優點:
1. 操作速度不慢
2. 相機一流!! 昏暗地方表現尤其出色~ 雖然放大少不免有油畫化的出現,但我只用來上載 Facebook,畫質足夠有餘~
3. 內置無用Apps不多,比另一品牌三X好多了
4. 大芒,靚、清楚,用過返唔到轉頭了
缺點:
1. QC有問題!! 全新機用左5日,除左基本的常用 apps 外,冇裝咩野,但竟然自動不停重啟。24小時內重啟32次(未計我睡覺、返工唔用既時間)。看來出廠質素未達標,有待改進
2. 同樣QC出問題!! 今次係電池出問題!! 睡覺前100%電,只開wifi,其他全off,起身竟然餘下10%電.... 電池是全新包裝拆下來的.... 可否告訴我佢地老闆係唔係得罪左 QC 部門....
3. 同樣地,今次係火牛.... 其實由用既第一日已經聽到有聲,覺得唔多安全。但一直充到電就算。但諗落都係覺得搏唔過,準備拎去維修部了
評價:
老實講,部機硬件體驗係唔錯的,影相質素尤其驚為天人。
但同樣嚇驚本人的係新機竟然不停重新啟動,電量跌到不合理。待機都咁食電法,肯定有問題。所以我唔係怪個設計,但好難避免唔去問候一下QC部門,究竟係腦細無出糧,定係QC睡覺待機中?
各位師兄如果有興趣買呢部,我會覺得只要你唔怕遇到QC既問題,係值得買既.... 不過就未必個個咁好彩向7日內遇到可以換新機囉..