優點:
808 SNAPDRAGON唔會覺得慢
2G RAM其實夠用
影相可以用盡12MP
充電超快(用原裝充電機)
缺點:
MON係唔夠靚(同SONY比的話)
單邊喇叭(同SONY比)
評價:
一直用開SONY機,Z系由Z用到Z3,因為部Z2神咗但又唔敢買Z5(過熱),所以平平地買住部NEXUS 5X用住.
就規格嚟講,我用開Z2/Z3我覺得NEXUS 5X係夠用,冇話得2G RAM就行唔到O的乜,我打機都冇問題先(有3D).
比起SONY的話,就MON唔夠靚(但其實同Z2同一解像,同一個MON SIZE),喇叭得返一邊(橫放,SONY有兩邊).個棉花糖界面有O的唔係咁好用(其實同波板糖差唔多,係權限設定多咗),如個GOOGLE SEARCH冇得CLOSE(SONY有),冇咗SONY一O的有O既PROGRAM有O的唔慣(如行事曆界面,SONY幾好用, MUSIC亦都係好用,有FOLDER分類, MAIL都係). 可能用SONY太耐有O的唔慣原生界面.....但睇落其實SONY個界面係同原生界面係接近(普通LG界面反而唔似原生)。
另外亦都係因為原生GOOGLE機乜都冇,用慣O的有BUNDLE O既機,如有OFFICE之類O既....突然冇晒同全部要俾錢買....係有O的唔開心.....
影相可以用盡一千二百萬像數,唔似SONY咁要開M MODE先用得盡,唔係得果八百萬像數.不過近距離對焦麻麻。
充電方面係超快,原裝個充電器係可以一小時充滿部機。但亦因為佢用TYPE C,買CABLE係超煩.....出面竟然係極之少有得賣!好多手機店都冇,一定要去電腦商場先買到.另外如果打算係用原裝充電機換CABLE,要買質量好O的,因為用3A充CABLE要求高。
但整體嚟講,可以接受,夠我用到Z6/7出果陣。
咁O既價錢已經算係好好。