自己係屋企沖菲林其實唔係好難，
近年好多相片設備嘅公司都生產左唔同比消費者用嘅菲林沖劑，
CineStill係其中一間買呢啲沖劑性價比幾高嘅品牌，今次就試吓佢哋嘅DF96黑白沖劑。
呢隻沖劑特別嘅地方係只需要將條配好嘅藥水用嚟沖一次菲林，
就已經可以達到Develop同Fix嘅效果，
感受一下同平時顯影同定影要分開沖兩次嘅傳統方法有啲咩分別。
首先就係要將 CineStill DF96 藥粉調配成為溶液，打開包裝袋入面，
藥粉已經分成Part A同Part B，按包裝上嘅指示，
我哋需要將呢兩包藥粉條配成1000毫升嘅沖洗溶液。
但係有一個好重要嘅嘢就係，調配好嘅溶液就算唔用大概最多可以擺兩個月，
所以一次過開咁多出嚟冇咩數為。而且我睇吓自己個沖罐重嘅藥水最多都係500毫升，
所以諗過度過之後，我決定開一半，留返另外一半兩個月之後再開，
反正咁短時間裏面都唔會影到咁多卷菲林，如果開晒1000毫升好似太浪費用唔着。
所以大工程就嚟喇，就係要將兩包藥粉各自分成一半，先開始開500毫升嘅藥水。
Part A重71.4克，呢個重量係開1000毫升所需，
而家我只需要開500毫升嘅沖洗溶液，所以我要拎一半35.7克
Part B重107.1克，同樣道理我只需要拎53.5克
之後就將磅重好去調成500毫升嘅藥粉到埋一齊,放入兩杯調成500毫升嘅溶液
之後就將調配好嘅溶液倒入黑色密封膠樽入面，減慢氧化同延長溶液嘅使用時間
除咗DF96沖劑之外，我會另外調配500毫升嘅「Wash」，
呢個主要嘅目的純粹係洗走殘留喺菲林表面嘅DF96溶液，現場菲林保存嘅時間
第一步就係要帶你部相機出去影一卷黑白菲林返嚟，今次我都係繼續用GP3 10，帶咗去屯門青山影咗啲相
影完相之後就可以準備沖菲林，除咗準備好調配好嘅藥水之外，
需要預備以下工具
。搖罐 。黑袋 。溫度計 。量杯 。衫架 。夾。風筒
首先第一個步驟就係喺黑袋入面，將菲林上到搖罐嘅片芯上面，
呢個過程唔可以見光，直至將片芯放好入搖罐，
並且擰好蓋之後先可以打開黑袋。
緊接落嚟第一個步驟就係預洗Prewash，倒入500毫升清水，預洗1分鐘，
期間開始嘅時候同每30秒轉動5秒，
轉動次數嘅頻密多少純粹好隨意,不過自己最好定一個規律，咁樣出嚟嘅效果比較統一，
黑白菲林表面通常有一層圖層會有色素需要洗走
倒走咗Prewash嘅水之後，就係落DF96二合一沖洗劑嘅時候，將預先調配好嘅500毫升溶液倒入
係呢個顯影同定影嘅步驟下面，轉動嘅方式同時間，
都決定咗沖曬出嚟嘅效果，藥粉裏面有一份說明書，
清楚咁樣列出唔同嘅轉動方式同埋時間與溫度之間嘅關係
所以倒入DF96之前應該預先要用溫度計量一量佢嘅溫度，咁就大概決定到用邊一個方法達到想要嘅沖洗效果
我今次就用咗中間Intermittent (斷斷續續）嘅轉動方式，歷時4分鐘
4分鐘過後倒出顯影溶液，為咗令底片可以保存得更耐，
我會進行過四次清水，歷時5分鐘，
之後就進行大概30秒嘅「Wash」，其實「Wash」冇咩咁特別,
只不過係喺水入面加咗少少洗潔精，目的係洗走菲林上面殘餘嘅顯影劑。
之後就可以打開顯影罐，拎出嚟用衫架同夾晾乾
跟住我就會用風筒開低溫吹乾
既然係喺屋企自己沖菲林，咁就即係話要解決埋掃描呢個問題，
因為唔係人人都會有一部專業嘅菲林掃描器，
所以我都整咗一個小裝置，用相機返拍菲林，
呢個小裝置最主要就係同下面嘅光源有一定距離，同固定好菲林
之後就用手機開一張白色嘅相，將螢幕校到最光，
將呢個菲林翻拍小裝置擺喺上面就可以開始返拍嘅步驟
下面就係今次實驗嘅產出喇
自己做未必做得好過出面，可能仲要好多缺陷，
但係至少呢個過程裏面你會學識接立自己放下完美~
因為當你打開顯影罐見到有影像其實已經會好開心
慢曝人生
慢曝人生。導人向毒
與有格局的人分享有格調的底片人生
IG: https://www.instagram.com/hkbillyszeto/
