Fever 達人文章分類

神奇老鏡 - NIKKOR H Auto 85mm f1.8

話說初初接觸攝影三四年前,好多時候淨係識用wide鏡影相影大景,越wide越好~開頭我影相只係對風景拍攝有興趣,逐漸覺得wide鏡影相無重要,開始進入35mm同50mm迷思,接觸左攝影兩三個星期,我就買入左Nikon 50mm 1.4G,開頭上網睇好多評測,最後因為散景奶油d關係於是買左1.4G而唔係1.8G。當我買入呢支鏡時候,都唔係好明白咩唔同焦距對散景有咩分別,直至到我有機會擁有第一枝神奇老鏡 - Nikon 55mm f1.2 S.C,先開始明白唔同既焦距壓縮感都唔同,散景係老鏡係幾咁好味道,對焦距離遠好多先到無限遠果種優越感。於是,我放咗手頭上兩枝現代金圈變焦鏡皇Nikon 17-35mm 2.8D & Nikon 24-70mm 2.8G & Nikon 50mm 1.4G,愛黎換哂老鏡^.^v

自此之後,不斷購入老鏡,NIKKOR-H Auto 85mm f1.8 根本唔知係第幾枝買入黎。開頭有位師兄話我知,呢枝係好鏡頭,比其他鏡頭進光量高。當時既我,根本唔明白當中意義,直到我上年去完台灣一轉之後,真真正正明白到呢枝鏡好處、特點。

 

我地先睇Nikon 85mm 1.8 H 對焦距離40米。由H>H.C>K版本,對焦距離保持40米先無限遠。(口徑:52mm)出產年份:May1964 - Feb 1977

dcf-travel-img-37457

跟著,Nikon ai 85mm f2,對焦距離維持不變,但光圈略略縮小1/3級。(口徑:52mm)出產年份:Apr 1977 - Sep 1981

dcf-travel-img-37458

再去,Nikon ais 85mm f2,光圈不復再f1.8,對焦距離大為縮水,20米就無限遠。(口徑:52mm)出產年份:Aug 1981 - Mar 1995

dcf-travel-img-37459

就算Nikon ais 85mm 1.4,鏡皇f1.4光圈也好,對焦距離仍然只得20米就無限遠。不過鏡頭大左咁多(口徑:52mm > 72mm),對散景景應該有增加波波散景效果,對焦距離依舊縮水。出產年份:Mar 1981 - 2005

dcf-travel-img-37460

進入自動對焦年代,Nikon af 85mm f1.8D,對焦距離又縮水,唔知道係咪因為要自動對焦夠快而縮減對焦行程。只淨16米就無限遠。(口徑:62mm)出產年份:Dec 1987 - 2013 >

dcf-travel-img-37462

同樣都係 D鏡,鏡皇Nikon af 85mm 1.4D,鏡皇有點誠意,保持ais版本20米(口徑:77mm)。出產年份:Nov 1995 - Jul 2010

dcf-travel-img-37461

到真正現代鏡了…慘不忍睹Nikon af-s 85mm 1.8G,超聲波馬達,對焦好很快,不過對焦距離再縮水… 只淨8米就無限遠(口徑:67mm)。出產年份:Jan 2012 >

dcf-travel-img-37464

現今鏡皇,Nikon af-s 85mm 1.4G,10米對焦距離才到無限遠,有點良心...哈哈~(口徑:77mm)出產年份:Aug 2010 >

dcf-travel-img-37463

 

再到依家無反新鏡頭,NIKKOR Z 85MM F/1.8 S,只話俾大家知最近對焦距離0.8m,但最遠對焦距離到幾多係無限遠不得而知...(口徑:67mm)出產年份:July 2019 >

dcf-travel-img-37467

 

好!鏡頭屎介紹完畢!正式去相!由風景相開始!

