Canon EF 24-105mm f/3.5-5.6 IS STM

實拍照片

價錢平最經濟、重量為近年佳能原廠四支EF系統接環標準變焦鏡頭當中最輕量的一支、並有4.4倍變焦倍率。24-45mm焦段 最大光圈值為f3.5-4.5之間。50mm時最大光圈值為f5。再之後焦段就要當f5.6來用,有四級IS防震。用得番原廠相機內置的數位校正修正。
支鏡為2014年9月發表 算係年期好新所發表的EF鏡頭(24-105STM鏡齡對比EF24-70mm f4 L IS USM、EF24-70mm f2.8 L II USM 都更年輕都更新)
e支鏡夜景星芒有用家話好評。
此鏡放大率比較高為0.3X及最近對焦距離為0.4米屬比較短。
特別要提及Canon EF 24-105mm f/3.5-5.6 IS STM(525克重)此鏡整體綜合質素表現並不會差於EF24-105 f4L IS USM(675克重),怎至24-105mm f/3.5-5.6 IS STM對比該鏡更存有各種優勢(註:此為第一代 24-105 f4L 2005年所發報的紅圈L標準變焦鏡頭)。

冇紅圈L,不是日本制造不是MIJ。另外大約2020年年尾原廠出了公告此鏡已停產買不到全新香港行貨了。 此鏡為2014年9月發表 算係年期好新發表的EF鏡頭遺憾此鏡宣告停產至今都未曾見有後續新版EF鏡頭更新換代替代此鏡位置,一支甘新鏡齡的EF平民鏡又冇後續非常可惜。(在我眼中RF24-105mm f4-7.1 IS STM 並不完全是EF 24-105mm f/3.5-5.6 IS STM的後續鏡頭事關這是兩個不同的相機系統單反與無反有明顯分別)

近年佳能原廠四支EF系統標準變焦鏡頭,分別為Canon EF 24-105mm f/3.5-5.6 IS STM(525克重)、EF24-105mm f4 L II IS USM(795克重)、EF24-70mm f4 L IS USM(600克重) 、EF24-70mm f2.8 L II USM (805克重)。
當中最輕便就係e支 EF 24-105mm f/3.5-5.6 IS STM 只有525克重。最平又係佢,點解四選一我簡佢,因我以前有入手過EF24-70mm f2.8 L II USM 後因太重(805克)及冇IS故棄之,EF24-105mm f4 L II IS USM(795克重)對我來說都係太重 如果接受甘重我寧遠簡上面光學質素好D的f2.8嗰支鏡王(但都係極遺憾f2.8鏡王係冇IS)、 至於EF24-70mm f4 L IS USM(600克重) 此鏡綜合各因素原是可選但因其70mm焦段在網上有不少評測尋找出特別發現(閣下可自行尋閱),經考慮後我簡左e支EF 24-105mm f/3.5-5.6 IS STM(525克重)想輕便又有IS算。
我在2021年1月入左e支全新水尾水貨,此鏡在2020年末已宣告停產,係香港到e加2021年1月重班到支全新鏡唔洗捱二手都真係要偷笑了。
另外一提EF24-70mm f4 L IS USM同EF 24-105mm f/3.5-5.6 IS STM一樣在2020年尾都被宣告定為停產鏡頭。在香港佳能EF單反接環系統全新行貨中現在只係買得到EF24-70mm f2.8 L II USM 同EF24-105mm f4 L II IS USM這兩支炸,而這兩支重量都好重下。(極度遺憾EF系統原廠鏡王EF24-70mm f2.8 L II USM 係冇出帶IS版,佢e個決定今時今日可以解讀為讓路比RF接環RF28-70mm f2 L USM 及RF24-70mm f2.8 L IS USM 客人若想要好貨優質的標準變焦鏡頭鏡王唔該就請轉去支持玩佳能的RF無反相機系統…)

EF單反系統個人感受真係已到黃昏了(從睇佢點去對待最多人使用的標準變焦鏡頭就可以感受同理解到),老EF單反玩家重有EF單反野想入就好快D入了,E加唔入第日想要就只能簡入二手GE炸。因為官方將D EF鏡停得就停產 但就唔見有新EF鏡出(因為要力谷RF鏡頭無反相機系統)…EF原廠單反鏡頭選擇真係越來越少。

