1. 對焦速度合宜: 同家中嘅其他AF-D鏡比,確係慢左少少,不過背光及暗位對焦時都算狠。用嚟影非快速移動嘅人像,足夠有餘。
2. 光圈全開非常可用: 鏡頭邊位影像相當扎實(我經常放主體喺邊位),暗角情況則屬輕微,紫邊控制比家中的陳年 105 DC 好好多。
3. 散景尚算悅目: 呢點真係好睇個人,在我嚟講我用後覺得家中 105 DC 靚D,但比 50.8G 來得實在(點可以散得來又比較"實"呢,唔識講)。傳說中嘅旋轉散景"問題",我影左5百張都出唔到,但從各網站REVIEW幾可肯定存在 (我個人係幾鍾意呢個缺憾美),我以 105 DC 出旋轉散景效果還來得更容易及明顯。
4. 尚佳手感平衡: 插於 D700 + 直倒上,有相當輕便嘅感覺,但卻唔會過份頭輕尾重,重心位於大約MOUNT位。其寬闊嘅鏡筒直徑使手持時操控手感相當不俗。
5. 中庸焦距: 上FF後真的體會到85mm焦距嘅好處,其超低影像變型及小 tele 特性不單影人像一流,用嚟影中距離風景照更有助鍛鍊構圖取捨。