一年幾前,因為舊果部OneStep2壞咗,以咁啱又見到呢部機啱啱出,所以就買咗落嚟。
當時果部OneStep2壞咗閃光燈,除非強制關咗閃光燈黎用如果唔係同壞咗冇分別,
但係講緊嘅係用咗三個月都唔夠。。。
嗰陣時感覺寶麗來啲相機雖然好有味道,但係都好容易打柴。。。
但係究竟乜嘢吸引啱啱壞咗機嘅我,見到佢出新機就走去買呢???
當時喺Facebook睇到佢哋呢部OneStep+嘅宣傳片有幾個好明顯嘅改進即刻令到我好雀躍,
就係有加長左嘅觀景器同埋好重要嘅近拍鏡!!!
仲用緊壞咗OneStep2嗰陣,真係會發現有兩個好大嘅問題。
第一就係舊果部機這觀景器係就咁一個窿望入去,而唔係好似而家呢部咁樣有一支管狀觀景器。
而家裏面望到嘅畫面基本上就係實際取景範圍,以前望入去舊款因為觀景器嘅範圍太闊,
好難取得啱個畫面,所以呢個已經超開心,
因為之後用新嘅OneStep+影嘅相發現就咁靠佢黎取景已經超級準確,
唔使自己話要偏向邊一邊多啲黎就返中間構圖。
而第二個非常之有用,亦都根本上係佢主打嘅賣點,就係機身多咗一支近拍鏡頭了喺機頂位置,
有一支紅色嘅桿仔,推向左邊係標準鏡頭,可以影到0.6米至無限遠嘅畫面,
而將紅色 桿仔向右邊推就係超級重點嘅近拍鏡頭,
推咗過去右邊嘅時候可以影到最近0.3米至列到無限遠嘅物體!
因為舊版只有標準鏡頭,以前影嗰啲相稍為影得近少少基本上都走晒焦
以下嘅相片全部都係用近拍鏡頭去影,雖然景深未必好強烈,但係起碼保證喺影特寫時候,張張想到對焦清晰~
不過都唔可以唔睇其實仲有一個好有用嘅工能,就係機身加入左嘅藍牙功能!
配合Polaroid Original個App黎用,唔單止可以用來當遙控器佢自拍,
仲可以手動調校如光圈快門嘅變數去創造出自己想要嘅效果簡單嘅影出有景深嘅相實在冇難度
用呢個app可以實現到用寶麗來相紙黎玩Lighting Painting, 聲控影相同埋雙重曝光呢啲咁嘅功能
寶麗來呢個自家app仲有最重要嘅功能,就係用嚟scan返自己影咗嘅實物相紙變返做電子版
超級方便就可以將張相擺上社交平台同人分享到!
↑陰天,室外,開閃光燈
↑陰天,室外,開閃光燈
↑晚上,室外,開閃光燈
↑陰天,室外,開閃光燈
↑晴天有陽光,室外,關閃光燈
↑晴天有陽光,室外,開閃光燈
↑晴天有陽光,室外,開閃光燈
↑室外,開閃光燈
↑晴天有陽光,室外,開閃光燈
慢曝人生 - Billy Szeto
慢曝人生。導人向毒
與有格局的人分享有格調的底片人生
IG: https://www.instagram.com/hkbillyszeto/