優點:
1. 電量棚拜. 自從進入智能手機世界後,佢係我用過電力最強既機種。
2. 呢個呎寸做彎MON, 放係屎忽真係比同呎寸機舒服得多。
3. 背部開關手感同按壓感完勝三叔同索尼
4. 軟件幾細心,除左可以雙CLICK 開/關MON. 亦可以獨立選邊D APP FULL MON. 條BAR 會閃埋一邊,留番個箭咀仔貼住個MON邊,細心之處係:個箭咀仔都可以郁,確保無野擋到個畫面。
5. 無敵的接收能力. (電話訊號及WIFI)
缺點:
1.MON殘影好勁! . 留意下二手價係咁插水就知. 全因為個MON. 佢個MON做到1080. 呢部機有排唔會插水,多多人要。
2.有點跣手。
3. 影相奇差無比, 唔係夜晚,日頭係室內影出黎D相人地都以為係用前鏡頭影既。
廣角鏡(類似SONY一掃全景) 簡直混醬,D相每個位要HOLD住幾秒,唔係影出黎濛過濛太奇。
評價:
呢部機我會長用,因為舊電實在非常勁,我八點斷叉電,無就住用,凌晨三點仲有37%,新年期間我去左旅行,照上網及用百度地圖,玩一日番到去仲有60%電。
同樣用法,IPHONE5 7點20% (就住用), SONY ULTRA 就7點35%左右(就住用)
但可惜佢個MON實在死症,我睇小說,白底黑字,去下一頁,上一頁D字仲會出現係畫面三秒左右. 三秒喎.
就算唔長時間,我開開個控制台,出番去都會見到個殘影D野係度,我發覺只要個色差對比較高,如黑白/沈色和粉色、螢光色等一齊出,就會留殘影,睇一秒都會有。
我老細都想出呢部機,佢用緊GALAXY 3. 佢一拎我部機上手話: 正喎!! 一開左個MON睇左一陣, 佢話: 我都係唔出咯... 其實佢個MON唔差. 但睇開依家D高清MON, 望番落去係好大差別。
佢個接收,可以用超班形容. 我係工廠區,去痾屎永遠只能睇小說,因為厠所係死位,無訊號,呢十年都無一部機有訊號,但呢部機除左有兩格!!! 連出面個WIFI都會收到一、兩格,我唔知佢條天線用咩做。
仲有就係LIFT, 收唔到就硬加拉,佢一開LIFT 門,竟然即時收到,一關LIFT隔一陣又斷。
總括而言,NEXUS令我對LG印像由垃圾手機生產商變為有點好感,G FLEX 令我覺得佢掂過SONY.