sharp sharp sharp, nothing I can say, a lot better quality than 24-120

heavy and expensive....no VR

If you want best quality of zoom, buy it

色靚，真實，夠sharp,通透，一鏡走天涯，

太重，價錢貴

用左一年，去旅行一支鏡玩灑，影風景，大合照，完全掂！色方面有齊n記正廠特色，無人工化，無添加，正！用足一日好鬼重，上山下海唔方便！用上傘光罩，超巨大，成街人都望往，好誇張！！（要有虛榮感就無問題喇）用用下..發現時已有好多儍瓜機已可影到一樣的水準，背光景仲好方便添，因我用d3s無內閃，好麻煩！所以現在少用左，轉用定焦多d,一來輕，二特寫靚

1. ED鏡片及非球面鏡片各三，加上一面Nano Coating，用料毫不吝嗇
2. 份量十足，拿在手上十分結實，長時間使用也不算太重
3. 變焦環及對焦環寬闊
4. 畫質不俗 (注意，只是不俗，她的畫質根本不能跟小黑六及一眾定焦鏡相提並論)
5. 鏡身上的金色字牌不如16-35及24-120 F4的容易脫色

1. 焦段太短，不及24-120 F4實用，通常恆定大光圈標準鏡都是犧牲焦段換取大光圈
2. 沒有VR，晚間即使光圈盡開亦不見得比24-120 F4來的穩定
3. 變形問題明顯，四角失光也明顯，而且偶爾有漏光問題
4. 也許是現今技術問題：無法做到內變焦，基本上市場上沒有任何一支內變焦的FF中段變焦鏡；雖然裝上遮光罩後，從外觀看鏡頭變焦伸縮都在遮光罩內進行，但本身遮光罩也極不便攜

工作上，她是我的最佳伙伴，一支24-70加上D3S就是最基本的組合。通常工作一整天也不算太重，再加上光圈盡開，畫質也讓人接受。在室內加上D3S高ISO高畫質的配合，不用閃光燈也能完成工作。

只是，沒有VR，加上焦段不足 (因為從D90開始，使用的標準變焦鏡都是高倍變焦)，即使在如婚宴般的室內場合，24-120 F4也能勝任，最終當年於推出24-120 F4後放棄追求。現時使用的24-70，都是公司的設備，但那份虛榮感絕不是24-120 F4可以媲美的。

中央成像sharp, 夠大支夠粗, 個hood幾型, F2.8。
昡光控制好好。

真係得中央夠sharp..........以外較鬆, 完全不值列入大三元之一。以咁的價錢, 收到8都有咁的問題, F9以上又過咗sweet spot.
24-29mm 變形超嚴重, 即使D800 update 咗變形控制都有此情形。
Hood真係兒戲, 好似好易爛咁, 好膠。 唔用hood時反轉裝仲差, 非常易甩。更會阻住你換鏡。
冇防震 (應會在新version有)
鏡身zoom到50先係最短........
貴。

枉為一支standard鏡皇....不外如是....
希望會update此鏡VR version ( 但一定貴到媽媽都唔認得 )。
要小心用個hood....無論正向定係反向裝都係.....
唔用時Zoom到50mm, 減低入塵。
多塵地方/下雨一定要用hood, 否則鏡身伸出部分入晒。
昡光控制好好, 但亦'太好'....

1 色澤鮮豔
2 非常銳利，利到介手
3 鏡身札實，用料足本
4 日本製造，鏡王本色

1 收鏡要縮返到50﹣55MM，如果唔係心理感覺會入塵
2 咁貴都無VR
3 支鏡拎得耐都幾重手(預左=_=)

本人由C記轉會到N記，果然無轉錯會。只因N記既D800太吸引，解毒後又中毒～
先有N16-35F4 VR，再有N50 1.4G。但後悔既係點解我唔一早入鏡王N24-70 2.8G。確實係好鏡一支，入鏡前諗左好耐，大拿拿13000銀買入，先要過心理關口(本人好窮)再要過海關(先斬後奏)但買後試影了幾張，簡直係要死都要帶埋佢入棺材個種感覺。24MM在FX機未見有暗角，變形亦都好少。中段50MM比起定焦50 1.4G中心位分別不大，邊位更比50 1.4G實淨。去到70MM都未覺得有鬆既感覺。全段開2.8都非常好。開到F4更加利！可能內有3塊ED鏡，開最大光圈都唔覺有紫邊。所以D800＋24-70 2.8G真係絕配(長插中)，可憐既其他鏡都要打落冷宮。

畫質利
色彩表現好
對焦算快
我就覺得幾實淨，金屬感幾好。

24mm時黑角嚴重，要去到28mm左右先好啲

有漏光問題，我試過蓋上鏡頭蓋，手動對焦到無限遠，24mm時長曝光時左上左下右上角都有漏光，左上角最為嚴重！試過光未必由對焦window入，而係由鏡身入，24mm時鏡身伸到最長，因此hood必用！好緊要！

