文：本香猛
LEGO 以往在 Speed Champions、City 同 Technic 系列已經推出過不少 F1 賽車車款，最近轉戰 Editions 系列，不過今次不是出車，而是出「人頭」，說的是「法拉利王子」Charles Leclerc 及「黑帝」Lewis Hamilton 的頭盔模型。
先介紹編號為 43014 的「Scuderia Ferrari HP Charles Leclerc Helmet」，全套用 886 塊零件砌成，完成品連支架高約 18cm，闊 11cm、深 13cm。主色調當然是法拉利招牌的 Rosso Corsa 意大利賽車紅，配搭白色點綴，一眼望落型到爆燈！官方圖同資料顯示，所有細節均用印刷處理，完美避開「貼地紙」貼到歪晒的悲劇；當中包括車手號碼 16、向父親「Papa」同已故摯友 Jules Bianchi 致敬的字樣、正前方黃底黑邊的躍馬標誌，全部清晰到位，質感一流！
更加過癮的是，套裝附送一個 Charles Leclerc 人仔，忠實還原飄逸髮型，身上隊服的贊助商標籤及車隊 Logo 印刷亦非常精細。另外展示底座還印有佢老哥親筆簽名，將人仔擺在簽名底座前，再將頭盔高高掛起，簡直就是一個迷你版的「蒙地卡羅頒獎台」。
睇埋編號 43022 的「Scuderia Ferrari HP Lewis Hamilton Helmet」，由 884 件零件組成，組裝後高度同樣約 18cm。色調採用了經典的「摩德納黃」（Modena Yellow），配上透明的鮮紅色面罩，色彩對比極度強烈。據官圖所示，咸美頓專屬的 44 號冧巴，以及頭盔上密密麻麻的贊助商 Logo，包括「PETRONAS」、「BOSS」等標誌性貼花，全部採用印刷件處理。跟 Charles Leclerc 版一樣，這裏也送 Lewis Hamilton 人仔一個，底座同樣有簽名，超有收藏價值。
以上兩個套裝預計 2026 年 5 月 1 日於 LEGO Shop 開賣，售價同是 US$ 89.99，折約 HK$ 704。另有傳 Verstappen、Senna、Alonso 款式也即將推出，作為 F1 迷無理由唔全部買齊！
