BlackBerry Storm 9500

評測報告

金屬機背做工一流，聲大，上網快。

食電，無無線上網。

其實部機我係起三個星期前買二手得來，因為機主只用了大約兩個月左右，部機還有成年半保養，加上用一個極中肯既價錢買入，放左部E63都只係比多五百左右，極低玩，部機出左咁耐都無人寫用家心得，部機係咪真係咁少人用？等我又手多寫下。

回正題，我覺得部機聽歌真係唔錯，可以係話我聽過之中頭幾名，就算iphone同Nokia5800都唔係贏好多，我耳筒係SHURE SE115，可能我之前D電話全部都係320x240，所以我覺得睇片都幾好，聲又大，不過呢部機個芒就真係幾難用，用左成個月，宜家叫做好少少，同埋我唔係用BB台，所以玩唔到MSN、Facebook同Email，只能普通上網，上網功能又係一絕，真係好似一部電腦仔咁，佢個放大網頁功能同速度我覺得比iphone還要強，只要用手指點二次個芒就放大，又可以用放大掣放大，唔係太識講，要試過先知，不過BlackBerry真係好少軟件，玩樂性真係唔高，但佢既電話通話就非常好，清、大聲、收得好，如果要買一部通話良好而上網又得既電話，BlackBerry係首選，不過我覺得有QWERTY先係真正既黑莓機，但係9500我都好滿意，可以用一個極平既價錢來玩BlackBerry今年行貨最強既機[水貨已有9700]，真係無後悔用180蚊買多個代用電同叉坐。