Samsung Galaxy S4 LTE

評測報告

實拍照片

新加既懸浮功能,眼球智能功能,同拍攝既新功能唔錯,特別係有聲拍攝
另外,如果做緊野或者差電放低左部電話,如果行開左之後,轉個頭想睇番有無miss call或者其他設定左既通知,(例如:facebook,天文台資訊,whatsapp等),只要利用懸浮功能用手掃一掃個mon就有相關圖案通知,完全唔需要拎起部電話,再噤著個mon先睇到,雖然都有提示燈作出提示,但提示燈只係提示到有新通知,但係就唔知係咩,都要用手著mon先得,但係而家唔需要,掃一掃就已經知,自己認為需要先再著mon睇,值得一讚
夠輕,
5寸mon都仲可以單手操作,
可換電,
個mon夠清，太陽之下完全無問題，我開自動+2已經好清楚，都未需要去到+5，唔明白點解有人可以話完全睇唔到，建議話睇唔到既人去驗眼，眼睛可能有事
故事相簿正,簡單幾個設定同選擇需要相片已經完成
S Health可計算運動量及按照個人運動量,而建議所吸收卡路里,之後輸入有關食物卡路里資料,計算出每日攝取量,另外一個功能係其實S4內置左溫度及濕度探測,利用S Health就可以知道目前室內外溫度及濕度
Group Play好玩,不用多作介紹,(可參考各有關手機網頁測試)

認字真係差,好多時都認錯字,
易發熱,可能比較薄所以咁啦!
電量仍然稍為不足,朝早8:00滿哂電,全日有講下電話,上網,打機,whatsapp,到晚上8:00已經得番10%電
有聲拍攝除S4自己可以聽到之外,send比其他機,什至samsung機就無用,只係變番普通一張相
眼球捲動功能只係睇網頁用到,用app睇新聞就無用
定價貴
稍為感覺跣手
16gb內置記憶體得番9gb,唔多夠用,有點搵笨,不過好在可以加外置,D歌,D片同D相可以用外置save,而且本人唔係會download好多app,只係基本常用個D,同實用性為主,所以問題都不大.
個邊好易花,用幾日個邊已經有少少花,好肉赤,要小心D>_<

整體感覺都唔錯,但感覺仍有待改善,例如眼球捲動功能及有聲拍攝,如果能夠加強應用範圍會更加正,
眼球智能暫停功能真係非常好,特別等車,搭車睇片個陣,上上落落都唔會miss左,只要眼球離開個mon就會停,一望番個mon就繼續
新加入既各項功能係卓頭之餘,都尚算用得著,亦好實用,不至於有D人所講係垃圾
不過5寸mon,要單手操作,我個人覺得真係極限,但女士們就已經一定要用二隻手
另外,好多人話佢個mon又偏色,又味精,首先本人真係睇唔出,我只係覺得好清好靚,況且,而家好似人地做染料咁去對色辦,去驗眼咩!跟本就搵野講,吹毛求疵,我又唔覺得其他牌子既mon同samsung比較,有幾大分別,
同埋又話佢膠機,你未買個陣都已經知架啦!你可以唔買架wor,無人迫你,而且由手提電話,到影相電話,到而家智能電話,咁多年來,大部份都係膠機架啦!唔係今時今日先係咁架bor,都唔明D人,點解咁都可以當係質量問題
其實每部機都有佢既優點同缺點,我相信大家咁貴去買一部手機個陣,一定睇過唔少資料,又或者睇過實物,試清楚先買,買左就唔好後悔,又話唔好用,又話人地D功能係垃圾,又話外觀無新意咁,只係你唔識好好利用人地D功能,同只係你用唔著,但唔代表係無用,係垃圾功能,而且samsung標榜既係各項人性化功能,呢個先係重點,真係去好好去利用下呢D新功能啦!接受下新事物,唔好未用就話無用,咁樣只會令自己唔開心,如果唔睇清楚就走去人買你又買,就梗加無得後悔,因為無人迫你買,無得怪生產商這樣那樣,要怪就怪自己買個陣唔睇清楚,至於外觀就見人見智啦!其實而家所有牌子部部機都係又長又方架啦!我唔知仲可以變化成點,除非可以好似以前咁,又推蓋,又番蓋個D,否則所有牌子外觀變化應該唔會太大.
期待日後samsung人性化功能可再作加強及改善

FHD 5寸芒夠大/靚，機身輕(因為係全膠)及細
顏色okay(偏藍情況大大減少)
頂級技術規格(到目前為止)
有插咭換電
網絡接收好，話音清晰大聲
鈴聲好大，震機夠力
上網好快，整體操作冇窒
拍照和拍片質素幾好
Firmware 4.2.2 夠新

