Fujifilm Xtra 400 +室多微光+開閃光燈

dcf-travel-img-43251

↑ Fujifilm Tiara+Fujifilm Xtra 400 +室多微光+開閃光燈

dcf-travel-img-43252

↑ Fujifilm Tiara+Fujifilm Xtra 400 +室多微光+開閃光燈

dcf-travel-img-43253

↑ Fujifilm Tiara+Fujifilm Xtra 400 +室多微光+開閃光燈

dcf-travel-img-43272

↑ Fujifilm Tiara+Fujifilm Xtra 400 +室多微光+開閃光燈

呢部就係沖晒彩色菲林用嘅沖晒機

dcf-travel-img-43256

↑ Fujifilm Tiara+Fujifilm Xtra 400 +室多微光+開閃光燈

dcf-travel-img-43258

↑ Fujifilm Tiara+Fujifilm Xtra 400 +室多微光+開閃光燈

而佢手上擺咗喺架買餸車上面嘅就係掃描菲林嘅掃描器

dcf-travel-img-43254

↑ Fujifilm Tiara+Fujifilm Xtra 400 +室內有光+開閃光燈

dcf-travel-img-43255

↑ Fujifilm Tiara+Fujifilm Xtra 400 +室內有光+開閃光燈

dcf-travel-img-43265

↑ Olympus Mju+Kodak Ultramax 400 +室內有光+開閃光燈

創業實在唔簡單,連請人搬野嘅錢都冇。 上面搬野嘅相見到嗰啲都係我好好嘅朋友,

重300公斤沖晒機同埋150公斤嘅玻璃櫃都係我哋幾條友硬着頭皮,

綁晒繩咁樣徒手搬上去。喺呢度我要特別多謝佢哋幾位!!!

dcf-travel-img-43261

↑ Fujifilm Tiara+Fujifilm Xtra 400 +室內有光+開閃光燈

dcf-travel-img-43262

↑ Fujifilm Tiara+Fujifilm Xtra 400 +室內有光+開閃光燈

不過一切並唔係買咗啲機器返嚟就代表可以即刻做到心目中想達到嘅最佳質量。

因為,為咗呢個最佳質量,我已經留咗喺呢個商場兩個月有多,

為沖晒系統進行深層清潔同埋調整,同埋每日做技術測試。

經歷咗長時間嘅穩定性測試之後,終於可以宣佈正式開業!!!

dcf-travel-img-43263

↑ Fujifilm Tiara+Kodak Ultramax 400 +室內有光+開閃光燈

係我租咗嗰個位置附近,有一個整手工嘅哥哥,佢成日有啲玩相機嘅客人走去搵佢整相機帶,

佢都好好人成日將佢啲客人介紹過嚟我間鋪。佢介紹過嚟嘅客人唔少都有興趣想試吓係我呢度晒相,

我聽到都好開心,但係最後我都係叫佢哋去附近搵第二個沖住先,等我正式開業先返嚟。

dcf-travel-img-43264

↑ Fujifilm Tiara+Fujifilm Xtra 400 +室內有光+開閃光燈

原因係,雖然已經交緊兩個月吉租每日為沖晒系統做技術穩定性嘅測試,

理應快快脆脆開業。但係我覺得做得一間沖晒店,

最緊要嘅係沖晒技術嘅質量同埋穩定性必須要高,如果唔係實在對唔住嗰卷菲林同埋攝影者。

dcf-travel-img-43266

↑ Olympus Mju+Kodak Ultramax 400 +室內有光+開閃光燈

而家我好開心想講,經歷咗兩個幾月嘅技術穩定性測試之後,

終於可以同大家分享我已經做到我最想達到嘅質量。

歡迎所有影菲林嘅同好或者搵緊啱你口味嘅沖晒店嘅你過嚟指教指教~

dcf-travel-img-43271

↑ Nikon FM2+ Kodak ColorPlus 200+室內有光+冇閃光燈

dcf-travel-img-43341

 

慢曝人生尖沙咀沖晒館

地址: 尖沙咀彌敦道36號CKE重慶站2樓178號舖(C6行)

營業時間:下午一時至下午八時

2021年5月31日星期一正式試業! 

