評價:
用呢枝鏡用左年半, 斗膽以"超廣角優質之選"概括心得.
色靚, 蔡司鏡無論係古代定現代, 只要從T*年代開始, 基本上對應彩色攝影已經出到好靚o既色水. 唔係話Canon唔好, 只不過拍埋蔡司就知咩事. Canon色水好似過淡, 同埋好似某o的色唔見左咁. 而超廣角亦多用來影風景呢類壯觀o既o野, 試問色彩還原都做得唔夠好的Canon, 又點用得落手呢?
高解像度. 呢樣o野好直觀, 外國有網站試過將ZF版的21mm放上D800上, Detail仍然好細緻. 而家Canon最高像素只係2200萬像素左右, 即是話枝鏡只係出左半力至2/3力, 甚至更少. 未來如果Canon出3000-4000萬的機, 用呢枝鏡仍然可以上, 唔使到時又再換鏡.
順帶一提, 蔡司鏡唔會好似Canon咁, 出到咁上下又出枝II代, III代. 蔡司一出就出到最理想, 預用家長用.
至於手動對焦, 呢樣係享受, 亦係苦事. 手動對焦對於慢慢撚係好過癮, 但真係要用來影o個時好痛苦. 不過好在21mm景深長, 可以用Hyberfocus方式拍攝. 但又咁講, 有自動對焦當然係有好o的, 眼都唔使咁嘥力去睇對焦.