这支镜头的质量大部分的用家都应好。对我来说，比起尼康的D镜静得多了。

我只简单的批评一下它的袋，很厚，有一些大，但是四方形的袋不太实用，圆形的会更好。

我同事用 Zeiss Distagon 35mm f2 和 这支Sigma 35mm Art，十分愉快，各有千秋，但要更多的时间再比较。

1. Build quality 稍低於蔡司, 但比L頭好;
2. 準焦, 開第－支五張五點全中, 冇藉口唔買;
3. 成色不俗。

1. 遮光罩唔夠型。

估唔到呢個Art字就打響Sigma低檔次、副廠、甩皮、偏色鏡等惡名, 如果仲有人話原廠好過佢, 都應該只係可以講因為原廠個盒大過佢而己。

1. 光圈全開下，解釋力依然很好。
2. 用料十足，全鏡使用7片特殊鏡片，足見SIGMA在新系列鏡頭的用心及品牌的打做。
3. 針對數碼攝影的特性，在鍍膜上及鏡身都全新設計，使用全金屬鏡筒，手感一流，重量適中。而且不用考慮新皮舊皮的問題。
4. 鏡身的字為刻蝕，有德系鏡的風範。
5. 對焦速度比起以前的SIGMA有改善，雖然未及L鏡，但已經很接近。
6. 一洗SIGMA以前鏡頭走焦的老病，室內光線下AF對焦仍十分準。
7. 最大最大的優點，莫過於性價比，6仟頭，能買到常規鏡的最大光圈而且有咁上下質數，實在難得。
8. 有USB Dock可供另購,用作連接鏡頭更新靭體及調焦,適合對對焦極為嚴格用家.
9. 三年保同提供終身調焦服務.

1. SIGMA的特色,對焦環比較緊，但我多用AF，所以問題不算太大。
2. 目前品牌還算二線，二手價不算很好，經常換鏡玩的ching要考慮這點。
3. 信心問題，以前有兩朋友都玩過SIGMA鏡，都曾要返廠維修，希望新系列的鏡返廠率會低D。
4. 因為是副廠鏡，不能使用相機內的暗角修正功能。要修正要數碼黑房。

在買這鏡前，其實都考慮過買50.2L同蔡司的50.4, 但經過考慮後，50mm用在5D2的FF上吾上吾落，所以還是考慮35mm﹐之後又在蔡司35.4, canon 35.4L同副廠SIGMA 35.4上作考慮。

蔡的35.4雖然名氣大，但價錢真的有點高，加上手動鏡，5d2又無原裝裂像對焦屏可配，自己眼力又不是很好，怕不能應付，所以放棄。

最後只有在35.4及Sigma 35.4考慮，原廠紅圈我知係好(我所有的變焦都是L)，但考慮到這鏡年事已高，鍍膜方面那時的設計一定沒有現在的好，如等出第二代，可能加個IS或II，個價隨時多4,5千。

看過很多這兩支鏡的測評，還是給了SIGMA一次機會，買了Art系列的這支鏡，用了一兩天，非常滿意，希望繼續比到我滿意的感覺吧。

本身用過c35.4及n35.4，現用s35.4，雖然不同機身，但盡量比一比。
1.講sharp，s35.4>n35.4>c35.4，
其實中央大家都sharp，只是周邊就n記好D，s記
再好D，不過副廠或正廠新鏡頭都比舊鏡sharp。
2.色水，c記冷D，n記暖D，s記就介乎中間，色淡D，個人最喜歡c記。
3.講散景，三者都唔錯，背景幾化，光點都好圓，
但s記有時會出現檸檬形，特別係畫面周邊，一時時。
4.講通透，三者都好通透，唔覺s35.4暗半級，四角失光佢最少。
5.講對焦速度，c記最快，s記叫ok，n記是慢。
n記和s記35.4，用1.4都好少失焦，c記快但偶有失焦。
6.講變形，數據上，s記最好，但始終是小wide鏡頭，三者影人都要就下位，用落差不多。
7.講手感，s記冷冰冰好似成支都係用鐵造，n記就好似鐵混合膠，而c記最膠。
8.講立體感，我唔係好曉，但大光圈下，s記拍攝的主題的卻無c記和n記甘突出或者立體
9.講價錢，係比二手價，c記平3千，就多ching搶，
n記平3千，都要坐艇好耐，再俾人還價，s記最抵玩（我仍然持有）。

當然是利啦,立體感強,對焦快與靜,外形靚仔,散景好,小紫邊,畫面有一種細緻的感覺,色散小,捕捉現場氣氛一流,平.......

雖然對焦快但不太準,六次中四次,這是否是迷了焦呢.邊位鬆,光暗對比大了些.

我本身用Nd600,無用過C35.4和N35.4,所以只可憑個人感受,和無比較下來談論此鏡,此鏡初上手第一感覺好興奮,簡直可將現場的氣氛感受拍下來,比最好的定焦鏡(眼晴),有70%還原的能力,立體感強,色散紫邊通通有好表現.但問題出在外圍處,是否因用太多非球面鏡,變形控制好了,但邊位就有明顯鬆的感覺,應知到變形可改正,但鬆了就是鬆了.唯有把主體放在近中間,然後無奈的裁相,也可收細光圈至5.6以上.總體上我好滿意此鏡,曰與夜,拍景,拍人,拍街,拍食物,放在大電視看,你會有重返現場的奇妙感覺,這個價位超贊,