IG: timeflyslowithfilm

試業期間,每日營業安排請留意IG Story每日公佈~

dcf-travel-img-43267

↑ Olympus Mju+Kodak Ultramax 400 +室內有光+開閃光燈

完成晒處理所有技術問題,嚟緊將會重新周圍去影吓相寫下野,繼續放毒。。。

dcf-travel-img-43342

今期拋磚引玉,下一期將會介紹吓我主埸,堪稱全港最細嘅大型沖曬店,

同由我主理嘅沖晒服務,期待大家過嚟指教指教

dcf-travel-img-42094

慢曝人生

慢曝人生。導人向毒
與有格局的人分享有格調的底片人生 

慢曝人生IG: hkbillyszeto

慢曝人生尖沙咀沖晒館IG: timeflyslowithfilm

慢曝人生 的其它文章
家朗加油支持你! 慢曝人生 慢曝人生以前係一個羽毛球愛好者~2015年有機會坐喺場邊記錄超級賽~為咗表示支持家朗~小弟決定拎返六年前從未曝光嘅珍藏出嚟分享~佢當時喺十六強直落兩個贏咗當時嘅球壇一哥林丹,已經覺得成件事好勁!! 因為好少人... (繼續閱讀)
首頁推介 編輯推薦
我用冷色菲林為夏天消暑 - LomoChrome MetroPolis 慢曝人生 冷色菲林俾我最強嘅感覺,除咗有藍藍綠綠嘅色調, 另另外就係整體畫面感覺有啲似以前舊咗嘅電影,顏色有啲舊嘅感覺,顆粒感比較明顯~ 上一次介紹嘅紫色菲林因為顏色變化比較明顯,所以喺拍攝之前都喺ig上面做... (繼續閱讀)
首頁推介 編輯推薦
我在紫色菲林裡找到全新的顏色刺點 - LomoChrome Purple 慢曝人生 好多時我哋去討論一卷菲林顏色之間嘅差異都好模糊。 譬如話ColorPlus 200好似偏暖色少少,Proimage 就稍為平衡一啲咁; 但係實際出到嚟有時又唔係好多覺,因為唔同光源、唔同環境、唔同鏡頭影出嚟都會有分別。 ... (繼續閱讀)
首頁推介 編輯推薦
你人生買過最毒嘅玩具-沖晒店用嘅沖晒機同掃描器 慢曝人生 銷聲匿跡左三個月,又冇寫文章,究竟做咗啲咩野? ↑ Fujifilm Simple ACE 400+室內有光+開閃光燈 話說以前機緣巧合,曾經入咗去到一間沖晒店做兼職。當時見到佢哋請人, 我就諗可以多份工又可以免費沖菲林好... (繼續閱讀)
編輯推薦
誰能代替你地位 - 哥哥代言的Konica SR-V100菲林評測 慢曝人生 1984年張國榮(哥哥)憑住《Monica》一曲,首奪十大中文金曲和十大勁歌金曲獎, 呢首歌不僅掀起左香港樂壇勁歌熱舞嘅舞曲風潮,打破以往以抒情歌曲主導嘅局面, 成為本港流行音樂史上重要嘅一個里程。其唱片銷量... (繼續閱讀)
首頁推介
傳統新衣裳 - 中上環旗袍體驗 慢曝人生 旗袍嘅歷史非常悠久,旗袍原指清八旗婦女的長袍,當時嘅設計相對寬鬆配合佢哋狩獵同游牧嘅生活方式; 我哋今日仍然見到嘅旗袍同呢一款就截然不同,依家普遍見到嘅設計都係源自30年代嘅上海風格。 ↑大館-香港... (繼續閱讀)
一個躺在大帽山的下午 - Nikon FM2 慢曝人生 大帽山聽就聽得多,喺小學常識書認識香港嘅章節裏面,經常都灌輸大帽山去香港最高嘅山; 而每逢去到最凍嘅日子,新聞都會提到大帽山山頂凍到結霜; 聽埋聽埋,大帽山俾人嘅感覺好似好難行咁樣。 ↑ Nikon FM2+... (繼續閱讀)
我在屯門徑讓心靈去了一轉日本行-Nikon FM2 慢曝人生 屯門徑同藍地水塘都係位於屯門, 山腳嘅起步點喺屯門嘅何福堂書院, 可以從屯門站或者輕鐵杯渡站步行5分鐘到達起點, 整個路程到落山大概喺兩個鐘頭之內, 而上山同落山嘅位置都近地鐵站,相對便利! 今次帶同8... (繼續閱讀)