(新增30-7-2020)前幾日曬咗菲林,upload埋上嚟俾大家睇~
dcf-travel-img-38978

dcf-travel-img-38980

dcf-travel-img-38979

正如一開始講去台灣旅行,隊友帶55mm f1.2,我就帶85mm 1.8,係剛開始時,我都未用上佢既好處,直到… 到池上影到呢位哥仔開始!隊友用55mm 1.2無論點構圖,都影唔到我呢種效果。

dcf-travel-img-34045iso64 f1.8 1/1000

一排排單車,散景幾有feel!

dcf-travel-img-34040iso64 f2.8 1/1600

最深刻一張,竟然冇用追星儀,6秒能夠打到銀河!

dcf-travel-img-34071iso2500 f2.8 6s

小霧海斜照日出!6角flare出現了!

dcf-travel-img-34098iso64 f8 1/640

我的電動車!有flare!

dcf-travel-img-34084iso64 f1.8 1/5000

代表作大概如此!由於台灣旅程後段用85mm幾多,加上之前dcfever出過文章,所以呢度唔再出相。想睇更多旅行用85mm相,請tick台灣之旅 7-14 Sep 2018 (第一天至第四天)、台灣之旅 7-14 Sep 2018 (第五天至第六天)台灣之旅 7-14 Sep 2018 (第七天至第八天)

 

戰場移番香港先!

幾年前,唔知呢枝鏡好處,認為岩焦距,就帶去沙螺洞影螢火蟲~好可惜此景不復再...

dcf-travel-img-37456f1.8 30~45mins

獨家攝影人數唔超過10個!13 Jan 2019 - 鳳凰山之雲海日落,又出過文章,有興趣可睇番果日旅程~

dcf-travel-img-34372 iso64 f11 1/125

四方山日出,85mm壓景突顯山勢~16 Feb 2019 - 大帽山黑夜霧海、四方山日出小燒天、三門仔日落magic moment

dcf-travel-img-35949iso64 f11 1/80

 真.高清盧吉道夜景,18 Feb 2019 - 真·高清維港景+雲霧,又出過文章,有興趣可睇番果日旅程~

dcf-travel-img-37030iso64 f11 20s

大東山芒草平凡日落~睇下前方個散景^^

dcf-travel-img-37046iso64 f4 1/800

去到烏溪沙打卡位,唔知點解有架單車,幾有feel,加上天頂有厚雲,不如用85mm重點構圖構架單車。加上慢快門,令海水流動,更加反射天色~

dcf-travel-img-37468iso64 f11 20s

大帽山與陰影,5 Nov 2019 - 郊遊篇:麥理浩徑八段,又出過文章,有興趣可睇番果日旅程~

dcf-travel-img-37048iso64 f4 1/1600

85mm構圖構埋海水暖流!夜景神器 - H&Y Pure Night Filter,想睇下Night filter點提升夜景實力,tick入去睇下啦~

dcf-travel-img-35559iso250 f5.6 30s  (H&Y Pure Night Filter + Fotopro X-go Max)

 

六角星芒時間!全因老鏡唔追求完美波波散景,六塊光圈葉,先能夠做出額愛有味道六角星芒!開波~

大山雲海日出小星芒,全民參與12 Jan 2019 - 大帽山之雲海日出,又出左文章,有興趣可睇番果日旅程~

dcf-travel-img-34294iso64 F11 1/50

無聊經過馬鞍山,見有機會影星芒太陽,緊係唔會任何放過機會,但陽光係雲隙滲出,光差極大,故用上GND幫助控制光部!

dcf-travel-img-37033iso64 f22 1/60 (H&Y GND 0.9 Soft + Fotopro X-go Max)

果日係馬料水回程,隊友話影車軌wo~睇下,係六角星芒!重遊舊地 - 香港地質岩石公園:荔枝莊,又出過文章,有興趣可睇番果日旅程~

dcf-travel-img-37038iso31 f22 115s

未上到呢個位年宵打卡位之先,個心已經預測到85mm fit 爆!

dcf-travel-img-37471iso400 f22 1/3

飛鵝山一般打卡夜景,已經滿足唔到朕喇!多重曝光!六角散景!

