Fever 達人文章分類

紐約Letchworth大峽谷遊記及Google Pixel 4a攝影實測

如果你係住喺紐約,或者將來會來紐約,而你又想睇大峽谷,但又唔想飛去西岸,就一定唔好錯過呢個文章。因為我會介紹紐約州一個叫做美國東方大峽谷嘅地方,佢就係Lechworth State Park。

響呢個兩日一夜嘅Letchworth大峽谷自由行旅程,我會用Google Pixel 4a Vlog住去影相同拍片留低旅行記錄,影片以1080p30拍攝,收音就用Instamic Pro外置收音。如果大家對呢部電話有興趣,呢篇文都應該可以俾你睇到佢嘅影相質素。

我仲會響文章尾段加入呢一個州立公園嘅資料,同埋少少遊園嘅心得供大家參考。

如果大家鍾意睇片,可以直接睇我呢條YouTube片介紹有關呢個公園嘅風景:

 

明明就係玩一個公園,點解叫做紐約兩天遊呢?因為由NYC揸車過嚟要五個鐘頭左右,即日來回會好趕,所以最好中途搵個地方瞓一晚,文章尾段我會建議響邊度搵酒店。

揸車會途經多個中途停泊站,差唔多日落時間太陽光顏色好柔和,就影咗幾張相,你睇到Google Pixel 4a直出嘅相真係幾靚
dcf-travel-img-40302

  

美國嘅貨車都係呢種屙柏文嘅類型,其實都幾鬼型。
dcf-travel-img-40304

 

Mount Morris Dam
當日我係由Mount Morris入口進入園區,所以第一個景點就係Mount Morris Dam,可以離遠觀望個峽谷,老實講冇乜嘢睇,可以去個廁所就繼續出發。
dcf-travel-img-40303

呢個公園好大,一般都係揸車沿着Park Rd馬路玩,今次我就由北向南玩,頭一半行程都冇乜特別,都係一啲觀景台之類嘅,但尾段會越來越正,你可以留意一下。

 

Gardeau Overlook觀景台
呢個觀景台唔響主馬路旁邊,要特登揸一段仔入去,所以比較少人。
dcf-travel-img-40305

可以望到呢個公園條主要河流Genesee River,但有啲遠,之後有幾個景點可以好近望到。
dcf-travel-img-40306

Tea Table觀景台
呢個觀景台就叫做Tea Table,除咗可以近距離望到Genesee River之外,開始見到少少峽谷,觀景台上面仲有唔少枱櫈,加上樹陰同廁所,非常適合來野餐。
dcf-travel-img-40307

觀景台附近都有呢啲石壆,如果你帶腳架過嚟影相,都會好方便,因為可以擺上去。
dcf-travel-img-40308 

畫面左上角就可以睇到峽谷形狀
dcf-travel-img-40339

dcf-travel-img-40340

Wolf Creek
呢度仲有條河仔,好多樹陰,又係野餐嘅好地方,或者影下慢快門流水
dcf-travel-img-40309

dcf-travel-img-40311

我去嗰時係2020年8月中,水溫都唔係凍
dcf-travel-img-40310

Snake Hill Overlook觀景台
呢度開始睇到峽谷岩石嘅層次
dcf-travel-img-40312

dcf-travel-img-40313

另外呢度可以睇到好多雀鳥,有指示牌介紹唔同嘅雀仔,我當日去睇到好多麻鷹,我段YouTube片都有影到佢哋,有興趣可以去睇吓。
dcf-travel-img-40315

我就係咁,架車揸到去邊,停到邊,玩到邊,絕對係一種好hea嘅玩法!
dcf-travel-img-40314

Great Bend Overlook觀景台
個人認為呢個係觀賞峽谷最靚嘅觀景台,同真大峽谷附近個馬蹄灣有少少相似,但規模細好多。
dcf-travel-img-40319

Google Pixel 4a得一個鏡頭,唔係好夠Wide,但影出嚟啲相嘅顏色係幾好嘅
dcf-travel-img-40316

對部Pixel 4a手機有興趣可以睇下呢段開箱片:)
 

 好,繼續遊園。條河喺呢個位會轉一個彎,呢個觀景台就係因此命名嘅。
dcf-travel-img-40317

同之前個觀景台一樣,呢度都有好多麻鷹㗎
dcf-travel-img-40318

一直往南走去到咁上下就會進入瀑布區,多咗瀑布,少咗峽谷。

Lower Falls瀑布
下瀑布係園區裏面唯一一個真係要行嘅景點,因為泊車位唔響瀑布隔離。見到呢個牌記住往左行,其實唔難行,但對某一啲美國人來講係會有啲辛苦,對香港人來講濕濕碎。
dcf-travel-img-40326 

