LG G4

評測報告

實拍照片

影相顏色自然
用電速度不是所有人講想像快
好少APPS附送
運行速度幾順
有紅外線, 收音機

機背喇叭

有以下幾點
1.) 如果不是時常打機,只是WHATSAPP, 上吓網,真係用到一日
2.) 打機當然熱喇, 但可以接受, 之前係HTC M7, 打機超熱.G4, 熱力MUST接受到. 都係打同一隻GAME
3.) 未有問題,唔洗維修. 但應該會比ASUS好, ASUS的維修,真係唔掂....
4.) 用電速度,我一定接受到, 打足4小MHR機先用完, 仲想點? 去到15%, 都仲可以打到5-7埸......
5.) HTC M7 只有兩個POINT可以WIN, 聽歌和機身喇叭, 所以仲KEEP住
無後悔買LG. 真係進步了很多

Mon靚 夠光，色夠準，手動夜拍超強，流暢度極高，對於2k Mon 黎講電池算是耐用，相比同級機電量都差唔多，用一日完全唔係問題，可換電同插卡，通話清晰，相比歷代，有4g volt通話，弧形屏幕設計，通話時非常舒適，手感非常好，沒有滑手嘅感覺。

粒u 都係有微熱，但都可接受，鈴聲同信息聲大細聲，不可分開設定，配件比較少，外型不太好看，沒有太多缺點！

用過近期旗艦機，依部個人認為最滿意的一部，除左外型，各方面都做得好好，睇下片半小時，download下 apps , fb 中用量，whatsapp 中用量，連待機大約用到14-5個鐘完全無難度！影相同同級嘅機大家有得較量，一部好機！絕對好推介！

- 靚MON,色水比G3更好
- 順
- 快
- LG內置小工具其實好實用,例如日曆,鬧鐘,QUICK MEMO
- 冇乜廢APP

- 電量不足(好彩有得換電)
- 輕微發熱
- 機身彎曲,打字時會左搖右擺
- 難買靚套
- 跌價快(但4698入手已唔錯)

接近完美的手機
有些微缺點,但大多可補救到
強烈推薦使用

1) 弧形好貼手, 拎上手好舒服
2) 螢幕色水好靚, 雖然我覺得之前用個部GPRO2 色水好似仲靚D, 但相差不遠
3) 2k 螢幕, 我以前都會覺得用2k 同1080p 肉眼係分唔出, 但原來用起上黎真係分到架
4 OIS 好勁, 勁暗環境 快門 0.5 秒都可以唔BLUR
5 操作冇遲緩, 作為旗艦機我覺得都理所當然既
6 通話一向不是LG 強項, GPRO2 通話質素直情可以話係差, G4 好明顯有改進, 同moto/nokia 個類牌子雖然仲未有得比, 但都唔錯架啦
7 影相冇得頂, 下面再講

1) 電池續航力唔算出色, 同S410 低階機比當然耗電D, 但我感覺同GPRO2 差唔多, 唔多打機既話, 間中whatsapp 上陣網, 上陣forum, 影下相, 一日一差根本冇問題, 老實講, 打工仔都唔容許你一日到黑機不離手吧 (就俾個即時例子你, 部機而家差滿電待機左6個半鐘, 今日忙足全日所以screen on time 只有約15分鐘主要上網同whatsapp, 影左幾幅相, 係咁多個鐘待機前提下電量跌左4個% 即係淨低96%)
2) 發熱輕微, 相機附近是熱力來源, 但可以接受唔算犀利
3) 鏡頭抗耀光表現差, 面對強光源要小心就一就個取景
4) 雷射對焦算快, 但未至於講到咁超級快, 尤其低光環境 (定係我要求太高?)

食電, 操作遲緩, 呢D 真係要睇你點做基本tuning, 將無謂既services disable 左佢, 去開發人員選項關左d 過場動畫, 耗電同順暢度都大大提升, 同埋要睇你使用習慣, 如果一日起碼打10個8個鐘機既, 請買粒後備電, 或者買部核電機

影相真係好sharp 好靚, 日頭相我相信你拎部rx100 影都未必有太大分別, d 相過落電腦睇都係好靚,同埋佢處理方法同iphone 有點相似, 會將幅相推光少少, 如果唔鍾意既, 你可以去manual mode 自己調教

講開manual mode, 我又唔明點解可以咁弱智, 第一佢係永遠固定光圈在f1.8, 在暗環境佢驚你手震所以快門最慢只會維持係1/8 左右, 變相iso 要推高, 但當你自己set 返低個iso, 佢就會停左個自動測光架啦, 要你自己計返應該要較慢幾多檔快門, 難道唔可以好似普通相機a-mode 咁用嗎?

不過點都好, 呢部機入手$4698, 聽聞細鋪而家跌到3千尾, 呢個價真係冇野好講, 抵到爛, 淨係個mon 同相機已經令我好滿意

接近完美, 充電快, 畫面超靚, 有立體感, 價錢合理水貨低於3千元, 外形突出, 專業拍攝, 速度快, 可拍4K, 可接收 4G(CSL300速)之速度....

沒有 4GB RAM, 沒有 8核CPU, 電流量快(視乎如何使用), 但充電更快...

回應: carl666

如果係垃圾, 你為何還要用, 送比我啦!

還有你說的缺點, 說買回來已經什麼什麼, 根本你是買部 2 手壞手機.

如果是1手新手機, 買回來是壞, 可以立即退貨或換貨 , 因為未夠 7 天.

何必免強繼續用. 其實你有沒有買來用呀. 你條死豬西

用咗一星期，未試過無故發熱放電突然用用吓hang機開唔番著問題，反而早上八時開始返工，睇新聞，下午打半小時機，睇吓金股至專(股票)，Whatapps，收工聽一小時QQ音樂，晚上七時仲有30-40%電，好過三叔下午二點得返15%就要做腎病病人用尿袋，聽電話聲音比三星Note 5好，如果開埋Volte又快又清，重有正方返回鍵返回有全部清除程式動作，每次提醒保證待機冇程式開啟，每次清除後待機試過返工開4G冇用電話1.5小時還有97%電，三星就平均一小時15%，因我朋友買了我的Note5裝野一樣，今日做測試，結果一樣三星五小時就要洗腎，我就用了十六個鐘，好在冇信班三星打手。

按紐組合比D唔等使比你，有等於冇，選鈴聲用MicroSD，唔識分Folder要重頭搜到尾，分Folder冇Folder顯示，(要將一個合拼另一個然後改名)，

我用韓國Verus防撞散熱機殼，有時打Candy有小小熱，其它時間熱都唔熱，電池一日用9-12小時一定冇問題，(三星5-6小時就得反30左右，電池設計生產有問題)，一句講晒唔裝咁多大陸apps就電一定襟發熱機會都小D，咩省電軟件，防毒都係偷電發熱專家，你試吓應用寶及騰訊管家Update就GooglePlay，Youtube都不能運作死機重啟經常發熱，更不明咁多用家兩三小時就冇電話又要Tradein換Note5，我就係頂唔順Note 5轉來，用一星期好滿意，而且在福仁二樓買$3450雙卡行貨重想點，我寫完摸吓部機都係涼冇發熱。﹙29/12-2015補充現在更新去Android 6.0後可將Google音樂圖書電影等停用及待機程況下剎掉那些不用的程式，我前兩天用12小時還剩60%電，今日用盡只看Facebook，Wechat，Whatapps等26小時還剩20%電﹚。