dcf-travel-img-37452唔記得兩張相點設定~

(新增30-7-2020)展示街拍0.02秒手動對焦,快過自動對焦~呢張相係我等緊過馬路嘅時候,眼前側邊突然有個人踩單車,即刻拎起部相機手動對焦按下快門。只要心入邊有把距離尺,手動對焦不成問題~反觀係一種優點!

dcf-travel-img-38982iso2000 f2.8 1/160

(新增30-7-2020) 行過金魚街,想展示一下散景味道!½構圖,左邊散景,右邊主體。

dcf-travel-img-38981iso100 f2.8 1/250

天堂之路!行緊上大石磨,陽光突入!4 July 2019 - 大石磨之雨中彩虹、日落,又出過文章,有興趣可睇番果日旅程~

dcf-travel-img-37465iso400 f5.6 1/200

距離主體散景

dcf-travel-img-37466iso160 f2 1/250 (道具Fotopro X-go Max)

自拍時間!近排愛上自拍~不過用85mm有點遠,所以用黎自拍果時,最好有同伴或者隊友幫手協助。

大帽山例位自拍,全開光圈,盡顯波波散景!

dcf-travel-img-37045iso1600 f1.8 1/8 (Fotopro X-go plus)

落日歸途~ Thank you!同伴!

dcf-travel-img-37043iso64 f2.8 1/4000

影影下架單車,突然自拍癮發作,即刻教大光圈,推高iso,衝埋㗎單車度擺pose!

dcf-travel-img-37469iso400 f2.8 1/100

自殺崖自拍,由於果日天色麻麻,不如用85mm拉近與城市壓境!幸遇上幾位都忙緊互相自拍師兄,大家輪住幫忙禁制,先成功打卡!睇下,筆者距離2x~3x米,後面仍然有散景。此老鏡有40米對焦距離,玩散景真係有排玩!

dcf-travel-img-37451iso64 f1.8 1/80

大東山日出後,人景合一,可算是這種XD。 影男仔唔好咁blur,因此設定光圈f4。Thanks 隊友!Ps:連隊友都俾我毒害埋,購入左呢支神奇老鏡^.^v

dcf-travel-img-37453iso64 f4 1/400

行行下~隊友突然靈感到,叫我chok!隊友話:果刻我喺觀景器睇都好有Feel!

dcf-travel-img-37454iso64 f4 1/400 

用後感:

呢支鏡頭,令我對影相興趣進入另一個層次,40米對焦距離,喺創作性帶來更多以想不到效果。雖然現代鏡頭,將鏡頭越做越大,係有利波波散景,不過好可惜對焦距離越來越短。令現代新手有種錯覺(包括曾經既我),要影有散景一定要影小朋友,一定要小物件,一定要好痴到埋,先至有散景先夠blur。呢個係一個好錯諗法,係唔知道而家d鏡頭廠商,為咗降低成本,為咗加快對焦,依家啲鏡片越做越輕?依家潮流興冇散景?新出啲鏡頭連對焦距離都唔show出黎=.='' 每個人心中自有答案~

如果大家想真心、交心影相,最好用老鏡手動鏡。因為手動對焦時候,先能夠慢慢細味構圖,構出更有品味、更獨特既相。如果只係靠自動對焦嘟嘟叱擦咁影相,在筆者角度,只不過貪圖快靚正,欠缺全程構圖thinking過程。

倘若大家想更加細味沿途風景或人像,更加應該用上老鏡,因為呢個係休閒時候。休閒時候更應放鬆心情,慢慢手動對焦,細看觀景器逐步變化~手動不同光圈,控制唔同景深、散景效果,拍攝出與眾不同作品。

『用心看世界』成為我行山、影相和做人宗旨。行山影相,抱着欣賞大自然美既心態,就算有時遇唔到靚景,我都冇咩所謂。因為最緊要過程,你同咩人行,每次旅程交談之中有咩得着?有咩見解交換?有咩需要進步?就算一個人行山也好,自己能夠諗嘢,釋放心中煩惱,亦都係一件賞心樂事~

 

希望黎緊有機會或者有mood分享其他野,老鏡、新鏡頭又好,日常遇上大景出動經歷又好~唔知下次幾時,會遇咩大景又可以成個故仔咁呢^.^v

歡迎加ig交流!

instagram: andrewncy.images

多謝收看!多謝睇我分享!

