LG Optimus L3

外型真係唔錯，只係見人見智
細細部十分方便
以價錢比較，流暢度勉強可以接受
適合十分輕用量既用家（基本電話加多少少，少量上網，聽歌）
電量充足（佢既賣點嚟麻）

螢幕解像度真係差到極，仲會影響某些APPS既顯示，上下有ｄ位係無咗少少的
MON真係好唔得，係偏少少都睇唔清楚，即使對到正係正面睇都有少少辛苦
ROM真係太少，所謂1GB ROM，只係俾你APP2SD用，好多APPS（尤其有Widget）果ｄ必須裝係內部記憶，裝多少少就無位了
RAM 保證唔夠，除非行好少嘢，必須裝AUTOKILL之類既程式，否則會越用越LAG

買咗後，都幾後悔，初頭見個外型真係幾鐘意，但用落就知真係規格好麻麻，雖然價錢平唔可以要求太多，但以呢個價錢，相比 SAMSUNG 部 Pocket (S5300) 就真係差成條街！加上真係無人用，想搞搞佢都無得搞，因為網上無人討論！

Pocket有4GB ROM，但就分咗 1 GB ROM 做內部記憶位俾你裝APPS，十分充足了，大家解像度都咁差，但個 MON 就無偏光得咁緊要，仲有 2 GB 幾空位可以用，輕量用家可以唔駛插 SD 咭添了，價錢又平過 L3，要平既機，真係唔好選 L3！

我唔係三星 FANS，兼且好憎三星既低價機，只係呢兩部都係一千頭既機，所以先真實地用嚟比較，Pocket必然有佢既唔好地方，只係呢度係評論 L3，所以唔講 Pocket 既問題啫，但以低價機嚟講，要選千萬唔好選呢部 L3，除非你乜都唔裝，只用嚟打雷話聽歌咁．．．但最低限度你都要能夠頂得住佢個MON先，咪睇耐咗對眼好辛苦要睇醫生。

最後，唔明點解我按一粒星．．．．發表後會變４粒星呢．．．．奇怪