優點:
手工扎實, 金屬外殼, MADE IN JAPAN, 行鏡原廠三年保養, 放心長期使用. 重量適中(配7D中階機), 恆定2.8大光圈, 全段光圈可用, 16-50mm( x 1.6 = 25.6-80mm)廣角標準鏡無鏡能比, 影風景或人象方便好用, 進可攻退可守, 色水充足及自然, 對焦快,狼,準(配7D), 對焦距離近, 中央解像力夠sharp, 9片光圈葉片, 散景效果優美. AF/ MF手推設換方便快捷, 有Hood送(有絨毛). 感覺高貴實用. 77mm通用濾鏡size. UV, CPL鏡可共用.
缺點:
1. 無IS, USM, 晚上或暗處用要手定及推高ISO.
2. 重: 金屬鏡身一定重, 長時間手持都幾累, 不過男仔用都OK!
3. 不能用於FF機, 將來升級FF的用家要考慮.
4. 貴: 比其他副廠鏡貴, 不過用料基本不同不能與其同比.
5. 77mm size: 買UV, CPL 會比較貴(一定要買thin size).
6. 少人用: 始終不是多人用的副廠鏡, 二手價可能偏低.
評價:
Tokina係我第一支副廠鏡, 買機前一直有留意佢, 雖然好似少人用, 但貪佢夠廣角同金屬鏡身, 重有原廠三年保養, 而且是老品牌子, Hoya, Kenko 都係兄弟鏡廠, 造鏡有一定信心, 而原廠鏡太貴, 近八千元, 膠鏡身, 無hood跟, 重聽講話易入塵, 覺得唔多值. 而其他副廠無此鏡廣角和造工一般, 所以買淨機後就決定買佢做我的標準鏡, 用了一年後感覺方便好用, 影風景真是一流(16mm闊), 色水濃厚飽和, 而且配7D可以話快, 狠, 準, 標準鏡焦距就算無IS, USM都覺得無大問題, 無用過新Sigma OS鏡比較, 不知那一支好, 不過要廣角色靚加造工此鏡絕對無鏡能比, 值得推薦!