1. 對焦準，一洗過往Sigma的頹風，不用挑，開第一枝就準焦，用準焦尺測過，連body微調都不用，我枝24L II和50L反而要微調；
2. 光圈F/1.4可用，散景不錯，收到F/2利到界手；
3. 性格比高，才五千幾蚊，用料講究，多特殊鏡片，無疑是Sigma的誠意之作；
4. 67mm口徑，買filter平過77mm和82mm；
5. 一塵不沾，開第一枝鏡就ok，用電筒check都無塵，原廠鏡都未必得；
6. 全新設計，與以往S50.4的甩皮外殼完全是兩個概念；
7. 重量適中，插在5D3不重不輕，重心平均；
8. 對焦快，弱光除外；
9. Made in Japan。

1. 遮光罩很緊，要用力扣，未知是否只有我這枝有這問題；
2. 鏡頭蓋很緊，有幾次以為蓋好了，卻掉下來，未知是否只有我這枝有這問題；
3. 在弱光下對焦容易迷焦，不過有些L鏡也如此；
4. 對焦環很緊；
5. 無防塵防滴，不過即使原廠鏡有防塵防滴也只限於1系機身才發揮得到；
6. 色水始終不及原廠定焦L鏡般warm和富有色彩。

我多數用來影BB，但定焦鏡只有24L II、50L和85L II，變焦鏡只得24-105和小白兔，一直就欠35mm這最常用的焦段。打算等35L II，但廠方一拖再拖，終於忍不到手入了這枝S35.4，打算一邊用一邊等35L II。

開盒check鏡，一拿上手，那股冰冷的金色感立即帶給我好感(相比起S50.4)，試鏡一張就準焦，而且對焦奇快，單憑感覺實難察覺到和原廠鏡有任何分別，拿出對焦尺再試，竟然連機身微調也不用，我枝24L II和50L反而要微調，實在非常驚喜。

色水偏冷，在這方面恐難與原廠鏡匹敵。鏡頭蓋和遮光罩緊得很，這讓我有點意外。

我無用過35L，無從比較，但比起24L II、50L和85L II，色水確實稍為遜色，不過以價論質，這枝鏡是無可挑剔的。你會用萬一蚊買枝快出第二代的老鏡(35L)還是用一半價錢買枝用料講究的新鏡(S35.4)？我選了後者，早買早享受，35L出了二代再算啦！騎牛搵馬未嘗不是一件好事。

用料好夠,成像拍得住35L
收到1.8-2已經好SHARP
外型夠低調
金屬鏡身,好有手感
買依支抵玩過原廠,L鏡6成價,8成5既功力,(什至有師兄評價高過原廠)

死馬老毛病,暗位對焦慢,要對幾次(有時)
對焦冇USM快,只係慢DD
用得定焦斷估你唔會係咁搏命禁快門影相掛?都係要畫質姐
光圈全開有暗角,(有幾多支定焦開到1.4都唔會有暗角?)
冇原廠光,我估係鏡片多既原因掛

本身有支Canon 35MM F2,用左唔係好耐,但係一直都有想換既想法
35L係我杯茶,奈何個價同鏡齡...
本身買果時都係意向35L,偏偏唔係冇貨就係升價
一路搭車一路諗,我點解要買35L先?
搵食?唔係,常用,都唔係(放假先影下相)
萬一蚊 VS 59XX
始終我唔係富貴人家,留多D錢係身會好D,更何況依支鏡做功已經交晒貨
用後覺得冇買錯,平民不二之選
下下因為L鏡搞到自己要死慳死抵,值咩?

用落Canon 5D3
1- 成象不錯, 夠解像力, 可以聞相
2- 外型討好, 手感一流, 金屬feel
3- 重身墮手, 用料十足, 個心都爽D

1. 走焦, 時準時唔準, 唔中焦既機會都有6-7成
唯有打多幾張補數
2. 暗位對焦慢
3. 色彩淡, 但都好過s50.4
4. 逆光有紫邊

為左動漫展特意入的鏡頭,
在與C35.4 之間2選1都猶疑左好耐
最後都間左佢 (因為佢新d, 平d, C35.4都有十年鏡齡)
自己5覺好高CP值, 但一定值回票價

銳利度 爆哂登!!
色彩超鮮艷!!
35MM 常用 方便!
鏡身紮實 有手感 用料靚!!
半球型鏡片 超廣角!!
有CANON原廠35F1.4L質素
某幾方面比原廠強勁!!
F2成像可接受度極高!!
金屬外型靚仔!!
67MM FILLTER 平但欠缺霸氣!!
如果77MM會更好 夠霸氣!!
性價比高!! 值得擁有!!

死馬老毛病 暗位對焦慢..
近攝景深唔知點解會有D位 呈直線清?...
光圈全開1.4 有暗角 但又有幾多枝定焦做到1.4無暗角?

整體都幾滿意 除左近距離影物體 有時景深會呈直線外 大部份都滿意
鏡身用金屬設計 好有實在感!
不過金屬鏡身感覺上易花
另外鏡身接近MOUNT位好易有指印!!
影景+影人 都好正!! 微距拍攝景深方面就一般啦 都可接受既!! 想知有幾好用就要自己買枝黎試喇~ =D 基本上有左呢枝鏡 係唔會再用50 1.4

aps-c機=0暗角
支鏡好user friendly,例如佢a/mf個制做左一邊白一邊黑，等你可以更加清楚睇到你用緊自動定手動
其他都比人講曬

對焦時畫面有類似ZOOM既果個問題好強（雖然冇乜人當係問題？）
暗位對焦5得
crop機會令色散問題加重，但依然可接受（5係支鏡錯

我用60d，暗位對焦時佢直情冇左反應…連拉風箱都冇……
支鏡手感幾好，對焦環好smooth
金屬表面可以幫你隻手降溫（笑）
雖然只用左2日，但係已經覺得佢可以當相機“概”用