價錢平,全新拆鏡$2300-$2500可入手,而二手市場二手量少算保值
日光影像算利,因光圈本身唔大,紫邊少~
有鏡頭鎖,唔怕唔用時,手持或掛頸前鏡會下墮
STM對焦聆靜
此鏡有全時手動對焦,方便修正
4級IS防震
放大率高
焦段非常實用,使用同樣光圈情況下,表現比24-105 L 1代好
最近對焦距離只有0.4米,Zoom 鏡嚟講唔錯
重量夠輕,去旅行一流,就算跌壞咗都無咁心痛
EF 機身拍片必備

無恆定光圈
24-35mm 前焦段暗角明顯(可以靠機身修正)
無防塵防水滴
色澤過度寫實,帶點數碼味...
對焦無唔快,夜攝有點乏力
要有入塵覺悟
外觀唔Pro ,拆鏡及盒裝無傘光罩跟

呢支鏡,台灣製造,整體造工唔錯,呢支鏡定位似乎用嚟頂替已停產個支Canon EF 28-135mm f3.5-5.6 IS USM 呢支Kit 鏡,因為呢支焦段實用,我之前賣走過,後來我再買番,所以我前後擁有過兩支,拆鏡全新買入幾平吓, 呢支鏡外觀睇落成支平鏡咁,但鏡身金屬感揸上手都幾重,24mm前段麻麻,暗角明顯,但整體表現比EF 24-105 L 一代好,成像變形比率比EF 24-105 L一代好得多,只係無恆定光圈呢個功能,但24-105 L 一代如果用嚟拍片唔用外置咪只靠機身收音,一定會收到鏡身不必要既摩打及對焦聲 ,至於影像出嚟D色水無前後兩代兩支24-105 L咁討好, 但佢有STM ,拍片好有幫助,因為FF機EF鏡群有STM幫助拍片功能既Zoom鏡選擇很少,唔似得新RF系統咁多,Canon EF系統係明日黃花,如果用緊EF系統既朋友,用舊咗支24-105L一代,又唔想上24-105 L 二代,呢支好值得keep ~(*因為好多人用轉接環用24-105 L 二代搏Sony 機身用,所以24-105二代全新同二手價錢比較高~) ,仲有呢支鏡身夠輕,比兩代24-105 L輕好多,好適合一機一鏡外遊使用,如果係專業用家,係嚴崚環境工作,又要尾段有恆定光圈,又比得起錢,建議直上24-105 L 2代~

非常輕便，各光圈成像表現銳利。用料相当有诚意，由于EF 24-105mm STM具备变焦锁定机构，所以其实完全不必担心走路时镜头伸出撞到东西。

價錢便宜

吹水的事我不會做，各位可以在本人攝影主頁，看我用此神鏡拍攝數百張相參考： http://forum.xitek.com/thread-1634118-1-1-1.html

焦段非常實用,fever亦有介紹過,拆kit比較平,但市面己以經好難揾到,其實又真係幾shape(f3.5),最最最過癮係用係sony a7m2度,居然用到五軸防震,對焦同光圈開合都靜到完全聽唔到有聲,拍片一流,有lock ,af/mf 同is獨立開關掣,幾方便,外型其實都幾型,成77mm,但淨鏡又唔係太重,仲有立立令既金屬pat pat,影野質素好平均,尤其係70mm打上焦段好好,七光圈葉,星芒好靚,D out focus 光點亦好圓,有埋1:3 macro

第一次用canon ef 鏡,原來除佐L鏡,基本都冇hood跟.....canon真係識揾錢(笨),sony,雖然鏡比較少,但除佐a6000支kit外,印象中,支支都有hood跟,膠身,冇防水滴

一支sony冇出到既焦段,但可以比我好完美咁用係sony機身,同支e mount 24 70菜比,多佐71mm~105mm呢段,仲有好好玩既macro,防震亦好出色,買之前做佐好多功課,各方面比較過,呢個焦段好吸引我,今人意外既係支鏡既色好啱自己日,影人一定令人滿意,同sony機合體後好型吓,始終係77mm口徑,用相位對焦,速度同用緊e mount鏡完全冇分別,最意外係比我用埋五軸防震,總之感激sony解封接環相位對焦,呢支鏡今日黎講,性格比真係一流,值得大家入手