優點:
如果冇其他問題 (LG d QC問題... 唔係部部機有既問題)
佢係一部好棧黎既~
Mon靚, CPU okay, Ram不過不失 (當然多一點較好啦, LG你原廠d嘢好食ram... )
懂得刷機既話, 佢既hardware基本上都會令你滿意~
絕對同市面上既高階機同一個檔次~
缺點:
機身略長~
原廠 UI 唔掂, lag (上左V20E好似好少少, 不過都係其他launcher順)
剛剛換左PCCW個台, 唔知係咪個台D無線上網訊號差D
部2x有時會同Internet斷左線~ (重要係我唔開網頁都唔知斷左... 呢段時間有whatapps就收唔到了...)
不過借個fd部 HTC機又冇問題喎~ 咁即係LG部機喺訊號接收方面差D啦~~~ (不過亦可能只係我部機咁岩遇到呢個問題)
評價:
『成日話未註冊網絡 要reboot 』
我都有樓上呢個情形~ 拎左部機上CS整, 不過激到爆炸~
第一次上去:
問題: 間中上唔到網, 要reboot + 刮花左個mon (呢個我責任啦...真係以為防刮玻璃就唔用mon貼)
第二次上去:
Check機:
一開機第一下又上唔到...跟住熄機開過冇事~ (好...信你一鑊, 拎返屋企用幾日睇下重有冇嘢)
個mon比錢換左新既, 但係返屋企發覺有漏光問題... =_= 大佬...你話唔洗錢換返個mon我都話算左佢jei~ 家陣比錢換完個mon, 換黎另一個問題喎...
第三次上去:
上網問題未解決, 仍然係間中上唔到網 (最大問題係你唔知佢無啦啦斷左network架....唔熄機開機上唔返)
Mon漏光...叫佢幫我搞返佢~
第四次上去:
拎機, 今次佢話換左底版喎 (妖...上一次你又唔換...) 上網問題似乎解決... (拎左返屋企用2日...)
漏光問題...夜晚一用部機開game又見返....妖....你唔係幫我整返好架咩...你整完唔會check機架?
第五次上去:
今次靜係report漏光個問題~
遇著果個CS哥哥D態度呢正到爆炸~! (旺角分店, 張維修單寫佢叫Ray)
我話漏光, 重特登上網搵埋個LCD testing code (1809#*990#) 比佢check~
佢自己都呢入枱底度望下部機個漏光情形~ 覺得係有D嘢
跟住佢拎部機入去比師傅check~ 點知check完出黎,
佢一味話係有少少漏, 不過呢個情況正常架喎 (正你個頭...我部機未比你地換MON果時都冇呢個問題...) 就算我地再換都係咁架咋... (下? 咁即係點呀? 我比幾百蚊換完個mon, 你搞第二鑊嘢比我嘆, 而且屈我硬食呀?! )
後來我頂呢個哥仔唔順, 叫佢搵過第二個人同我傾~
跟住換來個CS小姐~
呢位小姐都唔係一級友善果D架啦~ (可能覺得我係麻煩客喺度搞事啦... 我想講, 係搞我都唔揀24/12呢D日子搞啦... )
不過呢位總算講道理少少...起碼肯開返張維修單再比師傅整喎~ 跟住重問我怕唔怕聖誕冇機用添... (還好我早就問朋友借左機用~ )
最後部機應該會整完再速遞比返我~ (佢話聖誕後喎...)
希望今次收到部機係完完全全冇問題啦... 我唔想再上佢CS度啦~
唉...都唔知係咪LG迫人24號返工, 但D友仔又唔願意跟住發洩落我度...
LG, 你地咁鍾意用Life is Good呢句~ 我又寫句比你地丫
Life is Good, 就係一次都唔洗上維修部!
*********************************************
各位用緊LG手機既你地~ 聖誕快樂啦...
但願大家部機唔好出現任何問題要迫住上佢個維修中心啦~!
等緊android / firmware update既大家, 學下點刷rom啦~
如果真係唔懂既, 就搵下身邊熟電腦/電話既friend~
或者forum問下人一定比起等佢upgrade快囉~
*********************************************