優點:
- 補足返Sony無反無長焦鏡的問題
- 銀色好型
- 細支,攜帶方便
缺點:
- 唔知係我部A6000的問題定支鏡問題,之前帶佢去機場影飛機,一開盡200mm成像就散到阿媽都唔認得
- 好似唔支援Sony Phase Detection的咁,用佢追飛機可以甩哂拖
- 夜景都係散到完全接受唔到
- 55mm 視角都窄到....
評價:
要無反機用長焦,又要支鏡就哂無反機的size,換返黎的就係細光圈同好麻麻的光學質素,依家明點解單反長焦從冇咁細轆啦掛!
當時就係貪平買左,試過好幾次外景後就後悔莫及,細轆其實好難揸得定,一要開盡200mm影就知幾難將佢固定係主角,視角咁窄震一震就離哂主角。開到百幾mm光圈都自己縮到f5.6,影室內更加唔使懷任何期望,依家才明白買鏡頭真係唔好貪平,最緊要spec真係岩自己需要,貪字得個貧,依家都唔知仲有幾多情景用得著呢支野。
有次影夜景,已經落埋腳架,曝光都成6秒,又開埋時間掣,出黎都係散到冇朋友,影個陣唔郁佢成像都可以超鬆矇,所以亦唔好期望呢支野可以用黎追寵物。