Fever 達人文章分類

由X-Pro 1走到X-Pro 3,Fujifilm的旁軸無反完美了嗎?

由X-Pro 1走到X-Pro 3,Fujifilm的旁軸無反完美了嗎?

作為Fujifilm X-Pro系列的fans,最近下了決心入手了X-Pro 3,上手第一時的感覺是:「Fujifilm差一點就完美了。」,以下將分享由X-Pro 1一路用到X-Pro3的感覺。

請問外貌似Leica嗎?

好多用家都會拎Fujifilm X-Pro系列同Leica M系列做比較,我想講一句:Fujifilm就係Fujifilm,Leica就係Leica,兩者風格完全不同,無謂比較太多。筆者使用過嘅Leica機只有M8,硬要比較嘅話只可以話大家都係旁軸設計。Fujifilm相機步入無反時代後,一直都係以復古外貌包裝住科技產物。今次X-Pro3一大賣點係佢改用鈦金屬外殼,手感的確唔錯,而且香檳色同Contax G1外殻顏色非常相似。但係代價係呢個殻好容易沾滿指紋(有人偷用你部機好易發現),而且機頂Fujifilm嘅字唔似過去咁深,摸落去好平滑,好唔好就見仁見智啦。而且機頂條條比Pro 2都平滑、簡單,都幾明顯見到有分別。但我覺得日本功藝其實已經算好成熟,唔可以單純用「抄」去形容,所以我唔會用以似唔似Leica作入手嘅考量因素。反而用落會發現Fujifilm都有一套自己嘅理念,近呢一、兩代Fujifilm無反都好重視令用家可以單手操作,所以可以見到所有按鍵都集中喺右邊。基本上按鍵數目都好足夠,唔洗下下入MEUN調校setting,甚至Q meun都好少會用到。

沒有螢光幕會死?

呢一點真係好睇使用習慣,X-Pro 3用呢一種設計真係好大膽,因為近年無反興起後好多用家都懶慣咗用Live View影相。雖然當用家要使用時仍可以180度向下反出嚟用,或者90度反作多角度拍攝,相比1、2代完全無得反MON算唔算係一種進步?螢幕都可以輕觸操作,支援手勢操作,都好方便,反應都好快。對筆者而言,平時比較依賴OVF拍攝,而且比較無需要即時睇相所以影響不大。其實回望用菲林機或者單反時,都唔會用螢幕影相,所以都算係回到最簡單、直接嘅拍攝體驗啦。

OVF好大改進?

誠實講,用落同X-Pro 2分別不大,但勝在用OVF可以減輕下CMOS同電池負擔,個人感覺眼都無咁易攰。Fujifilm嘅X-Pro系列OVF一向都做得唔錯,係用手動對焦時可能要開返EVF或者副螢幕幫幫手。感覺上同二代分別不大,要有嘅資訊應有盡有,亦係呢一點同Leica M機好大分別,M機設計同操作都好有機械感,而富士機比較有科技感。要比喻的話,有啲似當年Leica M同Contax G嘅分別,各有風味。大家都取代唔到對方,所有如果對旁軸有愛,都係雙開啦!缺一不可啊!

ISO轉盤,可能係我最愛嘅設計。

講到呢一點真係好興奮!由X-Pro2推出一刻我就好開心Fujifilm用呢一種設計,畢竟我覺得ISO唔係一樣時時刻刻不停轉嘅參數,正如用菲林時你唔會土豪到為咗轉ISO而成卷回帶拎出嚟換。當然,時代變,唔可以咁比較,但相對光圈、快門,ISO要調校嘅機會都較少。咁樣設計唔單止令人重拾菲林機嘅操作,更加令機頂設計簡潔得嚟可以一眼就睇到你所需要知嘅參數,如快門速度同ISO。而且可以唔開機時都調校到個快門速度或者ISO,有時都幾方便同慳電,開機就可以即影啦。

講到咁,到底完美未?

X-Pro3絕對係話題之作,好多專業用家都做好詳細介紹,所以我以玩家分享作出發點啦。其實X-Pro2時我已經有一種「差少少就完美」啦嘅感覺,當時覺得如果OVF可以喺手動對焦時提供合焦提示聲就好啦!嚟到第三代,仍然未有呢個功能,有少少失望。但係,佢EVF時多咗一種新嘅合焦提示叫數位微綾,但個人都係比較鍾意用數位裂像。都幾期待有一日可以見到佢會有數位疊影功影,畢竟呢個真係旁軸機一大特色。用到Pro3加上有用M機嘅經驗,我覺得Fujifilm行出一條自己嘅路,相比講求傳統操作,佢似乎更加追求科技上嘅進步。由1代到3代,喺對焦同圖像處理速度上進步真係好大,但同時又諗好多細節俾你去「玩」。

但如果講到「完美」就一定仲差少少,但喺Fujifilm X-Pro系列上,除咗方便實用之外,你都完全會體驗到日本設計精神同製造精神。所以,我相信一定會有更接近「完美」的Pro4出現。喺Pro4出現,就先當佢係目前Fujifilm X-Pro系列中嘅「完美」代表。

分享感想
YS Cheung 的其它文章
點解會喺2020年仲入手FujiFilm X70?點解唔買XF 10? YS Cheung 點解會喺2020年仲入手四年前推出嘅FujiFilm X70?點解唔買Fujifilm XF10或者GR系列?我用三個理由話你知。   一、平,平,平,又有反mon。 相信好多朋友都有聽過一代街拍神器,理光嘅GR啦,28MM配上2.8光圈,... (繼續閱讀)
係男人就揸渣古,係文青就玩XPRO!曾經的另類旗艦 - Fujifilm X-Pro 1 YS Cheung 係男人就揸渣古 係文青就玩XPRO曾經的另類旗艦 - Fujifilm X-Pro 1       上一篇體驗報告用了比較文縐縐嘅書面語,今次決定用粵語口語去做分享。高達迷就一定有聽過一句說話叫做:「係男人就要揸渣古」, ... (繼續閱讀)
由X-Pro 1走到X-Pro 3,Fujifilm的旁軸無反完美了嗎? YS Cheung 由X-Pro 1走到X-Pro 3,Fujifilm的旁軸無反完美了嗎? 作為Fujifilm X-Pro系列的fans,最近下了決心入手了X-Pro 3,上手第一時的感覺是:「Fujifilm差一點就完美了。」,以下將分享由X-Pro 1一路用到X-Pro3的感... (繼續閱讀)
終極回帶:沒有xtran的富士,還算富士嗎? 入門級無反 - Fujifilm XA2體驗報告 YS Cheung 沒有xtran的富士,還算富士嗎?入門級無反 - Fujifilm XA2筆者用XA2已經是差不多五年前的事了,當時為了方便和女友外出時拍照,放手上的單反(Pentax K-7)賣掉,換成方便隨身手口帶的無反相。自此就步入富士APSC... (繼續閱讀)