分享感想
Andrewncyimages 的其它文章
編輯推薦
第一集 - 我的... 品味小作 Andrewncyimages 由於覺得近排天氣都不佳,所以有種發掘新攝點嘅睇法,多數唔係上高山,而係走古道或者比較平嘅山路~同埋影相影得越耐,筆者漸趨多元化,從前只影風景,淨係影風景都影到有d悶,而家咩都影一餐xD 最先筆者由於購... (繼續閱讀)
編輯推薦
用心看HongKong - 發現新攝點:陰澳行去東涌 Andrewncyimages 話說當日,我同隊友商量好,覺得天氣不佳,不利上山作戰,行平路探新路比較有着數。同埋之前講個陰澳有個小連島沙洲,所以我哋搭巴士去到青馬大橋收費站落車。開頭諗住影完陰澳就算,不過時間尚早,我信口開河話不... (繼續閱讀)
編輯推薦
用心看HongKong - 港島區之行:寶馬山>奇力山 Andrewncyimages 29 Feb 2020 四年先一次xD 話說出發前一晚,同隊友傾左好耐,原本諗住行大嶼山。但當睇到天文台app,話夜晚可能會有薄霧,故轉行程行港島區,博下影唔影到雲霧。又想方便搭車,減少上山步距,因此我哋喺紅磡過海隧... (繼續閱讀)
用心看HongKong - 重遊舊地:紅石門 Andrewncyimages 話說筆者早幾年曾經探過路,由於知道路程頗長難行,所以唔帶腳架,減輕負重,增加機動性。第一次去帶咗部菲林機FM2同埋一支輕巧鏡頭28-70mm f3.5-4.5。不過嗰陣時冇乜預到時間,去到嗰度又潮漲,時間又比較晏,冇... (繼續閱讀)
用心看HongKong - 大東山星空大放題+日出 Andrewncyimages 4 Jan 2019 話說嗰日就係見到天文台app,各區個天氣圖,有疑似雲海,所以想搏一搏大東山雲海屋仔日出。結果當然博唔到啦,不過有樣嘢好幸運,夜晚去到一啲雲都冇,到伯公坳落車抬頭望天時,只見極度清晰的星空!... (繼續閱讀)
編輯推薦
用心看HongKong - 大帽山雲海大放題(下) Andrewncyimages 11 Jan 2020 完咗呢日旅程成個幾禮拜,再唔出埋下集,真係擺到臭XD 太陽出來了,我們一起上學去。小學一篇文章,到而家50~60年後都仲記得⋯焦距180mm x2= 360mm,捕捉太陽升起個刻。果日呢個位,真係幾特別幾靚... (繼續閱讀)
編輯推薦
用心看HongKong - 大帽山雲海大放題(上) Andrewncyimages 11 Jan 2020 話說10號嗰晚10點幾,睇天文台預測,同埋我自己屋企望上天頂,疑似有雲海,已經蠢蠢欲動想上大山。不久,同IG有位師兄傾計,得到可靠情報,就更加確定上大帽山博雲海。結果吹雞成功,2:45齊齊打的。... (繼續閱讀)
神奇老鏡 - NIKKOR H Auto 85mm f1.8 Andrewncyimages 話說初初接觸攝影三四年前,好多時候淨係識用wide鏡影相影大景,越wide越好~開頭我影相只係對風景拍攝有興趣,逐漸覺得wide鏡影相無重要,開始進入35mm同50mm迷思,接觸左攝影兩三個星期,我就買入左Nikon 50mm ... (繼續閱讀)