1. 慳電，不過係因為只係 1080p mon，不過我覺得冇問題，反而係優點，因為我唔係驗屍咁睇mon，低D解像但慳電仲好，如果之後D機可以好似note7可以降低解像度就好

2.冇咩大陸廢app(只限港行)

3.Plus有類似 Apple 的3D Touch

4.相機功能十分多，可以有唔同玩法，可以唔洗要相片編輯apps

5.雙鏡外形好睇

6.同其他旗艦比都係流暢。

1.USB2.0，傳輸速度慢(不過依家有幾可用電腦線)

2.自家U麻麻，只係因為mon解像度低先流暢，如果上2K真係死得。同埋發熱比想像中嚴重

3.顏色老套，追唔上國際主流，但又唔係別具一格。(不過係大陸人鍾意口味)

4.大陸機老問題WHATSAPP有時會DELAY或者按入去先睇到

5.前後鏡頭比HTC10廢，成像比HTC10差。(好似之前仲要比人踢爆宣傳相片係用單反影唔係P9) 好似冇防手震，但係HTC10連前鏡都有，同埋個Leica牌都係掛個名，都唔係個間野做ge

6.喇叭聲弱，成日要聽幾次先聽到

7.手機造工有待改善

8.附送ge充電頭只係5V 2A，充電時間比較長，相反HTC10好豪咁送QC3.0

9.黑邊好嚴重

10.冇NFC，不過我就好少用，冇咩所謂

個D話跌價快先好笑，部部an機都跌得快架啦。

不過我個陣見個價同HTC 10 差唔多，但又比HTC 10 差，最終都係要轉會。四千幾真係唔好多買呢部旗艦價但只係高階質素，慳番一千買oneplus或者C7好過。呢部我諗只值三千頭，嬴onepuls相機。

原諒我有D地方同HTC10比較，只係因為後尾轉用十仔而有呢D感受。

- 相機唔錯，做到我想要既要求。本人唔太影相，所以唔特別高。好多唔同功能，簡單易用。影相靚，夜拍好過G5先(用緊)。
- 手機外型唔錯，造工都好有誠意，手感好好，本人手細拎上啱啱好，可以單手操作。
指紋解鎖快。又唔洗禁制，掂一掂就開鎖。
- 芒 1080p 都算唔錯
- 屏幕操反應都好靈敏
- kirin 955 真係要讚，打機睇片唔會lag(正常旗艦機要做到)，當然，真正令我驚喜既係佢打機個流暢度。本人玩開Marvel Future Fight 超食ram遊戲！
用過好多部機玩，除左iphone 6唔lag之外(但好快冇電)，咩*** s7, g5(好少少), htc m9... 全部lag 到high high(呢個係我不停換機原因，原本一心等iphone 7)！
但p 9 竟然完全1d都冇lag，順到！而且又冇iphone咁快冇電，真係一個字 - 勁！
- 電量出色，同級黎算用唔錯！
- 廢app少，好緊要！d大牌子機裝埋晒d用唔著的apps，又冇得delete，晒氣！
- 我部4gb ram，有2.6~9 gb free ram，開好多apps 玩mavel 都冇彈apps情況！

- 冇nfc，冇得check 八達通餘額
- 2選1雙卡,插SD卡唔可以插SIM 2
- mon 大大條黑邊，好礙眼
- 貼唔到全屏玻璃貼

華為大陸機(其實有多機都係大陸造)，買前上網做足功課，買果陣都仲係十五十六，但用後真係令我跌晒鏡！手機我一般正常使用，打機都係集中MFF，但P9竟然好過晒大牌子，完全冇lag情況(好緊要)。
登記肥花好幾年，用過好多手機，唯一得呢部令我會打心得。手機依家五花百門，搵到啱自己的手機先重要。

1.部機個噱頭係個相機，個表現真係好。我唔識影相，亦冇乜要求，但佢無論前後鏡頭都足夠玩味，好多唔同功能，簡單易用。影相非常靚，即使夜拍亦唔算差，我覺得同其他夜拍強機嚟比，可能都係風格唔同。
2.手機造型，造工一流，薄得嚟手感好。我用銀色機，質感非常好。
3.芒靚色準，1080p對我黎講OK
4.屏幕反應靈敏
5.有快充，不過充電頭另買-.-
6.kirin 955表現出色
7.雙卡接收好，自動收4G，唔使調較兩張sim卡
8.電量雖然唔多，但用極都用唔曬，省電模式出色。
9.指紋解鎖快。而且感應器放後面可以創造更多功能，例如拉快捷欄，聽電話，熄鬧鐘仲有當快門等等。
10.內置app實用，廢app少