好重，原來掛係條頸一日，頸都斷。

鏡身長左啲，因為鏡身算重，加埋長嘅話，部相機個mount會好受力，要好似小黑咁攞住部機會放心啲。

我想買支中段變焦去下旅行咁，都係2470和24120選擇。但諗諗下買黎都係長用，落手2470，其實都無買錯，表現我覺得幾好，影到靚相，個問題係之後反思值唔值得去投資。用MTF圖去比較會客觀啲，其實24120絕對唔差，某啲位比2470仲要高，人云亦云，高一倍價錢以為靚一倍，無可否認，光圈有價！2.8和4嘅分別！鏡身用料嘅分別，金屬一定係更好，但大家城市人唔係做戰地記者，硬膠某情況下可以接受囉，只係有好買好心態。如果話支鏡色水太濃，咁配上新一代嘅機會好啲，例如D800, D7000,D4等等，因為新一代機色彩系統係唔同左，變淡左，可以去CS試試看。以呢支鏡黎講，我覺得未能挑戰定焦，但勝在有好質素而方便嘅變焦鏡，係咪大細三元，名黎唧。

色靚
相利
焦快、準
靜
重量可以接受
影人、景，結婚、旅行，一支攪店哂

貴貴貴
個Hood真係唔知Nikon 想點，一啲都唔合比例，又重，小黑六果個好好多
轉動遠、近個位唔係大就手（可能因為我隻手比較肥）
無防震（萬三支鏡無VR......)

開始用D90 kit set跟支18-105，正！慢慢影影下發現唔夠，就向兩支鏡入手，一支24-120f/4, 一支就24-70，因為唔太熟悉鏡頭，結果買咗頭果支。用咗喺部D90年幾都覺得好正，但係換咗部D800覺得有啲唔夠，結果賣咗部機D90同支鏡，加千幾買咗24-70之後，真係愛得太遲！！
唯一就美中不足就係冇VR,影日景推快個快門就冇問題，影夜景帶埋腳架都差啲（可能果日大風）個hood嘅大細差唔多係支鏡嘅一半，真係攪鬼！
對焦比起支24-120快同準，仲好靜，要係部D800唔會有前重後輕嘅感覺，金屬物料比人一種安全感！
雖然下面好幾位師兄都講咗，我都要加一句：唔好愛得太遲，用得太遲，早買早用早enjoy!!!!!

1 ) N 塗層 , 影背光相沒有玄光
2 ) 在 FX 機焦段實用 , 旅行 , 聚會 , 外影 帶一枝就足夠
3 ) 24mm f/2.8 無黑角無變型 , 影婚宴必然之選
4 ) 無偏色 , 色還原理想 , 影人有人氣 , 影景清晰細緻 , 裁相後再放大依然細膩
5 ) 放在 DX 機上影人像同樣有淺景深效果 , 色彩靚過人像鏡 , 影風景人像用佢好過 85.8 , 影大頭先會用 85.5
6 ) 手感好有霸氣 , 金屬玻璃鏡一定會重 , 喜歡輕不如用 死馬 圖圖 神龍 或傻瓜

1 ) 不是內變焦 , 前鏡會伸出
2 ) 無 VR ( 咁嘅價位有埋 VR 比較合理 )
3 ) 前鏡筒變焦時的伸縮設計應該採用 17-35 f/2.8D 的方式 , 可避免出現入塵的機會
4 ) 對焦及變焦環的物料太沾手 , 用久了會發漲

2011 年進入 FX 的同時想買 24-120 , 朋友說很快就會轉 2470 , 何不一步到位 , 早買早享受 , 於是在買D700 時同時買入 , 當時瘋宅賣 萬三 , 十分肉赤 , 但使用之後便覺得物有所值 , 如果當時買24-120 , 2012才買 已經相差仟伍元 , 此鏡放在 D300s 影人像 , 效果真係出乎意料的亮麗 .. 如果無錢買晒大三元 , 呢枝真係非買不可 , 因為使用率必然最高 ...

-影像銳利compare用緊既35mm f1.8 / 85mm f1.8
-色彩還原好好，主體好有立體感同層次分明
-f2.8段段可用去到f5.6真係利到唔相信部D300s可以影到出黎
-Focus速度真係唔差shot7張/s中6張
-外型一流，好有專業原素
-有nano crystal coat都知其地位

-真係好難尋找到新貨同幾貴compare with Canon支24-70mm f2.8
-容易入塵
-無VR
-都幾重D300s+直倒+支鏡

愛得太遲用得到太遲
D300s發輝唔到支鏡既實力...迫我上FF-_-"
明白到點解Nikon Funs要向金圈為目標

色水好靚，
圖片好利，
對焦好快。

會伸縮，易入塵
我覺得個HOOD同支鏡唔成比例...個人意見

D7000用家，掙扎17-55 2.8定24-70 2.8，價錢相差3000，話雖未必上全片幅，但又怕受唔住誘惑，所以都係㨂呢支穏陣啲^.^
豐X賣130XX，但已賣斷
最後在DSC買，用恒生信用卡有97折，埋單129XX