定價貴
全膠機身(如果係全金屬就perfect)
4G+FHD芒，一定比較食電
容易發熱

機身係發熱，但唔算太熱，省電模式可以改善發熱問題
又薄又全膠，一跌就玩完(我估)，一定要買機套，仲要係有面蓋及較厚底果啲
機身輕/薄/細過Note 2 LTE好多
芒顏色比Note 2及S3好好多
原廠USB charger輸出係2A，平板都夠叉(好在我買嘅尿袋全部有2.1A輸出，一般手機嘅1A輸出已逐漸淘汰)
QC好，開第一部即okay
手機生命週期極短，有新買新一般冇錯(唔介意貴嘅話)
整體感覺良好，絕對推薦

1. 輕、薄、mon靚
2. run apps算快
3. 配件極多，拍得住埃瘋

1. 始終唔夠iphone咁順，需然唔「疾」，但始終蘋果係順d
2. 有d熱，唔係出面講到咁熱
3. 貴到曲街，跌價快，冇埃瘋咁保值

基本上五千以上的頂階機部部都各有千秋，但我只看重一點，就是電量。冇電的話，再勁都冇用。我之前用s3，發現有個香港牌子叫nohon，出背夾電，可以在不加長部機的情況下整到一舊一體式電池出黎。出面d背夾根本是「尿袋」，在冇電果陣過d電落去而已，而且容量唔高，過到盡都只有八成，而且過電中途會熱爆褲袋。

S3用左nohon背夾電之後可以有5000mah，一體式不用「過電」，夠用兩三日，非常誇張，而部機只係重左少少和厚左dd，完全唔夠大舊果頭。到左s4，佢又出左一樣的背夾，電量高達5600mah，在4G狂食電的情況下，無論我點用，部機都唔會冇電，正常用的話可以用兩日半。如果不是nohon幫s4出左同樣的電，我是唔會轉s4的，我忍受唔到唔夠電的問題

我而家用的s4是5600mah的電量，連埋個smartcover，非常好用，基本上冇一部機可以取代。呢個背夾電我上淘寶大約160人民幣，黃金地底中央田隔離賣港幣三百六。上淘寶打「s4、nohon」就有實物圖片

Smartphone 發展到了第四代，由最初最簡單的 Touch Screen 上網功能，到現在一部手提已經可以代替桌上電腦的年代，好明顯已經到了創新瓶頸位，所以各廠商都開始另闢自己的獨有設計，Sony 就主打三防玩外型，Apple 就繼續以強力的 Apps 支撐著，HTC 就以靚聲靚畫為號召，但三星呢？三星想玩 "用戶體驗"。論外型，老實 S4 比不上 Xperia Z 和 HTC One，論操作流暢，又及不上 iPhone5，那又為何還要選擇 S4？S4 有什麼值得用家購入或升級呢？以下我分享一下 S4 的優點：

- 機身輕巧，全機只有 130G 重，對比 S3 沒有增大尺碼但又加大了 Screen 至 5 吋，便攜性非常高，放落褲袋也很輕鬆。
- 5 吋 1080p screen 沒有之前三代味精感很重的感覺，這是為何我由 iPhone5 轉用 S4 的主因之一，因畫面細緻度非常高，而 SuperAmoled 有非常高對比的優點，令相片 detail 位好清晰，整體感覺很好，偏藍情況大為改善，值得一讚。
- 操作介面都是老樣子，不過很多體貼的操作強化了不少，用過三星或其他 Android 機轉用 S4 不會難上手，S4 那個打字的鍵盤應該是現今所有 Smartphone 中最好用和功能最齊的一個，速成中文輸入也極快速好用，聯想字為香港式，合口味!
- Screen 雖然為 5 吋，但大部份操作都可以單手操作，虛擬鍵盤可設定偏向左或右配合兩隻手單手操作，好方便，也因為 S4 本身不重，單手很好掌握。
- 耗電量出奇地好，2600mAH 容量的電池是其中一個因素，其實最大原因應該是三星有為 S4 作出優化的電池管理，在開啟 4G、Bluetooth、GPS、大部份體感操作和畫面光度調為自動的待機情況下，一小時會下跌 2% 電量左右，在同樣設定下使用中會 2 分鐘下跌 1% 左右，以 4G 連線又有如此 Spec 的手提來說已經非常好，日常使用由早上八時 100% 計到下午六時會剩 50 - 60% 電量左右，重度用家可以多買一塊電池，可換電是銀河系列的優良傳統，多加 $ 99 買一個原裝充電盒和原廠電池非常值得。
- 一般操作幾爽快，流暢感幾好，不過不知是否此版本的 ROM 問題，在一些畫面的轉動場面會有點 Lag 的情況出現，這不是軟件運作速度上的 lag，而是畫面轉動本身問題，而這情況是 Note 2 中沒出現的，可能是軟件在支援 1080p 畫面的問題，因為 S4 本身附帶的三星 Apps 是沒有此問題出現的，這要待進一步證實。但 S4 在日常操作配合 4G 連線應該是市面上數一數二快速的 Smartphone 了。
- 系統整合社群軟件程度比 S3 時代還高，簡單的說就是你想分享一張相片給某人、上傳到某個社交軟件等都非常就手方便，而 GroupPlay 功能也很好玩好用。
- 傳統的語音通話質素很好，明顯降嘈功能有下過功夫，一改以往三星機通話質素不太高的缺點。
- 相機功能非常齊，可以用好玩來形容，前後相機同一時間使用好好玩，場境選擇很就手方便，介面設計十分出色。S4 有個內建功能叫"分享拍攝"，只要附近親朋戚友用了 Wifi Direct 和拍攝者的手提連接後，拍攝者每影一張相就會自動和已連線的人分享，而 Wifi Direct 連接可經由 NFC 連接自動設定，這就是三星今次其中一個強調 "用戶體驗"的功能之一。

