所有用家已講了。

好多巴絲打都說了。

有了它後，本人而言大部份間一鏡走江湖。但用唔夠十日就不能自動對焦了.....拿拿臨換過枝。貴但值，係進出相機袋和裝上body時要小心小心。

1個字SHARP
光圈全開都SHARP,收少少仲SHARP(廢話邊支鏡最大光圈會SHARP過收一兩檔光圈?!)

2個字好重
成KG,加埋D700 成2KG...加埋SB900...我舉唔5分鐘............

本人2010年開始轉用FF由D700入門, 由於開始時筆直有限,以NIKON 14-24 2.8G 同 SIGMA 24-70 2.8 EX DG HSM 起手.後來買入NIKON 24-70 2.8G 賣出SIGMA 果支.
用過SIGMA 24-70 F/2.8 EX DG HSM
相較之下 光圈全開下NIKON 呢支係銳利D但收下光圈下兩者就冇乜分別,各焦段變形控制 2者相差不多
但係對焦方面2者都係一樣咁慢,尤其係低光環境下 拍攝低對比目標....
我支24-85 F/2.8-4D 對焦會快少少.....不過呢支野變形控制比較前2者差好多

價錢唔係一個產品既缺點, 但都係一個令人卻步同搵代替品既理由,由於我一開始時BUDGET唔夠,所以寧可要14-24 2.8G 再用 SIGMA 24-70 EX DG HSM 彌補 24-70 呢個焦段, 當時 SIGMA 果支真係做到我既要求
但係點解我要俾多一倍價錢買NKION 24-70 2.8G 呢?! 因為佢光圈全開都好SHARP, 呢一點係代替品俾唔到我

如果你有要求但冇銀兩, 副廠鏡幫到你, 佢地都做得好好
但如果你有要求又有銀兩,NIKON 24-70 2.8G FOR SURE

別外再講, N24-70 2.8G 真係好大同好重,裝埋HOOD,用D700 機頂閃係24-3X MM 焦段會有黑影,HOOD 會BLOCK 左閃光.

對焦極速快、爽、靜、狠、準、成像銳利、金屬感

重左小小、貴左D

爽、不愧為鏡皇、人稱專業神鏡、一分錢一分貨值得用。

已有很多人講過不再多講

好多人話重，其實預咗所以我唔覺係問題

我用了這支鏡已有三年，很多人話個膠圈會鬆，我覺得係存放放三去和用鏡手法出現問題，我用了三年無以上問題，其實真係要放入電防潮箱，係極潮濕天氣時唔好取來，有人話支鏡對焦唔準係個人問題，對焦準唔準同隻手定唔定好有關，係要多練習，就算支鏡可以有五級防震手唔定都無用唔關支鏡事，另外有人話用到最wide會有變形同黑角真係唔知點解會話係問題，用得wide鏡就會有這種情況出現，這是光學問題，用得wide鏡就是要有變形巧果啦，請念清楚先好用鏡，以上講話如有得罪請見諒！

1 對焦快、靜、準
2 焦段充夠一般家庭朋友活動、人像、靜物拍攝的多用途應用
3 恆定大光圈實用及夠鋭利
4 對焦距離夠短有利拍攝靜物

1 都幾貴下
2 收起設計在 50mm 個人覺得唔是好合理及唔方便，如果能像 canon 個支在 70mm or 24mm 咁會方便好多

以上優缺點已說了，但。。。。。。

有圖有真相，比文字更實際
http://explorerhome.dyndns.org/blog/category/af-s-nikkor-24-70mm-f2-8g-ed/

可以一鏡走天涯

對焦太慢，本人用D800E和D700 配在一起用，對焦十張有3張不不准。鏡頭上的黑色軟膠已經發大離位，用料實在差，最大問題是用了一年多，無端端變焦不順，要很大力才能動，拿去Nikon朗豪坊修理，要差不多5000 圓，簡直是勒索。

產品設計有問題，用料差，買得太貴，本人提議大家用副廠產品。
客戶服務：你可以不修理，小壞收天價，等同勒索，

色水靚
成像好好
保值
2.8恆定光圈

重
易入塵
貴

用左差唔多一年， 支鏡俾我感覺係實用同常用
自己用相機的時候多數是家庭拍攝用
24-70呢段焦距已經滿足所需
的確支鏡係重，不過用得單反都預左，所以冇所謂，而且頗喜歡果種實在感
成像方面絕對失禮鏡皇個名，之前用dx機時都覺得只係比kit鏡好少少
之後轉fx機支鏡威力終於解放，相片質素比以前真係高好多級

全開2.8利收到4利到爆燈，對焦快到對左都唔知。

比較重個遮光罩太大，好多師兄話容易斷鏡尾同變焦筒唔順，希望唔好咁黑仔，願主保佑。

用左一個月度，色水好正，講起色水其實幾主觀，好似頂下二樓果位大C就係喱類人，話人地唔識用喱支鏡，連白平衡都唔識，首先問你，你影相好七叻咩，你好主觀囉，你係導師級人馬？例如影日落有人中意黃色有人中意紅色，有人中意冷調有人中意暖調，影相係影出自己想要既感覺就OK啦，唔通係為討好別人而影？你憑什麼講對定錯，你連作品都冇張呀，用你既靚作說服人啦，一味講冇用架，以理服人。仲有你點證明你冇浪支鏡對得住支鏡？

鏡皇就是鏡皇，各焦段全開像質都好出色，分辨率高，對焦又快，基本上系一按就中。

尼康嘅用料有所退步，同前鏡皇28-70吡唔是一個檔次。我遇到斷尾的就有三支，咁重的鏡扭入螺絲只得兩圈半，好得人驚。

全幅必配的鏡，使用率最高，基本是掛機鏡了。

- Sharp, 色水靚, 成像堅正...唔差得過定焦, 變焦鏡皇名不虛傳
- 對焦又靜又快, 第一次用, 直情以為支鏡有問題, 做咩唔識對焦, 又冇聲, 又唔覺有陏, 睇真D先知道原來已經對左, 真係吹脹..
- 2.8 大光圈, 比起F4 散景靚好多, 可以用埋黎影人像
- 焦距方便, 用full frame, 影event, 婚禮一流, 基本一支鏡夠晒
- 二手價夠硬, 用到唔想用, 可以低少少賣比其他師兄弟, 自己再換鏡都唔會好蝕

- 重, 支鏡用料太足, 體弱者免問
- 貴, 萬幾蚊一支鏡, 真係唔係個個捨得買
- 冇防震, 其實依加d 單反機, ISO 調到幾千, 出黎o既成像都絕對冇問題, 防震對24-70 依D中焦距, 其實影響不大, 不過有埋防震又唔會影響成像就當然最好, 好野絕不嫌少
- 2.8 光圈唔夠大, 有1.4 就最好...(我知道依句實比人鬧, 不過我又真係冇講錯wor, 最好有埋1.2..)

Nikon 鏡皇, 早買早享受, 的確冇講錯...買之前都試過sigma 個支, 發覺始終係冇依支咁好, 成像同對焦速度都冇咁好

點都好, 依支係好鏡, 絕對值得推薦!