1.冇nfc，但 p9lite 同 p9plus都有-.-
2.孤寒雙卡,插SD卡唔可以插SIM 2
3.冇OIS防手震
4.屏幕黑邊
5.喇叭唔夠大聲，但音質還可
6.手機屏幕玻璃同金屬邊框之間有條邊,好似幾易花?
7.貼玻璃貼起白邊

本身想等Nokia android機，但部唔爭氣嘅Lumia 830喺更新途中死機冇救。我唔會買掛住Microsoft嘅wm10機,又覺得呢部各方面都幾好,咁就買咗。
我之前用開Lumia wp機，而家轉用android 6.0發現喺流暢度分別唔大，但用落係點就唔知。
介面係優定缺我都唔知，emui無錯係有啲樣衰，但係我喺主題調較完之後就好滿意，加入咗啲個人特色之後冇哂嗰種老土味。

呢部p9喺設計方面主要係平衡到各方面細節，唔似有啲手機廠顧前唔顧後，又或者顧後唔顧前，成部手機整體觀感良好。雖然唔係好似啲多色手機咁搶眼，但自己用落舒服,已經係好大既吸引力。
國產手機嘅表現都好出色，不過我覺得功能仲係可以有啲改進，加埋nfc,防水同埋光學防手震，會更加完美。有其他用家講咗一啲其他方面嘅缺點， 可能使用程度唔同，我就冇發現類似情況。暫時冇卡頓情況，so far好滿意。

電量唔錯, 可用2日
指紋確認好準
大小合適, 外觀不俗

相機冇防震
相機對焦不佳
大陸舜宇光學鏡頭　
冇NFC
冇送QUICK CHARGE
冇防水
造工不佳
955 效能遠差其他旗艦機
TOUCH MON不太靈敏
大陸機介面兼容有問題
WHATSAPP會DELAY
音效弱雞
冇收音機
1080P MON
HUAWEI 機跌價好快

3出機半價2240 出到P9 4G RAM 64G ROM 所以出來玩下, 唸住有LEICA 影相一定好掂, 鏡頭係大陸舜宇光學做, LEICA 只係貼LABEL, 影低光夜晚好唔掂, 日光日白就可以接受, 輸比950/950XL/S6/6S/S7/Z5/V10 雖然是HUAWEI 最好的相機, 但仍需努力, 二千幾就合理的, 四千幾就唔值了

相機功能效果方面幾好玩,(如黑白鏡頭)
價錢公道冇投訴,
用電量適中,夠一日.

只相機部份優,手機功能方面則有所不及,如手機程式不及大牌子,
例如不同社交程式交替,轉換及轉送相片兼容不上,
TOUCH MON.相比其他大牌不太靈敏,
2016出品,但冇NFC功能,輸比同級機,
虛擬大光圈拍攝散景效果好假, 等同MARKET上好多APPS都有,且早兩代嘅HTC都已做到.
日頭拍攝就好,晚上就差,相比我用開三叔NOTE5,整體上如質數,(冇防震等)都較差.
大陸機介面唔慣,用WHAT'APP如另一師兄所講,間中有遲緩.
音效方面弱項.

整體上尚算冇投訴,
買此機只為玩佢嘅相機,(試用後我長用佢菲林-流暢模式.)
否則不用考慮.! (手機體驗方面扣晒分)

影相好到冇朋友, 事實上d相係咪好leica 真係唔知, 反正好過好多dc仔我就收貨, leica 單色數碼機賣緊幾多錢? 哩部零頭都未夠仲想點.

喇叭聲細

個人認為, 如果心理上認為佢係一部大陸出, 有相機功能的手機, 64g賣4千樓上, 大家可能會有d戒心.
不如調轉頭諗, 佢係一部由leica 同大陸公司合作出既相機, 仲附有打電話同上網功能, 有得用黎whatsapp同打機, 只係賣緊3-4千, 感覺即刻抵玩好多.