當然 S4 並不是沒缺點，以下是其中一些：
- 機身在玩遊戲時幾熱下，外國論壇也有熱烈討論，三星也承諾會升級軟件解決此問題。
- 相機啟動算不上慢但都係不夠 iPhone5 快，要快捷地從褲袋拿出 S4 想以 Snapshot 捕捉獵物要更快手，建議用一些可以在 lock screen 放相機 shortcut 的 Launcher。
- 內置容量不足，16GB 版本的行貨 S4 有 7GB 被系統吃掉，仲以為自己用緊 Desktop Windows。即是用戶只剩不足 9GB 空間，在放了相片和 MP3 後似乎不會夠用，建議至少添加一張 32GB 的 SD 卡，最大可支援 64GB，算是解決問題，不過內置可用只有 9GB 會限制裝 Apps 的數量，遊戲玩家要留意可否 App2SD 了。
- 價錢貴，淨機 $ 5898 已經是一部中上手提電腦的價錢，如果不是 Smartone 有用戶九折買剩機的優惠，我現在都應該還在用 iPhone 5。

在使用了一個多星期後，S4 絕對談不上有非常大的驚喜，但用家會發覺 S4 把市面 SmartPhone 應該有的優點通通都 combined，配合很多很多的體感操作 (可參考 DCfever 的介紹)，令用家有非常好的操作體驗，輕易融入網上和身邊社群的世界，把人與人之間的距離拉近，或說是令人更容易透過 Smartphone 交流了。有人說 S4 的外型無驚喜，這個我是同意的，因為太似 S3 了，但 S4 是強調操作的四代機，如果是因為外型去選擇手提裝置的人，那 S4 一定不會是你杯茶。S4 是要給你一個輕巧、畫面大、又容易操作和強大硬件功能的手提電話，市場上有如此體積又要如此 Spec 的，S4 暫時是市場唯一了。

mon靚,色彩鮮豔,容易操控,功能又貼身又細心方便同好有用,影相靚(只在日間),通話清...

晚間影相差,4G食電重未改善到,有時唔流暢(行貨版),開App同開相機時間比S3LTE慢(行貨版)

本身用開S3LTE都好好用,但S4吸引力太大所以換左部行貨先,但令我非常失望,以上缺點真接受唔到......用了兩個月終於忍唔住換左部韓水S4LTE-A E330S,完全解決晒上面D缺點,真系估唔到韓版新CPU(高通800)系咁勁,速度快唔在講,重要慳電左,接收好左,所以各位如想買S4真係要買韓水哩部冇得輸...

(1)用電方面不錯，加上有得換電，唔洗帶尿袋！
(2)效能方面很強，打機，睇片一流！
(3)5寸芒夠大，但無因此變大，反而輕左，抵讚！
(4)配件選擇多。
(5)4G上網快、快、快！

手寫認字差
前鏡唔夠廣
周邊易花
定價貴

首先我未用過三星機，之前用過HTC one x
本身打算買HTC one ，但覺得4.7寸同之前一樣，無得換電，無得加卡，最重要係缺貨！
雖然講質料係htc 好，但唔代表用膠一定係唔好。
至少用膠較輕，加上好多人都會買機套用，D機套咪又係用膠。
HTC one用金屬易花，咪又要買機套。
至於sony z雖然係靚，但介面唔得!
可能我無用過s3，所以唔係太介意s4外型。