Fever 達人文章分類

紐約Chittenango瀑布與iPhone慢快門攝影分享

Hello大家好我係大男孩,因為工作關係暫時住喺美國新澤西,今日帶大家遊覽紐約近郊一個瀑布公園,同埋分享點樣用iPhone影一張靚嘅瀑布相。瀑布Google Maps位置以及我整嘅地圖在文章末段,請留意。

 

目的地係Chittenango Falls State Park,位於紐約上州,距離NYC(以Port Authority巴士總站計算)大約四個鐘頭車程,如果你唔怕揸車,又能夠早起身的話,其實可以一日來回。在秋天一路揸車一路睇風景看紅葉,其實時間好快過。

 

我自己就選擇左兩日一夜,第二日去咗附近嘅Green Lake State Park,之後都會寫個遊記講Green Lake州立公園,有興趣嘅話考慮follow我,第日有得睇。

 

呢個就係今日嘅主角,紐約Chittenango瀑布,你見到水流好似絲綢一樣順滑,就係我今日要講嘅iPhone影相技巧。

 

喜歡睇片的話,可以直接睇我呢條YouTube片?

呢度係瀑布上游,就咁睇唔似好大水。

 

啲水就係由呢度跌落去。

 

瀑布頂拍攝嘅角度,咁樣睇條瀑布好似唔少水喎

 

停車場位於瀑布頂,有野餐及燒烤設施,我星期五日落時分嚟到,見到不少當地居民在野餐同時欣賞紅葉及瀑布。亦有不少好像我一樣慕名而來觀光的遊客。

 

下午五時左右,太陽光線柔和,配合逐漸變色的樹林,畫面非常漂亮

 

走過去瀑布頂端另一邊看看,覺得都是剛才的那一邊比較漂亮

 

因為停車場在的瀑布頂,所以要行一段路落山先會去到瀑布底最佳拍攝位置,亦即係這一條橋。

 

 

要行落這條橋其實好容易,5至10分鐘就可以,不習慣行山的最好帶返對行山鞋,如果行慣普通波鞋都可以。

 

雖然由呢度望返條瀑最靚,但條橋有少少震,我並唔建議在這裏放三腳架影相,橋的兩旁有石壆,放三腳架會穩陣好多。

 

好!開始講點樣用iPhone影瀑布,好簡單你只需要3樣嘢:

 

  1. 一個慢快門app用作長時間曝光
  2. 三腳架穩定手機(必要)
  3. 一條又大又靚嘅瀑布?

 

我用這個慢快門app叫Slow Shutter Cam: https://apps.apple.com/us/app/slow-shutter-cam/id357404131

呢個係收費嘅,我覺得好好用,但唔一定用呢個,Feel free去搵個免費嘅

 

而手機腳架我就揀咗JOBY既連三腳架手機殼比我部iPhone 11 Pro,貪佢夠方便唔使特登帶多支野出去。

 

瀑布就係呢條?

 

鍾意呢個文章嘅記得俾個like同follow吖??

 

選擇Motion Blur模式,下邊有三個設定選項,以下係大男孩用開嘅設定,大家可以自由發揮,選擇適合自己嘅設定。

 

Blur Strength: Medium

Shutter Speed: Bulb(即係按一下快門開始影,要再按多一下佢先會閂)

ISO: 50 (ISO數值越低,畫面雜訊越小,張相會乾淨啲)

 

影出嚟個效果會係咁樣,流動緊嘅水會變成左一匹布咁,張相亦都冇乜雜訊。

 

記住入去app個系統設定,將Self Timer設定1秒,咁你撳掣完撳佢會1秒後先影,唔怕撳掣時震到部手機,整矇張相。

 

而且你係完全唔使你個曝光,因為個app會幫你搞掂晒,就算你快門開咗幾耐,佢都唔會爆光

 

再睇多幾張用呢個設定影出嚟嘅相啊。

 

 

