優點:
1. 充電真係好快
2. 指紋解鎖真係好輕易好快好準
3. 相機對焦真係好快, iphone/note5速度, 影小朋友一流, 質素我覺得我呢D業餘完全可以收貨
4. 唔似其他牌子一大堆垃圾app, 原機得d計數機, 日曆, 時鐘等apps, 其他所有野都要自己裝, youtube gmail translate等都要自己去裝, 感覺好乾淨
5. 運行時都好順, 希望一年後都咁順
6. 1080P 我就覺得好足夠啦, 反正我唔會拿顯微鏡去睇, 色望落我就覺得好順眼, 唔似華X MATE7 D色望落好似大陸山寨機味道, 你試過開個生果日報APP你就會感到果種山寨味
7. 手機溫度好, 完全唔會覺得好辣手, 只有充電時一開始有D微溫, 其他時候都好涼
8. WIFI聽人講好差, 用落又幾OK, 另外4G訊號好快揾到 (坐完電梯計)
9. M back 制真係好用
缺點:
1. 聽歌真係唔錯, 但去唔到宣傳咁講咁''兇狠'', 我用shure 535 limited, 中頻都幾ok, 不過我未用無損file來試
2. 雙click著機唔係太靈敏, G3好過佢
3. 配件難買
4. 由G3轉會過來, 佢個QUICK MEMO真係係日常生活同工作上太好用, MEIZU唔知有冇類似既解決方案
5. 只有4x4格桌面, 真係好唔足夠, 另外頁首外, A頁係取消唔到, BUG??
6. 雙卡槽又係有個要同SD CARD共用
7. 震機唔係真係好震
8. 港行又遲出過國行, 820都就來要出場啦, 不過都快過小米
評價:
1. 呢個價錢你想點啊, 你會睇到MEIZU既野心同誠意, 絶對唔會輸大廠野
2. 我同屋企海關一人一部機, 初頭佢都好抗拒大陸機, 話佢會爆炸, 我就話APPLE SAMSUNG爆炸你就會解釋係用山寨配件, 如果MEIZU TOUCH WOOD爆炸你就會話係手機QC真係好差??
3. 海關又問我大陸機一定好多監控, 比阿爺HEAD住, 我就話我未見過一部機咁CLEAN, 同埋佢安全中心, 係可以隨時管理任何APP既權限, 邊個安全D?? 我覺得好似仲安心過我以前大廠野
4. 用左咁多日, 屋企海關收晒貨, 話"好好用"囉, 個價抵到爛
PS. 依家好多人鑽牛角尖, 用顯微鏡, 用放大器去揾大陸機點解平過同LEVEL大廠機2-3K蚊, 從中揾一大堆缺點, 咩手機個邊界手造工差等等多餘野, 老實,如果要咁揾缺點APPLE 咪一樣咁多,所以如果因為咁而話踩大陸機, 咁你一定會錯過好多好野