金屬機身
立體聲揚聲器

金屬機身,但機身十分熱,熱得過分(HTC香港維修部說發熱是正常)
電治快冇電,於沒有任何程式使用下的待機,可以由早上2:00的100%到早上9:30淨下50%(HTC香港維修部說電治是正常)
顯示屏間中出現死線(HTC香港維修部說顯示屏是正常)

如果沒有問題,我又為何要拎去維修呢,我時間特別多?
HTC香港維修部說什麼都是正常
難道於他們立場,這全是正常
本人對此品牌已完完全全失去信心

-因為htc sense好用及有beats耳機加持而買htc one x 從此對htc產生好感
-因為金屬機身,ultra pixel同雙喇叭而買htc m7
-因為雙鏡頭設計及有好好既造工和手感而買htc m8
-但有朋友講htc手機發熱問題未解決 耗電問題未解決 影相(特別係前置鏡頭)既成像又差過其它手機 硬件輸蝕 軟件冇突破 問我點解仲要買m9? 我冇理佢 最終買佐部2手m9 但玩佐半個月就賣返出去 因為我覺得htc已經走向沒落 冇d新意同突破 唯有期待新系列手機有更好表現 例如係A9

音樂高水準，尤其分析力
外表（主觀）
手機大小剛好完美單手（對我嚟講）
大聲，音樂和鈴聲都係
自拍出色

發熱（人所共知）
電力（比我部note2，少一半都有）
軟件閃退（例如wechat）
主鏡質素真係一般

M9嘅優點缺點都係明顯，我就比佢的優點吸引咗
最吸引我的係機身造功，我個人覺得係手機中最好（諾基亞級數）
不過軟件方面，真係差到貼地，我係htc老闆，實炒曬軟件班人
電力之差，真係扣分最多的地方，充電又要十個鐘（雖然充電前reboot變二個鐘）
半成品拎出嚟賣，HTC自己打爛自己個招牌，可惜可惜

i don't know about the m9 but i have been using the m8 for half a year and i would never give htc another chance. it's simply garbage.

1. the design is completely a copy of iphone
2. the battery is very not durable. i have used it for half a year only without overcharging it, and the durability has already dropped significantly.
3. cameras is great but it's easily scratched, every otherpi i took i feel like i'm in the cloud.
4. user interface is rubbish, the album is extremely un user friendly making it extremely hard to organize photos. the bottom buttons (back, home, options) cannot be customized, yet another feature i cannot stand
5. charging is extremely slow. takes like 4 hours to fully charge
6. very very incompatible with facebook chat which i use frequently. it's constantly lagging.

in conclusion, i have decided to go for lg g4 after just half a year.

think twice before choosing htc. i'm so requested that i choseo to write here.

整機優化在細節裡
樣樣都好點
金屬加工精細
聽歌，拍照，顯示都有水準
留心聽歌比大陸Meizu加咗甚麼東東特異功能的音樂都好，立體聲，清晰度，音樂感都好， 之前買了Meizu MX Pro, 失望其整體表現，貪平.搏平靚正心態。
拍照軟件升級後，清晰度，感光都改善好多
接收能力唔錯，同台三星 Note4, 可以收到電話，但打不出，呢部M9重可以打出打入。

電池死症，耗電快，比起Sony Z3
HTC 班市場部炒得，

賣4500合理，6000不值，比起4000～5000元的手機無過人之處

比M8更為優勝, 每一種規格都有所改善, 不需再講

電池容量仍然不去改善 ( 雖然有尿袋, 但都要電池容量多, 耐用才是皇者. 因為此手電不能更換電池)

拍攝方面, 雖然提高解像度, 但是, M9光圈非常很差. M9 比 LG G3 更是天與地比較. LG G3 的拍攝, 完全勁靚......

只要講出缺點, 去改善, 才能進步! 才能進申全球手機品牌廠商頭 3 位之內....

