11 Jan 2020
話說10號嗰晚10點幾，睇天文台預測，同埋我自己屋企望上天頂，疑似有雲海，已經蠢蠢欲動想上大山。不久，同IG有位師兄傾計，得到可靠情報，就更加確定上大帽山博雲海。結果吹雞成功，2:45齊齊打的。不過想大山之前有個嫌疑，住元朗朋友send左一張相俾我，佢能夠清晰影到月光。心裏有些猶豫，係坐的士經過上村期間，元朗真係冇雲，而且有點清晰。呢個真係好涉及地形風勢… 潮濕風勢可能有東面吹過嚟，非常之微弱，微弱到一遇到大帽山阻隔，風勢就不能直達元朗嗰邊，導致大埔至荃灣、港島區，都起晒雲霧雲海。一落車我哋就好有目標咁去第一個打卡位。
是日出動鏡頭，為咗提升夜景同埋快門，筆者全部帶晒定焦鏡～分別20mm 1.8，35mm 1.4，50mm 1.2，85mm 1.8，180mm 2.8 同埋 x2 增距器。本身想帶變焦鏡70-210 f4，不過經過權衡之後，為咗提高最高質素，屎窟痕帶定焦鏡180mm，帶嚟好多出乎意料效果！
出發！
首先梗係用85mm啦，新文章：神奇老鏡 - NIKKOR H Auto 85mm f1.8，啱啱先出爐，唔係咁快收佢皮，打佢入冷宮呀嘛XDD 嗰日旅程，一切由呢兩個帳篷開始！ f2.8都有星芒㗎！
85mm iso400 f2.8 4s
移步換景～雲海好低，好似為城市琴棉胎咁！大景！大景！在下見識少，搞到我一路影一路嗌，好靚！點解咁靚！本人唔鍾意太慢快門，因為太慢快門，雖然會影到啲雲好流動，不過就缺乏層次感，所以帶咗定焦鏡大光圈鏡頭，一黎可以大光圈提升進光量，二來爭取快門時間，三黎提升畫質(特別暗部)。呢啲純粹個人風格，個人喜好～
85mm iso200 f2.8 6s
打卡 妙高台>雲海>大東山>鳳凰山
85mm iso800 f4 6s
鏡頭一轉，見到啲雲霧咁樣飛來飛去，好似去咗雲南咁，當場真係嘩！嘩！嘩！聲。點解咁靚！
85mm iso400 f4 10s
有玩IG嘅朋友，梗係要黎返張直倒相啦～直倒相構圖更豐富，構埋條馬路！我真係好著！見到呢個大景真係好著XD
85mm iso250 f4 25s
遇上咁樣大景，點可以唔自拍留念一下！
85mm iso1600 f2.8 1s
好！係時候轉一轉構圖，換返支50mm 1.2 構圖拎返多啲空間，再加埋自拍撚，真係fit 爆！
50mm iso2000 f2 1/3
180mm f2.8出場！光圈全開冇問題！當年金圈鏡，真材實料。非今天金圈鏡頭加持咁簡單，現今金光圈鏡頭，筆者覺得好大機會增加銷量，增加人虛榮心。
180mm iso800 f2.8 1/2
一個直倒構圖邊過到我手癮㗎！一場遇到大景，梗係唔會放過任何構圖機會！若隱若現咁打到過對面海～
180mm iso800 f4 1.6s
呢個位打完卡，繼續移步換景登上更高峰！大帽山由於山體過於肥大，用太wide鏡頭未必有着數，地景佔好多天色當然都佔好多，經過本人權衡之後，決定用50mm，既有重點之餘，地景天色比較平衡。
50mm iso400 f5.6 20s
鏡頭一轉移去後邊，遠眺大東山鳳凰山，加條若隱若現青馬大橋。呢d我唔叫雲海，極其量只叫霧海，好明顯唔夠東面濃厚。雲海要一定厚量、範圍。如果冇，係我心中定義只可以叫做霧海，或者叫飄雲、飄霧～ 大東山、鳳凰山上面有雲飄緊～
180mm iso400 f4 6s
終於成功打卡！傳說中...獅子山沐浴！其實我都唔知算唔算雲海同霧海已經分唔清。總之都係果句，影到你就贏^.^v
180mm iso125 f5.6 30s
6:27 magic moment 開始來臨，天色開始變，雲亦都開始變色。呢張相我名為... 層次王 - 獅子山之Magic moment。前景大帽山>雲海>沙田城市光害雲海>中景主角獅子山>九龍區城市光害霧海>雲海>九龍區城市光害雲海>後景遠方雲帶>日出magicmoment光芒>高層雲
180mm iso400 f4 3s
Magic moment 嗰日天色麻麻，不過有啲變色，黎個單調重點構圖。雖然前邊有雲海，不過中間有啲特別，就係城市光害，後尾嗰層有Magic hour色彩。
180mm iso400 f4 2s
唉～隊友狂話要自拍，勉為其難咁樣幫佢構圖。當幫佢影完之後，佢梗係要幫我影返啦XDD 如果唔係佢提議，喺呢個時候我真係冇諗過自拍。因為呢刻唔係靚景，不過從另一方面咁諗，為大帽山雲海打卡留倩影。Thanks 隊友！
85mm iso800 f2.8 1/8
一般magic moment，構圖完全構個景，忽略咗啲師兄。不過唔緊要，一陣補返數～35mm 1.4出場！用佢機會好少！哈哈！
35mm iso320 f5.6 1s
Magic moment 電燈塔打卡。輸畀定焦鏡，亦贏在定焦鏡。多鏡頭好處，每次出動想影啲咩就帶咩鏡，想構啲咩圖出發之前就要諗定，好有趣㗎～
180mm iso64 f5.6 1.3s
85mm視覺 - 城市琴棉胎。喺呢個位影呢張相時候，覺得城市也要瞓覺，亦差唔多起身XD 請容許我FF上腦XDD
85mm iso64 f8 0.8s
180mm視覺 - 城市琴棉胎。呢個壓境更有氣勢！
180mm iso64 f5.6 0.6s
出相大概出咗一半，小弟都講到呢度都有啲攰，我真係唔係hea大家㗎～ 每次出相到傾盆而出，今次呢個旅程有成35-37張相覺得OK，so出住上集先！真係講到有啲攰。要諗嘢講其實唔難，我係影緊相時候都一直thinking，因為我口寫我心，我全部都用Siri錄音～ 下集留返有心機、有空餘時間再講！下集係太陽出來了，有新的一天感覺～ 今次旅程有咩感想留返下集先講，靚景靚相時間過得特別快！係時候講拜拜！哈哈！！
instagram: andrewncy.images
多謝收看！多謝睇我分享！
完
