優點:
微距距離由25cm 減至 不足20cm
手感比一代14-42mm好很多
多左少少景深,有驚喜
輕便好多
缺點:
細心聞相II R細節差些少。
炫光比一代嚴重
評價:
向未換呢支鏡之前我部E-pl1用梗一支14-42mm一代Kit鏡同埋一支17mm F2.8 定焦鏡。當時14-42mm主要旅行用,而17mm主要係香港同女友出街用。這是因為旅行既時候,焦距既彈性可以比我容易D影到唔同主題既相,而係香港同女友出街主要則係玩Snapping,影下條女、影下食物、影下街景為主,所以兩支鏡向唔同情況下用都滿足到我需要。
話雖如此,但去完旅行睇返D相,總覺得淨左D乜野咁。是的,對比起17mm F2.8,一代Kit鏡的最大弱點就是明顯少好多的景深。這種心態一直根深締固於心,直到……
……有朋友獻出佢部E-pl5 Kit鏡比我玩幾日。
用左呢支14-42mm II R鏡三日,我的心得如下。首先,支鏡比一代Kit鏡輕便及容易收納,而外表也無第一代咁膠。手感來講,II R比一代變焦及對焦轉盤好用,轉動時十分順滑。
影像品質來講,兩支Kit鏡都十分類似,但卻非如出一轍。最明顯的,莫過於影食物既時候發現II R可於更近既距離用到微距,且有更柔軟的背景模糊及更淺的景深。至於在一般距離,兩支鏡分別不大,細節度相近但以一代Kit稍勝,但景深則以II R較淺及柔和。
用過呢支II R Kit鏡,開始了解為何有些人會話17mm F2.8唔值得買。雖然17mm餅鏡既光圈係方便左低光環景影相同埋淺景深,但係17mm成像卻與14-42mm無異。依家呢支14-42mm II R鏡更是提升左既微距同景深表現,這自然將17mm F2.8的可用性更加邊緣化了。
總括而言,Olympus 14-42mm F3.5-5.6 II R比起第一代跟機 14-42mm有不少的功能提升,是值得用舊式無反機既用戶買來稍作升級在景深及微距的表現。兩支鏡在多數情況都有相同的輸出。儘管單講細節度II R微微差過一代,但更好的手感及更輕的重量,相信都能蓋過本項微少的缺陷。