優點:
外觀 (水映藍) 真係好靚 , 底面玻璃 + 金屬圍邊 , 圍邊打磨得好靚好滑 , 一拎上手就覺得比以前既 Z 系 , 明顯靚左好多 , 廣告都係賣"靚係好緊要" , 已經吸引左想買。
Mon 畫質算合格 , 但當然輸比G4啦。 但敏感度好好 , 準確無誤 , 相反G4有時會會無反應同誤觸。 睇Dcfever網頁最明顯 , 大家都知呢個網頁又多野又細粒。
買佢第二個主要原因 , 音質 ! 支援 Hi-Res + 耳機優化 及 DSEE HX , 插耳機推力大左 , 插高級耳機特別明顯 , 直插 XBA-A2 都夠推 , 音質 Excellent , 低頻彈下彈下! 但 XBA-A3 同 Z5 就差D啦 , 始終旗艦耳機好大食 , 用耳擴吧。
與 G4 相比 , G4 音樂setting過份簡單 , 音質也算一般偏好啦。 但唔係好夠力推 XBA-A2。
影相 , 始終係用左 G 鏡 , 色彩係靚D。 但係唔夠 LG G4 咁銳利咁清晰 !!??
SONY 作為相機大牌子 , 影相功能(只相比銳利清晰度) 竟然唔及 LG ...???
我係用屋企隻韓國女布公仔 , 睇布紋條理來相比。 我大機D鏡頭都係咁樣試。
有防水
電力耐用呀 , 差一次 相比 G4 要1.5粒電
缺點:
外形太靚 , 唔想用套 , 但又怕整花 ...
介面好悶 , Xperia 咁耐都係呢個樣 ...
過熱? 影相唔會點熱 , 打機會熱 , 但唔算好過份可以接受。 相比G4差不多 , 打機一樣咁熱 , 鏡頭位置最熱。
評價:
同時有 Z3+ 同 G4 , 相比再相比 , 最後揀左 Z3+ , 都係因為個樣同音質。
因為影相我會用大機。
仲有 ... SONY朋友一定會用既 Play Memories Mobile ... 仲未支援到 G4 , 同 G3 升左5.0 , 即係過唔到相 !
小測試 , 將 G4 的 Quanbeat 3 插到 Z3+ , 即時升左level , 唔似跟機耳機 , 都有D水準架。 而 Z3+ 跟機的耳機 , 唔好提 , 我直頭唔會去試囉。