由於此機 M9 (台灣買的) 不合格, 因此, 已 TRADE IN 購買 IPHONE 6 PLUS

手感，外型幾好，聽歌唔錯，好順

部機用一陣就熱，夜景，暗地方影相雜訊超勁。影人、係mon睇人像膚色偏向深紅，不太討好。,唔開boom sound好d，因d back ground声蓋過人声，另外唔覺有dolby 環回立體声

用開5.5吋mon ，所以5吋mon細了點，要時間適應，寧靜環境下用earphone聽歌厎燥聲明顯，近6仟元完全唔值

1. 全金屬機身 髮絲紋處理 金鑽銀極靚 係我見過嘅電話裡面做工同設計最靚嘅一部
2. 機身設計好好手感 比想象中輕 唔會有滑手亦唔會有介手嘅感覺
3. boom sound speaker一流 第一次係屋企聽嘅時候好有嚇一跳嘅感覺 佢音量嘅一半已經係iphone開到最大聲嘅音量
4. 承上 加上有dolby加持 立體感好好 睇片打機亦一流
5. 5吋1080p mon啱啱好 好清 既睇得舒服 亦唔會大到單手操控唔到
6. htc sense 一向係android ui裡面做得數一數二好 簡單易用 Blinkfeed亦有新增提供附近餐廳嘅提議 幾有趣
7. sense 7 加咗可以自己客製化嘅部份 由ios返嚟android見到一部有咁多地方可以自主更改嘅部份嘅電話有啲感動
8. sense 7 亦加咗首頁因應你位置而自動變換嘅常用apps版面 幾貼心嘅設計
9. 送嘅earphone係我聽過嘅電話earphone音質裏面最好嘅 (利申 聽開DAP + se535)
10. 新增4K錄影 (雖然仍未試過 但應該會有用)
11. 通話音質清晰 htc嘅撥打介面亦好方便
12. 電雖然唔算特別多 但啱啱好夠成日用
13. 為人詬病嘅三下巴終於可以收起 可以更好咁利用5吋mon
14. 有旗艦機應有嘅流暢度

1. 金屬機身 加上用snapdragon 810呢隻8核令佢容易發熱 琴晚一邊差電一邊不斷播片同down apps咁玩咗成晚 都幾熱 不過正常用嘅暫時最多只係微暖

2. 主相機的確有點失望 本來以為升2000萬像素後會表現好啲 但係房 夜晚 但有稍弱光源咁影 出嚟嘅相嘅油畫感好重 而且佢未有防手震 夜晚及光源較差嘅室內揸得唔穩嘅都幾容易見到鬆郁矇 不過日光下同室內夠光(如係百記試機)都ok

3. 呢兩個缺點有望喺firmware upgrade下改善

(純屬主觀感受 寫得比較長 若純粹想客觀睇部機嘅上述優缺點已經講晒)
我承認，我對htc係有情意結。

自從第一部smartphone用上htc magic以後，一直被htc所吸引。我有用過其他android機，但發現能夠好好咁整合android，令佢更好用嘅廠商並唔多。Samsung，LG，Sony都做得唔錯，但我自己覺得最好用嘅，都係htc。佢係好多細節都有人性化嘅設計會比到驚喜你。htc sense令你可以簡單咁用部電話，亦可自己set到最適合自己，令你用電話用得更舒服，亦唔需要刻意遷就個電話嘅設計。

htc magic到htc sensation xe後，打算轉一轉口味試吓iphone5，原因係當年app store始終做得比play store好，app都係keep住高質嘅。啱啱當年我出ip5嘅時候htc one m7橫空出世，手機界趨之若鶩。掙扎過，但最後因為上述原因決定出ip5。無可否認ip5係好用，但ios同htc sense係完全兩個對立面，ios係設計咗固有模式要你遷就，無咩比你自主嘅空間。更重要嘅係正正因為佢係iphone，所有嘢做得好係理所當然嘅，用嘅時候唔會有驚喜，而當佢做唔到一件事嘅時候你會倍加失望。

2年後我手上嘅ip5嘅電經常差唔到(iphone一大缺點之一，一定要用原廠線，用得耐咗亦未必差到，試過一晚蚊蚊插插幾十次都keep住pop up "this accessory may not be supported"都差唔到2%電，後來再換線先得)，而且電量倒水倒到一日正常用法都要差三次電先撐到，令我決心換電話。