用iPhone影瀑布就係咁簡單,鍾意呢個文章嘅記得俾個like,記住幫我分享出去,我之後仲會介紹其他美國紐約附近嘅景點,有興趣嘅話可以響Ublog或者下面嘅社交媒體follow我。

 

我係大男孩,下次見拜拜。

 

大男孩Youtube

http://www.youtube.com/thehkbigboy

大男孩Instagram

http://www.instagram.com/hk_bigboy

大男孩Blogger

https://hkbigboy.blogspot.com/

 

瀑布地址Google Map:

Chittenango Falls State Park

2300 Rathbun Rd, Cazenovia, NY 13035

(315) 492-1756

https://goo.gl/maps/BMdaf7K3uMBCLacW9

 

超低能但希望幫到手嘅地圖?

分享感想
大男孩 的其它文章
紐約Chittenango瀑布與iPhone慢快門攝影分享 大男孩 Hello大家好我係大男孩,因為工作關係暫時住喺美國新澤西,今日帶大家遊覽紐約近郊一個瀑布公園,同埋分享點樣用iPhone影一張靚嘅瀑布相。瀑布Google Maps位置以及我整嘅地圖在文章末段,請留意。   目的地係C... (繼續閱讀)
紐約Letchworth大峽谷遊記及Google Pixel 4a攝影實測 大男孩 如果你係住喺紐約,或者將來會來紐約,而你又想睇大峽谷,但又唔想飛去西岸,就一定唔好錯過呢個文章。因為我會介紹紐約州一個叫做美國東方大峽谷嘅地方,佢就係Lechworth State Park。 響呢個兩日一夜嘅Letchwor... (繼續閱讀)
螢火蟲點樣影?用iPhone影都得吖 大男孩 大家好,我係大男孩,今日呢教大家用iPhone 慢快門app去影螢火蟲。     影螢火蟲唔使用相機,用iPhone慢快門app就得啦。趁香港夏天出發去沙螺洞,大埔滘或大帽山影螢火蟲,都要知道點影。 iPhone加慢快門相... (繼續閱讀)
編輯推薦
如何拍攝Tiny Planet影片?360相機教學 小星球影片 大男孩 今次教大家拍攝你第一段Tiny Planet影片:)     鍾意睇片嘅話呢,可以睇呢段片嘅教學,廣東話,中/英文字幕   Tiny Planet Video, 中文又叫小星球影片,即係拍攝場景會變咗一個小星球嗰啲video,而當人響呢... (繼續閱讀)
編輯推薦
Insta360 ONE R開箱 有片 Unboxing 大男孩 今次為大家開箱嘅係Insta360 ONE R Twin Edition 雙鏡頭套裝,事不宜遲,我哋去相/去片。   鍾意睇片嘅朋友可以睇我呢一段YouTube開箱片,睇完記得俾個like,同埋訂閱我的Channel,多謝晒。    呢個套... (繼續閱讀)
360相機最佳腳架?JOBY TelePod 325腳架實測【Toy Story】 大男孩 大男孩現在最常用的相機就是Insta360 ONE X,360相機係唔可以用手揸住嚟影嘅,因為會將手指影晒入鏡,一定要用自拍棍或者三腳架,先會影得好影得靚。除咗手持影相之外,將相機放低嚟影都好常用,所以一支多功能嘅... (繼續閱讀)
編輯推薦
紐約近郊Mystic海邊小鎮【Travel Expat】 大男孩 如果你對古代航海歷史有興趣的話,Mystic這個地方非常適合你了。   五月尾美國東北這邊天氣終於暖起來,大男孩亦開始出外探索周邊景點,今次就去到離開紐約大概三小時車程的一個海邊小鎮Mystic,看看新英格蘭地... (繼續閱讀)
Aruba加勒比海島嶼的Top 10 大男孩 好!出發去加勒比海!魔盜王這套電影實在害人不淺,把這個地方拍得這麼漂亮,令人非常嚮往去加勒比海小島旅行。因工作關係來到美國,與加勒比海的距離拉近了,大男孩想不到任何一個理由不去一趟,由新澤西飛去Arub... (繼續閱讀)