優點:
價錢算平 (五千左右有一支紅圈)
色濃
輕
內對焦, 鏡頭唔伸出伸入
缺點:
f4 時有點鬆.
個hood大對唔會用
光圈細 (又係價錢問題)
評價:
用咗一年左右.配5d. 我去旅行好鍾意用呢枝鏡, 影人時可以企得好近, 唔怕比人中間插入阻住哂. 廣角收納背景多, 旅行相唔攪太多藝術, 張相亂啲咪亂啲囉! 有人唔鍾意佢17mm時嘅變型, 我就好喜歡用佢呢個特點影小朋友, 攪到頭大身細, 好得意.
無論喺市區影大廈, 去郊外影山水, 都好好用, 制造廣濶空間感, 成像都靚.
用呢支唔太重嘅鏡, 去旅行真係好重要, 拎住成日四處走, 太重會令自己好攰, 影到咁上下都冇心機玩. 呢支就ok喇.
由於價錢所限, 支鏡入室內就有啲限制, 呢啲一分錢一分貨嘅嘢, 冇得計咁多.
每人攝影習慣不同, 鏡頭又每支有不同性格, 我就覺得我同支鏡夾得嚟.