旗袍嘅歷史非常悠久，旗袍原指清八旗婦女的長袍，當時嘅設計相對寬鬆配合佢哋狩獵同游牧嘅生活方式；
我哋今日仍然見到嘅旗袍同呢一款就截然不同，依家普遍見到嘅設計都係源自30年代嘅上海風格。
↑大館-香港中環荷李活道10號
受到西方崇尚纖窄修長觀念的影響，嗰陣流行穿著較為窄身、長至腳踝的旗袍。
為咗方便行走，旗袍兩側嘅裙衩都開得比較高。
當時嘅女性亦都會喺著旗袍嘅時候配上高跟鞋，令線整個條顯得更加修長
↑懷舊星巴克-香港中環都爹利街13號
基於種種原因旗袍係四九年之後幾近銷聲匿跡；但係喺平衡時空下嘅香港，
旗袍就以唔同嘅姿態滲透喺我哋嘅生活裏面。
包括校服、酒樓的制服、結婚的禮服及香港選美代表的民族服裝。
去到90年代起旗袍再一次被重視。
↑Photo:somedistantheaven
今日嘅旗袍唔單止成為傳統禮服；喺新一代設計師更加入嶄新元素設計下嘅旗袍，
更加體現到旗袍喺流行文化嘅獨特地位。旗袍不斷被演繹的過程中，被貫注了新生命力，得以持續的發展下去。
↑大館-香港中環荷李活道10號
而家有好多俾人體驗穿着旗袍嘅店都係以租嘅方式俾客人着去影相，
有啲店舖仲會幫你處理埋基本髮式造型，同埋借埋啲相同風格嘅首飾或者袋俾你，
等你有個更加完整嘅體驗
↑香港醫學博物館-香港上環堅巷2號
從中環嘅旗袍店出發，經過香港醫學博物館附近，隨意影咗幾張相作為開端
↑香港醫學博物館附近樓梯
↑香港醫學博物館附近樓梯
因為要趕喺旗袍店收工之前歸還旗袍，所以我哋都係喺嗰一大帶去最多嘅地方影相
我哋第一個去嘅地方，係突然間諗睇港台節目印象裏面有間雜貨鋪喺附近起加落去，
呢個就係喺上環水坑口街嘅朱榮記雜貨鋪
↑朱榮記-香港上環水坑口街26號地下
朱榮記係一間舊式雜貨鋪，賣嘅係上世紀生活嘅家居必需品。
除咗琳琅滿目嘅舊式用品之外，最特別嘅當然係佢哋生產嘅塑膠豬仔錢罌，
可惜而家已經係非賣品了，替代嘅就係店內返璞歸真嘅真豬仔瓷罌
↑朱榮記-香港上環水坑口街26號地下
咁就只好轉移視線落咗去鋪面嘅西瓜波
↑朱榮記-香港上環水坑口街26號地下
喺筲箕、竹籮、掃把、雞毛掃同瓦煲襯托之下，西瓜波同豬仔瓷罌同攝影嘅主題都顯得好突出
↑朱榮記-香港上環水坑口街26號地下
下一站就係順理成章去到附近位於荷李活道嘅上環文武廟
↑上環文武廟-香港荷李活道124-126號
文武廟保留住傳統嘅設計，廟內燈籠嘅燈光成映照出昏暗環境明顯嘅層次，
係呢個環境下穿著旗袍影相相當之有氣氛
↑上環文武廟-香港荷李活道124-126號
接住落嚟我哋準備去煤氣燈街 (都爹利街石階及煤氣燈)
喺隔離有一間懷舊嘅星巴克，隨手喺嗰度影咗一張，
裏面嘅裝修係模仿緊懷舊嘅冰室同茶記
↑懷舊星巴克-香港中環都爹利街13號
都爹利街煤氣燈同埋樓梯
↑都爹利街石階及煤氣路燈-香港中環都爹利街南端
↑都爹利街石階及煤氣路燈-香港中環都爹利街南端
呢個背景對好多有聽香港80年代流行音樂嘅人可能都會覺得幾熟口面
呢度就係梅艷芳嘅《夢伴》同埋張國榮嘅《有誰共鳴》MV拍攝嘅地方
↑梅艷芳《夢伴》-都爹利街石階及煤氣路燈-香港中環都爹利街南端
↑張國榮《有誰共鳴》-都爹利街石階及煤氣路燈-香港中環都爹利街南端
喺返返去旗袍店之前，最後一站去咗中環嘅大館，抱着輕鬆嘅心態隨便搵啱嘅景色
↑大館-香港中環荷李活道10號
↑大館-香港中環荷李活道10號
↑大館-香港中環荷李活道10號
↑大館-香港中環荷李活道10號
↑大館-香港中環荷李活道10號
睇完之後，唔知你又會唔會想去試吓着旗袍影相，或者影人著旗袍呢？哈哈哈
慢曝人生
慢曝人生。導人向毒
與有格局的人分享有格調的底片人生
IG: https://www.instagram.com/hkbillyszeto/