當時m9未正式發佈，但基於對htc嘅好感同m8嘅口碑，決定等m9出再換機。發佈會過後見台灣forum有好多聲音表示不滿，覺得m9外觀無重大改變，無2K mon，亦放棄咗m7 m8主打嘅ultrapixel好差，不如唔好升級。我亦因為咁猶豫咗一陣。

由於台灣市面較早推出，所以可以先睇台灣個邊嘅開箱文觀望一陣再決定。睇完咁多篇評論文後，再係市面上摸過實機以後，金鑽銀呢個色配金屬機身真係令部機成個工藝品咁，最後都係決定買m9。

其實m9並非無改善，而係將所有升級都放喺細節裏面。簡單幾個例子可以見到
1.m8容易滑手，m9就做咗一個好揸手，而且防刮嘅金屬設計
2.power button之前置頂唔好用，就將佢放咗係右邊容易接觸嘅位置，並且加咗特別嘅髮絲紋令佢容易辨別
3.三下巴令個5吋mon用唔盡，就新增可以收起功能bar嘅function (感覺其實幾好用)
4.boom sound加入dolby技術令佢聲效更完善

唔好忘記m7,m8始終係已經好完善嘅設計，htc選擇m9繼承佢優點並着眼喺細節上加以改良，令本身已經好嘅user experience更上一層樓。而事實上無幾多廠家會有htc咁執著嘅堅持，去做一部咁難處理嘅一體金屬機身。佢出眾嘅機身設計，細節嘅改善同htc sense 7 嘅配合都令m9成為市面上最好嘅android機之一。

至於唔升2K mon，係因為好多人並無辦法用肉眼分得出1080p同2K嘅分別，但如果為咗一個無太多用家分到嘅升級，而要令本身易熱嘅機身因為咁而增加發熱嘅機會，及降低效能嘅機會，並唔值得。 見samsung s6比拼ip6就知，理論上s6所有spec都好過ip6咁滯，但2k mon卻拖慢咗佢嘅表現，與其係咁，我反而覺得htc選擇專注做好m9嘅1080p display係一個明智嘅選擇。我一直睇住個mon都覺得好清好舒服。

由ip5返嚟htc嘅我呢兩日用部電話用得好開心，至少電力問題唔再困擾我，部機亦有好多小驚喜比到我，而且揸上手真係好好手感，覺得好舒服。至於缺點講嘅兩樣問題，htc對旗艦嘅支援一直充足，我相信佢可以利用firmware upgrade去改善呢兩個問題，令m9更臻完美。

寫到咁長，唔知有邊個真係會睇晒。希望我呢篇極長嘅文對猶豫緊嘅你有幫助，如果你真係掙扎嘅，不妨去摸下實機再決定。都係個句，用電話最緊要啱自己，自己開心就得。

承傳M7外形，較M8方一點
銀金堅靚
有插咭
開關制置右中
聲響都係贏晒
FULL HD MON慳到少少電
前置鏡頭用M7後置
KEEP紅外線
改良的DOT VIEW
HTC軟件上的優化

效能同M8差唔遠
邊位界手一點
下巴比M7長

多得兄弟從台灣帶回，有得首發心得
由M7上M9絶對合理，而家D手機商都係學晒APPLE
少少改良就出下一代，乜4、4S、5、5S、6咁
隔代升級先有大不同

因未用得好耐，未試過係咪真係過熱得好過份
事關都習慣M7的大熱同少電量...

金屬機就真係至愛，這點好難妥協
M9在AN陣營就應該係代表，造工冇對手
長下巴既外型可以話係性格，對聲效執著的取捨，可接受

HTC另一強項就係軟件
M9已盡5.0所能保留最多自由度給用家，值得一讚！
電話、連絡人、相簿、相機等自家軟件就真係核心價值，細心到你唔信~

M9若快點出64GB、其他特別顏色
吸引性定必再高！