Sony Xperia C4 Dual

評測報告

實拍照片

-平呢樣真係冇得走雞,窮人恩物
-雙卡
-螢幕算幾高清,靚
-預載程式唔算多,就算多都可以del
-打機流暢度還可以,機身亦唔會太熱太lag
-電量尚算夠用

-影相真係完全冇得頂,說好的SONY影相比較好呢?仲衰過三叔三年前既NOTE2,完全唔似其他機既千三萬像素,要我講可能連800萬都俾多,蒙到連人樣都睇唔清,係最令我想放棄佢既大原因
-自帶既輸入法過於敏感,容易襟錯制(轉左GO輸入法好左)
-經常無故熄mon,黃mon
-售後服務負皮
-轉珠類遊戲唔暢順
-解鎖屏幕偶爾失靈

分開以下幾方面講下用後感:

影相:呢方面係令我印象分跌至厭惡既階段,當初買果陣個個都話SONY影相實冇死,我就死到應一應,抹左百幾次鏡頭,影出黎既野都必定係又蒙又低清,連文字都好難睇得清楚,當影相都係咁既時候拍片你唔洗我多講啦

打機:我唔會話打機人士唔好用,因為視乎你玩遊戲既種類,個人玩白貓呢種3D RPG感覺尚算良好,四人協力既時候都順暢執行,協力間中斷線我信係白貓垃圾SER既問題,單人任務都冇乜問題

但唔知點解轉珠類既遊戲反而未達水準,比如TSUMTSUM既轉珠速度明顯係lag左半拍,判定都好奇怪,以前用NOTE2並未有此問題

日常運用:解鎖間唔中會痴線,我用圖案既佢detect唔到我畫左乜,其餘都ok,youtube睇片幾流暢,畫質交足功課,其他社群軟件都用得好好冇乜野講

外觀及配置:因為屋企人揀左薄荷綠我唔想撞揀左白色,佢個薄荷綠係幾清新既,但原生sony介面有D奇怪,尤其係程式排序比較亂,揀左幾種排序方式都係唔人性化,後來轉左用坊間主題包,又會好容易同sony衝突到,部機有時會死左「XXX桌面已中止」呢類警告,唔慣sony介面既話我建議唔好試

由於我係有打機既,所以電量會倒水係正常到不得了(個人暫時未聽過有邊部神機係可以長時間打機唔倒水,iphone都做唔到啦大佬) 但佢倒水既情況比我想像中理想,連續打兩個鐘機都只不過由100跌到79左右,呢粒電唔算大我覺得已經做得好好

總結黎講,以3K以下價格既手機黎講性能上佢算係交到功課,但未係最出色,尤其都係本機既影相功能,完全整花左SONY個名,連一般拍攝質素都比唔上
如果唔太常或者唔介意影相功能,純粹想搵部就手,打機OK,運作流暢既機,呢部機或者係你最好既選擇

平
三個插槽 SIM1 SIM2 及 SD 卡
支援雙卡4G 互換
支援八達通SIM
設有獨立相機快門鍵

電池不可更換
雖然不會當經常當機 (Hang 機) 但超慢 唔順暢 會玩遊戲的不要存有期望
只會打電話 用Facebook whatapp wechat 的都會覺得慢
任何情況 剛開機 或者已開大半日都一樣

新買一星期後 因為鏡頭對不到焦已送維修部
第二天才可取回 上星期又因為 忽然關機 之後搞了15分鐘才有些反應
但只不斷顯示 SONY logo 不能成功開機 又到維修部一次
職員表示 同時按著開關及音量制 便可 Hard Off
我在維修部試了3次才成功 再開沒有問題 但SONY職員表示如檢查
後沒有問題 便會重新安裝系統1次 但不會更換零件 亦不會換新機
我說新機已第2次維修 為何不更換新機予客人讓我安心
反正覺得不會為我維修零件 又要等1天才可取回 資料及APP都會刪除
所以沒有放底 第2天已 Trade in 買新機 HTC One E9+ 都是MTK CPU
起碼會流暢好多
在瀏覽器 相機 其他APP 按反回鍵 一般要半秒至一秒才有反應
初時以為 SONY鏡頭會比較好 但拍照超失望 相信 Samsung Note2 Note3 還比他好
有如其中一位師兄發表的用家報告 日間光線充足 只算是普通質素
夜間有燈相片會變白 不夠光 雜訊超多
對焦慢又唔準確 HTC 比他快很多
我勸大家都不要買此機 不是MTK CPU 不濟 是此機先天設計有問題
就算新出的C5 都不要試 兩三千的機種太多 不要做SONY的白老鼠


我沒有講大話 有拍片為證
http://58.177.86.62/SonyXperiaC4.mp4

4G雙咭雙待, 適合中港工作人士
5.5 吋屏幕, 1080p
可插記憶卡

影相質素只屬入門級
跌價快
不可換電
跑分超過4萬分, 但有lag

呢部機可能係sony 的失敗機種, 如果唔係會點會3個月後出部c5 呢? 跑分超過4萬分, 但會lag, 不能與旗艦機相提並論; 唔打機一般使用冇問題, 0 機價不坊出來玩下, 你預呢部係入門機, 就唔會失望

1. 用起來幾流暢
2. 用Stamina 模式可用日半(只能說待機)
3. 同時可放雙咭及記憶咭
4. 介面不算複雜

1. 拍照完全不成, 按拍後要delay兩秒... 主鏡日拍已不清... 而夜攝不開燈就模糊, 開燈就全白. 自拍鏡只能說中規中舉
2. 打短訊時, 如想把字放大看會freeze在同一畫面. 要出一出apps再入番先可解凍...
3. 語音出字也常無反應...
4. 雖說有省電模式, 但一上網或打短訊, D電就像倒水般用乾, 因不能換電, 不帶尿袋真的不放心...
5. 試過幾次自已restart. (很多 Andriod機也有這問題, 而 apple ios 也會彈app)

月頭去日本玩, 帶了iPhone 6 plus 及 這部 C4 去, 第一天試拍後, 已完全放 C4 在背包中. 當然跟最強夜拍的iPhone 6 plus 比有點不公平, 但日間照也交不到功課真的有辱Sony之名...
電量更沒話說, 那麼熱的天氣 i6 plus 全天打機上網查東查西加不停拍照也剛好頂到一日, 而C4只能用4-5個小時, 還要是不常用...

之前用過Sony Ericsson neo v 成年多, 覺得拍照聽歌也十分不錯, 但到今時今日介面易用咗, 快咗, 但最實在的東西反而退步咗. 有點失望.

新買用左三日，影相真係唔得，太易蒙，近鏡影對焦位清晰但對焦位外又蒙又白，一係就太光一係就太黑，影遠野成張相蒙，影相真係好唔點。
前至鏡頭反而好好多無咩缺點。
令外部機好易會熱

相機 喺唔夠光嘅地方 唔夠清
雙4G 係我會買嘅其中一個原因
我主要係玩兩個 game Clash of King 同鬥地主
大部份時間都發輝唔到應有速度
啱啱尋晚 Sony 可以透過 wifi update 過一次
仲以為上 5.1 點知up 完都係 5.0
up 完好似快少少 啱啱買返嚟嗰幾日 慢到要回復原廠設定....,
特別提醒 3HK 用戶, 如果你係4G plan 又想 share wifi 出嚟, APN 要 SET share.lte.three.com.hk

我喺電訊數碼買 $2,498 咁嘅價錢 算係咁囉