1. Display color 漂亮, 看不出是 1920x1080
2. 08:00~20:00, 大量電話 WeChat / Whatsapp, 用了50%電
3. 省掉多餘功能, 對我來說剛剛好
4. 非常滿意3,000多元手機拍攝盡質, 為此而買這機

1. 白色機身只有 3G RAM + 32G ROM, 沒4+64G 選擇。無奈 !!
2. Speaker 畧為細聲, 但仍可接受
3. 跟機送的保護殼是硬殼, 滑手。應該送硅膠軟套

這手機是有快速功能, 但要另購 Quick Charger 9V2A, 當然也可當標準 5V使用。我從京東網買 RMB70 (Original Charger + Original Type C cord 1M )
接上後屏出現快充字句。右上角電池icon 出現兩個閃電符號, 有別於標準充電模式。

1.外型靓，我用白色，底有少少金色
2.手感舒服
3.影相几好
4.机背指纹顺手
5.type c 方便
6.有快充

1.电再多D就好
2.象素高D仲好
3.冇收音机

如题，good

經過三天過後的使用體驗，P9優點確實有好多，等我同大家分享下：

1.系統流暢度高，無乜垃圾apps,相比下岩岩trade in個部lg g4同現有嘅三星s7e , 我用緊係3 GB ram 低配版都已經好好，系統方面越黎越好

2.指紋確認度快狼準，screen off都可以指紋解到鎖，強！

3. 控電能力非常好，中用量勁上網，勁多WhatsApp, 唔打機，都涯到一日，8-9個鐘絕對唔係問題，相比下好過Lg同上年尾用過嘅Z5

4.屏幕方面，雖然佢係1080p mon,個ppi去到400幾，其實同2k mon睇落分別不大，最重要佢色準，同亮度非常夠，猛烈陽光係睇絕對唔係問題

5. 相機依Part有lecia認證，依部係華為機之中影相最好嘅一部，由之前佢嘅弱輕項，睇住佢由mate 8開始慢慢進步，漸漸追貼三星，lg同sony嘅影相技術，黑白相絕對係好靚奶味非常濃，對焦算快，雖然不及s7edge但相比下相差唔太大，依部機嘅相機主要突效相，雙鏡頭影景深相可靠光圈，影單獨物品及事物真係好靚，好過其他機，正常彩色相影出黎都算色好自然，後期相機編輯也非常多效果比你玩，濾鏡效果選擇非常多，好玩過m10

缺點方面，當然係有，每部科技野有一有佢好與唔嘅野

1. WhatsApp方面有 delay現像，有其他apps都係有收唔到通知現像，記住本人買嘅係行貨

2. 沒有支援快充，這個由華為客服跟我回答的，用快叉會叉壞舊電同電話，只支援5v 2a ，現時講緊所有旗艦都會有，充電時間比較長10%留下到100%充滿雖時2個鐘左右

3.連最主流的nfc都無加入到，用緊個張八達sim即時變廢卡

4.華為大部份機都未支援到Cat 6,行唔到4g+，只支持cat 4,上網速度其他大廠比較有優勢

5. 夜拍弱項lecia鏡令我跌眼鏡，嚴重油畫化，甚至漆黑一片，可能無ois嘅源故已經唔洗同其他機比，無得比，Lg g4都比佢好。

6. 系統個Ui太iphone化，無左主頁面

7. 電池使用量顯示不夠清晰，睇唔到使用時間

8.apps支援性還是不及其他大廠

9.聽歌無乜力，比s7e還差

10. 相機有Bugs情況，對唔到焦，及影淺景深調唔到光圈，換過兩次機，情況一樣

11.google唔識帶路，要用國內gps軟件

相比大廠機三星，lg ,Sony,htc仍然有一段距離，但華為好用心，已經追貼左好多，系統方面遠遠好過三星，同lg差唔多，但係相機方面仍需要努力，相比下上年到今年我用過嘅旗艦，華為都算一個唔錯嘅選擇，中國制造未必唔係好，依部機影相方面都不及s7e, 甚至比上年嘅g4差，可以話無得比，夜拍非常差，但依部機賣點影突效，影淺景深靚過哂所有嘅機，影出黎嘅突效遠遠好過其他機，黑白相tune得好靚，電控方面機做得特別好，開工到收工返屋企都仲有電，kirin粒u 始終唔夠三星及snapdragon兼容性好，但都好過mtk, 睇你自己有咩要求，但整體上p9都係一部唔錯嘅機，依部機賣點只得一個lecia黑白相同景深照片，其他野就一般般，依個價錢無快充無cat6無NFC,好唔好就見仁見智，希望依個詳細報告又可以幫助到大家想買依部機嘅人。

leica 雙鏡頭光學素質在手機上發揮良好，iphone同它無得比
相機色彩十分有趣 在低光位偏藍 高光偏黃
相機運作同sigma相機有原理上相似的地方
monochrome 更不用說 一流
模擬散景是它拋離其他手機的必殺技

除了相機其他表現平平

玩攝影的朋友不妨試試 會找到意想不到的樂趣