優點:
-大光圈( 如果覺得優/缺點都是大路嘢, 可以直跳去睇感受)
-輕身.只得380G , 由於用料有很多部件是膠造, 鏡身被偷輕咗,
-日本做, 金屬MOUNT
-圓型旋入式遮光罩, 可以配搭CPL用,
-定焦, 其實中/長距鏡仲有一份壓縮感, 散景好靚. 小弟超喜歡!
-9 片光圈葉, 散景成圈更好看
-銳利, 基本上, F/4以後, 中心成像已經有超水準表現,
-對焦時鏡身唔會伸長. 對焦速度都算快, 可能6組6片鏡組結構比較簡單,輕快D關係.小弟用D300推鏡, 速度感覺完全滿意
-手動對焦時, 對焦環的操作性極佳, 順滑易扭.從0.85米到無限, 只需1/4圈
-由於85MM 戶外使用多, 室內影人像多數半身, 除非環境很寬闊, 所以便攜性高很重要, 本鏡 SIZE適中,身輕和短小, 你會好樂意多用些,
-發色好靚, 好潤, 叫人討好. 主觀地認為影人好過影物件, 影物件建議用60MM 微距好了.
缺點:
-無SWM 對焦時比較吵. 無機身摩打的機種只能手動. 但不影響成像和速度
-可能由於鏡片當年設計是FOR 非林機用, 加上無ED. 無低色散鏡, 今天用係數碼相機, 大光圈逆光拍攝時會有輕微紫邊.是縮命, 不過85.4都有這種情況, 無計!!
-對焦時對焦環會轉動.鏡身短, 下下只手要移後持鏡
-無VR唔知算唔算缺點, 85MM用係DX機, 都係1/125安全快門, 咁樣大光圈完全幫到手.
評價:
其實 85.8 和 85.4 小弟都擁有, 但我沒有在85.4那邊寫感受, 原因就是性價比,
85.4買到這個價錢, 有咁高嘅質量是應該的, 加上85.8表現對比毫不遜色.真係有85.4的8-9成以上功力. 而售價3K之內, 只可以講句, 真係好超值,
大家要知道, 焦距在50MM或以下到 廣角的大光圈鏡頭, 真的是百花齊放, 不論正副廠都有出得超個一支以上鏡頭可供選擇,
但唔知係唔係技術上的問題,70MM以上的中/長焦距鏡, 而又有F/2以上的大光圈, 就差不多只有有相機生産嘅廠 自己出給自己, 副廠基乎無得選擇, 玩哂!
當然仲有支 菜頭 85.4.但係買幾錢先? 而中價的龍仔支90MM,得2.8. 圖麗 100MM 又係得2.8 及色馬70MM都一樣只得2.8
NIKON 85.4 目前要7K以上, 100MM 最大都是 DC 105及DC135只能做到 F/2.但已經要 7-8K了. 出支1.8 可能要過萬了
即是, 中長距的大光圈要價其實都幾驚人, 副廠唔係做唔到, 係做唔到平, 可唔可以咁理解呢?AF85.8 D不竟都是1994年産品, 當年代替咗支 85.4S的産品 ,如果有天停咗産. 出支AFS- 85.8 G ED VR. 來解決哂大家所嫌棄之缺點, 到時大家就知道出咗事了! 今日仲買得到, 建議盡快擁有!