因為只不過係行呢一啲樓梯。
dcf-travel-img-40325

見到呢舊石同埋河水,代表下瀑布就喺附近。
dcf-travel-img-40320

落樓梯去石橋之前,呢個位就係影Lower Falls瀑布最好嘅位置。
dcf-travel-img-40321

拉Wide少少俾大家睇吓,反而之後條石橋冇乜嘢影到。所以行埋一邊用石壆放好部相機,Zoom埋去就啱晒
dcf-travel-img-40322

上返樓梯,再向前行少少就見到瀑布嘅觀景台,但係佢係廢嘅,因為有一大半會比啲草同個斜坡遮住,所以響之前個樓梯位影係最靚嘅。
dcf-travel-img-40323

去到啱啱嘅觀景台之後,我建議沿路折返,因為繼續向前行,雖然都可以折返返去原先個分叉路,但係要上一條超級長命斜,唔建議。
dcf-travel-img-40324

Inspiration Point觀景台
呢個觀景台一定要來,因為一次過可以睇到Middle Falls中瀑布同Upper Falls上瀑布,有遠攝鏡嘅話就係時候攞出嚟。
dcf-travel-img-40327

呢個園區嘅指示牌好清晰,介紹得幾好,段文字唔會太長又易明,抵讚。但話時話,佢呢張下瀑布嘅相究竟係點影嘅呢?知道嘅話留言話我知呀。
dcf-travel-img-40331

其實由Tea Table觀景台直到Upper Falls上瀑布,係有一條行山徑連貫住嘅,所以如果鍾意行山嘅朋友,可以跟着粉紅色標記一路行一路觀光。
dcf-travel-img-40328

dcf-travel-img-40330

dcf-travel-img-40329

Glen Iris Inn旅館
園區裏面唯一一間餐廳同埋酒店,響正Middle Falls中瀑布隔離,幾方便。
dcf-travel-img-40333

由旅館對出草地望出去,就會見到呢個畫面。可能要遷就尊貴嘅住客,中瀑布旁邊係有射燈,應該係夜晚照亮條瀑布俾啲旅客去睇嘅。因為我冇試過留到去夜晚所以冇睇過,唔知靚唔靚。
dcf-travel-img-40332

冇錢住酒店嘅,園區都畫咗呢個觀景台出嚟,俾你近距離去欣賞個瀑布,響呢個位用手機影fit晒,仲可以響石壆上面放支腳架,用手機用慢快門影到佢一匹布咁樣,又或者開慢動作去影瀑布,我就選擇咗開慢動作,我條YouTube片有得睇
dcf-travel-img-40335

dcf-travel-img-40334

Upper Falls瀑布
同中瀑布共享同一個停車場嘅就係Upper Falls上瀑布喇,瀑布前面有唔少觀景位俾你去影相,而瀑布上面仲有條鐵路橋,如果咁啱遇到有火車經過,應該會幾靚。
dcf-travel-img-40336

相比起中瀑布,你同上瀑布嘅距離係會有啲遠,最好有遠攝鏡頭
dcf-travel-img-40338

dcf-travel-img-40337

雖然車程有啲長,但呢個州立公園絕對值得過嚟睇吓,而且附近仲有好多其他景點可以玩幾日,呢段時間冇得出國,可以考慮過嚟玩。

Google Pixel 4a 香港人實測當Vlog相機用,我對呢部Google Pixel 4a 評價係機身細,影相靚,拍片一般般,唔夠wide,顔色唔錯。

Letchworth State Park NJ地址:https://goo.gl/maps/HnnpRW4o1TtwX6hy9

最後同大家分享吓4個小小心得,等大家下次嚟玩得輕鬆啲:

  1. 建議由南邊向北邊玩好啲,上午人少啲,睇瀑布會冇咁迫,如果你會行山玩,去到GreatBend Overlook觀景台就啱啱好5:00左右,日落時分果一度會好靚
  2. 下晝五點到第二日朝頭早九點入園區係免費嘅,其餘時間一部車收$10,九點前,或五點後陽光比較柔和,影相拍片會仲靚啲,但陰影會多啲。
  3. 雖然有好多個觀景台,但唔少景點同觀景台距離都有啲遠,淨係用手機唔係太夠,帶得Zoom嘅相機會,影到多好多嘢。
  4. 記住帶一對唔怕污糟嘅行山鞋,你見到我啲相都係陽光普照,其實我之後再去一次,係啱啱落完雨,行到去下瀑布嗰時,好似玩緊泥漿摔角咁樣,我朋友啲靚波鞋污糟晒。
  5. 如果你由NYC過嚟,我建議你響Corning NY搵間酒店住,因為嗰度比較乾淨,酒店多餐廳又多,而且順路。


鍾意呢段文章嘅,記住幫我分享出去,我之後仲會介紹其他美國紐約附近嘅景點,有興趣嘅話可以響Ublog或者下面嘅社交媒體follow我。

我係大男孩,下次見拜拜。

大男孩Youtube
http://www.youtube.com/hkbigboy

大男孩Instagram
http://www.instagram.com/hk_bigboy

大男孩Blogger
https://hkbigboy.blogspot.com/

大男孩Facebook
http://www.facebook.com/hkbigboy

分享感想
大男孩 的其它文章
紐約Chittenango瀑布與iPhone慢快門攝影分享 大男孩 .10 月 19 日 Hello大家好我係大男孩,因為工作關係暫時住喺美國新澤西,今日帶大家遊覽紐約近郊一個瀑布公園,同埋分享點樣用iPhone影一張靚嘅瀑布相。瀑布Google Maps位置以及我整嘅地圖在文章末段,請留意。   目的地係C... (繼續閱讀)
紐約Letchworth大峽谷遊記及Google Pixel 4a攝影實測 大男孩 .10 月 13 日 如果你係住喺紐約,或者將來會來紐約,而你又想睇大峽谷,但又唔想飛去西岸,就一定唔好錯過呢個文章。因為我會介紹紐約州一個叫做美國東方大峽谷嘅地方,佢就係Lechworth State Park。 響呢個兩日一夜嘅Letchwor... (繼續閱讀)
螢火蟲點樣影?用iPhone影都得吖 大男孩 大家好,我係大男孩,今日呢教大家用iPhone 慢快門app去影螢火蟲。     影螢火蟲唔使用相機,用iPhone慢快門app就得啦。趁香港夏天出發去沙螺洞,大埔滘或大帽山影螢火蟲,都要知道點影。 iPhone加慢快門相... (繼續閱讀)
編輯推薦
如何拍攝Tiny Planet影片?360相機教學 小星球影片 大男孩 今次教大家拍攝你第一段Tiny Planet影片:)     鍾意睇片嘅話呢,可以睇呢段片嘅教學,廣東話,中/英文字幕   Tiny Planet Video, 中文又叫小星球影片,即係拍攝場景會變咗一個小星球嗰啲video,而當人響呢... (繼續閱讀)
編輯推薦
Insta360 ONE R開箱 有片 Unboxing 大男孩 今次為大家開箱嘅係Insta360 ONE R Twin Edition 雙鏡頭套裝,事不宜遲,我哋去相/去片。   鍾意睇片嘅朋友可以睇我呢一段YouTube開箱片,睇完記得俾個like,同埋訂閱我的Channel,多謝晒。    呢個套... (繼續閱讀)
360相機最佳腳架?JOBY TelePod 325腳架實測【Toy Story】 大男孩 大男孩現在最常用的相機就是Insta360 ONE X,360相機係唔可以用手揸住嚟影嘅,因為會將手指影晒入鏡,一定要用自拍棍或者三腳架,先會影得好影得靚。除咗手持影相之外,將相機放低嚟影都好常用,所以一支多功能嘅... (繼續閱讀)
編輯推薦
紐約近郊Mystic海邊小鎮【Travel Expat】 大男孩 如果你對古代航海歷史有興趣的話,Mystic這個地方非常適合你了。   五月尾美國東北這邊天氣終於暖起來,大男孩亦開始出外探索周邊景點,今次就去到離開紐約大概三小時車程的一個海邊小鎮Mystic,看看新英格蘭地... (繼續閱讀)
Aruba加勒比海島嶼的Top 10 大男孩 好!出發去加勒比海!魔盜王這套電影實在害人不淺,把這個地方拍得這麼漂亮,令人非常嚮往去加勒比海小島旅行。因工作關係來到美國,與加勒比海的距離拉近了,大男孩想不到任何一個理由不去一趟,由新澤西飛去Arub... (繼續閱讀)